Subscribe
- முகப்பு
- கல்கி
- மங்கையர் மலர்
- தீபம்
- கோகுலம்/Gokulam
- முக்கிய பிரிவுகள்முக்கிய பிரிவுகள்
- தொகுப்புகள்தொகுப்புகள்
- PremiumPremium
எல்லோருக்கும் அழகாக இருக்கவேண்டும் என்பது ஆசைதான். அதற்கு இடையூறாக இருப்பது முகத்தில் ஏற்படும் பருக்களும் கரும்புள்ளிகளும் ஆகும். அவற்றை போக்கினால் பளிங்குபோல் ஆகும் முகம். அதைப் போக்கும் விதத்தைப் பற்றி இப்பதிவில் காண்போம்.
* முள்ளங்கிக் கிழங்கு நசித்து சாறு எடுத்து ஒரு ஸ்பூன் மோரில் கலக்கி முகத்தில் புள்ளி உள்ள இடங்களில் பூசி ஒரு மணி நேரம் கழித்து கழுவ வேண்டும். 15 நாட்கள் அது போல் செய்தால் கரும்புள்ளி மறைய ஆரம்பிக்கும்.
* சந்தன கட்டையை எலுமிச்சம் பழச்சாற்றில் உரைத்து தடவி வர பரு, ஆக்கி ,படர்தாமரை, தேமல், வீக்கம், ஆகியவை தீர்ந்து முகத்தில் வசீகரமும், அழகும் உண்டாகும்.
* வேப்ப இலையுடன் சிறிது மஞ்சள் சேர்த்து அரைத்து தடவி வர பரு, அம்மை கொப்பளம் ஆகியவை குணமாகும்.
* தூதுவளை பூவை காய்ச்சி பால் சர்க்கரை கலந்து 45 நாட்கள் பருக உடல் பலம்,முக வசீகரம், அழகும் பெறலாம்.
* அம்மான் பச்சரிசி பாலை மருவின் மீது தடவி வந்தால் மரு உதிர்ந்து விடும். பருவின் மீது தடவி வந்தாலும் பரு மாறும்.
* நன்னாரி வேர்ப் பொடியை தேனில் கலந்து , தேமல் உள்ள இடங்களில் தேய்க்க இவை மாறும்.
* நன்னாரி சர்பத்தை குளிர்ந்த நீரில் கலந்து அருந்த வேர்க்குரு, வேனல் கட்டிகள் வராமல் முக அழகை காக்கும்.
* துத்திச் செடியின் வேர் பட்டையை உலர்த்தி தூளாக்கி நல்லெண்ணெயில் குழப்பி முகத்தில் புள்ளி உள்ள இடங்களில் பூசி ஒரு மணி நேரம் கழித்து கழுவ வேண்டும். 15 நாட்கள் இப்படி செய்தால் கரும்புள்ளிகள் மறையும்.
* வேப்பிலைத் தோலை சலித்து அரை ஸ்பூன் நீரில் கலந்து புள்ளி உள்ள இடங்களில் 30 நாட்கள் தொடர்ந்து பூசி வரவேண்டும்.
* வெந்தயக் கீரையுடன் சிறிது மஞ்சள் சேர்த்து அரைத்து பருக்கள் மீது பூசி மூணு மணி நேரம் கழித்து கழுவ வேண்டும். மூன்று நாட்கள் இப்படி செய்தால் முகப்பருக்கள் போய்விடும்.
* வேப்பங்கொழுந்து, குப்பைமேனி தழை, ஒரு துண்டு விரலி மஞ்சள் மூன்றையும் அரைத்து பருக்கள் மீது பூசி மூணு மணி நேரம் கழித்து கழுவ வேண்டும் .மூன்று நாட்கள் இதே போல் செய்தால் நல்ல பலன் கிடைக்கும்.
* புனுகு எண்ணெய் நாட்டு மருந்து கடைகளில் வாங்கி பருக்கள் மீது காலை, மாலை பூசி 2 மணி நேரம் கழித்து கழுவ வேண்டும்.
இதுபோல் செய்து வந்தால் முகம் வேர்க்குரு, தேமல், பரு, கரும்புள்ளிகளில் இருந்து விடுபட்டு அழகுடன் ஜொலிக்கும்.
-இந்திராணி தங்கவேல்
