மரங்களிலும்... வானிலும் இயற்கையின் இரு வித்தியாசமான அதிசய உயிரினங்கள்!

Amazing creatures!

மரங்களில் தொங்கும் ஸ்லாத்: இந்த உலகில் ஒவ்வொரு உயிரினமும் தன்னித்துவமான வாழ்க்கை முறையைக் கொண்டுள்ளது. சில உயிரினங்கள் இயற்கையின் விதிகளுக்கு மாறாக மிக மெதுவாக வாழ்கின்றன. அத்தகைய ஒரு அற்புதமான உயிரினம் தான் ஸ்லாத் (Sloth). மரங்களில் தொங்கிக்கொண்டு, மிக மெதுவாக நகர்ந்து, அமைதியாக வாழும் இந்த உயிரினம் இயற்கையின் பொறுமையை நமக்கு எடுத்துக் காட்டுகிறது.

ஸ்லாத் என்பது தென் அமெரிக்கா மற்றும் மத்திய அமெரிக்காவின் அடர்ந்த மழைக்காடுகளில் வாழும் ஒரு மரவாழ் பாலூட்டி ஆகும். இது பெரும்பாலும் மரங்களிலேயே வாழ்கிறது; தரையில் அரிதாகவே இறங்கும்.

உடல் அமைப்பு: ஸ்லாத் உடலில் நீளமான கை, கால், வளைந்த கூர்மையான நகங்கள், அடர்த்தியான முடி, இவை அனைத்தும் மரங்களில் தொங்கிக்கொண்டு வாழ உதவுகின்றன. அதன் நகங்கள் கோல் (hook) போல வளைந்து இருப்பதால், அது கிளைகளை வலுவாகப் பிடித்துக்கொள்ள முடிகிறது.

தூங்கும் முறை: ஸ்லாத் மரக்கிளையில் தலைகீழாக தொங்கிக் கொண்டு தினமும் 15 முதல் 20 மணி நேரம் வரை தூங்கும். தூங்கும்போது விழாமல் இருப்பதற்கு அதன் நகங்களும் தசைகளும் உதவுகின்றன.

உணவு: ஸ்லாத் பெரும்பாலும் மர இலைகள், இளம் கிளைகள், பழங்கள் ஆகியவற்றை உணவாகக் கொள்கிறது. இலைகளை ஜீரணிக்க அதிக நேரம் பிடிக்கும். அதனால் ஸ்லாத் சக்தியை சேமிக்க மிக மெதுவாக நகர்கிறது.

பகைவர்களிடமிருந்து பாதுகாப்பு: ஸ்லாத் உடலில் சில நேரங்களில் பச்சை பாசி (algae) வளர்ந்து அது மர இலைகள் போலத் தோன்றச் செய்கிறது. இதனால் அது பகைவர்களின் கண்களுக்கு தெரியாமல் மறைந்து விடுகிறது.

ஸ்லாத் என்பது வேகமில்லாத வாழ்க்கையின் ஒரு சிறந்த உதாரணம். அது அவசரப்படாது, அழுத்தமின்றி, இயற்கையுடன் இசைந்து வாழ்கிறது. இன்றைய அவசரமான உலகத்தில் ஸ்லாத் நமக்கு சொல்லும் செய்தி ஒன்று தான். “மெதுவாக இருந்தாலும் அமைதியாக வாழ்வதே உண்மையான வாழ்க்கை.”

மரத்திலிருந்து வானில் மிதக்கும் பறக்கும் பல்லி

பறவைகள் மட்டுமே பறக்கும் என்று நாம் நினைத்துக் கொண்டிருக்கும் போது, மரங்களில் வாழும் ஒரு சிறிய பல்லி வானில் மிதந்து மரத்திலிருந்து மரத்திற்கு செல்லும் காட்சியை பார்த்தால் அது நிச்சயம் ஆச்சரியத்தை ஏற்படுத்தும். அத்தகைய விசித்திரமான உயிரினம்தான் பறக்கும் பல்லி.

தென்னாசிய மற்றும் தென்கிழக்கு ஆசிய காடுகளில் வாழும் ஒரு மரவாழ் பல்லி வகை ஆகும். இது பறவையைப் போல இறக்கை அசைத்து பறக்காது; மரத்திலிருந்து மரத்திற்கு மிதந்து (glide) செல்லும்.

உடல் அமைப்பு: பறக்கும் பல்லியின் உடலில் இருபுறங்களிலும் தோல் மடல்கள் (Patagium) நீளமான விலா எலும்புகள் இலகுவான உடல் அமைப்பு இந்த தோல் மடல்கள் விரிந்தால் சிறிய விமான இறகுகள் போல மாறி காற்றில் மிதக்க உதவுகின்றன.

மரத்தின் உச்சியில் ஏறுகிறது, தன்னை முன்னோக்கி வீசுகிறது, உடலின் தோல் மடல்களை விரிக்கிறது, காற்றின் உதவியுடன், 20–30 மீட்டர் வரை மிதந்து செல்லும். இறங்கும்போது வாலை பயன்படுத்தி திசையை கட்டுப்படுத்துகிறது.

உணவு பழக்கம்: பறக்கும் பல்லி சிறிய பூச்சிகள், எறும்புகள், வண்டுகள் ஆகியவற்றை உணவாகக் கொள்கிறது.

பயன்: பறப்பதன் மூலம் தரையில் இறங்காமல் உணவு தேட, பகைவர்களிடம் இருந்து தப்பிக்க, சக்தியைச் சேமிக்க முடியும். இதனால் அது காடுகளில் பாதுகாப்பாக வாழ முடிகிறது.

மரங்களே அதன் உலகம்; காற்றே அதன் பாதை. இவ்வாறு, மரத்திலிருந்து வானில் மிதந்து செல்லும் பறக்கும் பல்லி, இயற்கையின் புத்திசாலித் தனத்தையும், உயிரினங்களின் தனித்துவத்தையும் நமக்கு அழகாக எடுத்துக் காட்டுகிறது.