Handbag வாங்கும்போது கவனிக்க வேண்டிய 5 விஷயங்கள்!

ஹேண்ட் பேக் என்பது ஒரு ஸ்டைலுக்காக மட்டுமல்ல, நமது தினசரி செயல்பாடுகளில் மிக முக்கிய அங்கம் வகிக்கும் பொருளாகும். நமது அத்தியாவசிய பொருட்களை கைப்பைகளே சுமந்து செல்கின்றன. எனவே நீங்கள் ஒரு கைப்பையை வாங்க விரும்புகிறீர்கள் என்றால், எதுபோன்ற விஷயங்களை கவனிக்க வேண்டும் என்பது பற்றி இப்பதிவில் பார்க்கலாம். 

1. நோக்கம் மற்றும் செயல்பாடு: கைப்பை வாங்கும்போது நீங்கள் முதலில் கவனிக்க வேண்டியது அதன் நோக்கம் மற்றும் செயல்பாடுதான். அதாவது வேலை, பயணம், நிகழ்வுகளுக்கு, சும்மா ஜாலியாக வெளியே எடுத்துச் செல்ல என என்ன காரணத்திற்காக கைப்பை வாங்க நினைக்கிறீர்கள் என்பதை தீர்மானிக்கவும். உங்களது குறிப்பிட்ட தேவைகளுக்கு பயன்படும் வகையில் அளவு மற்றும் அம்சங்களை கவனியுங்கள். அன்றாட பயன்பாட்டிற்கு, நல்ல தரமான ஹேண்ட் பேக்கை தேர்ந்தெடுக்கலாம். அல்லது ஏதேனும் நிகழ்வுகளுக்கு கொண்டு செல்ல, அழகாக இருக்கும் கைப்பையை தேர்ந்தெடுங்கள். 

2. தரம் மற்றும் ஆயுல்: கைப்பை வாங்கும்போது வெறும் வெளித்தோற்றத்தை மட்டும் வைத்து முடிவு செய்யக்கூடாது. அதன் தரம் மற்றும் ஆயுள் எப்படி இருக்கும் என்பதை தெரிந்து வாங்க வேண்டும். அது எந்த பொருளால் செய்யப்பட்டுள்ளது, தையலின் தரம் மற்றும் என்ன பிராண்ட் என்பதை சரி பார்த்து வாங்குங்கள். குறிப்பாக அது தரமான பொருளால் செய்யப்பட்டுள்ளதா என்பதை கவனித்து வாங்கினால், நீண்ட காலத்திற்கு நீடித்து உழைக்கும். 

3. உடை மற்றும் வடிவமைப்பு: நீங்கள் உடுத்தும் உடைக்கு ஏற்றவாறு கைப்பை இருப்பதை உறுதி செய்து கொள்ளுங்கள். உங்களிடம் இருக்கும் ஆடைகளுடன் ஒத்துப்போகும் கைப்பையை தேர்ந்தெடுக்கவும். மேலும் எல்லா உடைகளுக்கும் பொருந்தும் படியான வடிவத்தைக் கொண்ட கைப்பை வாங்குவது நல்லது. கருப்பு மற்றும் பழுப்பு நிற கிளாசிக் வண்ணம் கொண்ட கைப்பைகள் ஒரு சிறந்த சாய்ஸ் ஆகும். 

4. வசதி: கைப்பை அழகாக இருப்பது மட்டுமின்றி அது எந்த அளவுக்கு வசதியாக இருக்கிறது என்பதைப் பாருங்கள். அதன் கைப்பிடியின் நீளம் மற்றும் அட்ஜஸ்ட் செய்யும் தன்மையை கவனியுங்கள். உங்கள் தோளில் மாட்டினால் எவ்விதமான அசௌகர்யத்தையும் ஏற்படுத்தாமல் இருக்கிறதா என சோதித்துப் பார்க்கவும். 

5. விலை: கைப்பை வாங்குவதற்கு பட்ஜெட்டை அமைத்து அந்த வரம்பிற்குள் இருக்கும் பிராண்டுகளைத் தேடுங்கள். குறிப்பாக நீங்கள் வாங்கும் கைப்பை தரம் மற்றும் நீடித்த ஆயுளுடன் இருக்க வேண்டும் என்பதை நினைவில் கொள்ளுங்கள். குறைந்த விலையில், தரம் இல்லாத கைப்பை வாங்குவதற்கு பதிலாக, விலை சற்று அதிகமானாலும், நல்ல கைப்பையில் முதலீடு செய்வது நல்லது. இதனால் நீங்கள் அடிக்கடி கைப்பை வாங்க வேண்டிய அவசியமில்லை. 

இந்த விஷயங்கள் அனைத்தையும் சரிபார்த்து, உங்களுக்கான சரியான கைப்பையை தேர்வு செய்யுங்கள். எதிலும் அவசரப்படாமல், நன்கு ஆராய்ச்சி செய்து, உங்களது விருப்பங்களை ஆராய்ந்து, நல்ல கைப்பையை தேர்ந்தெடுக்கவும்.