Kakapo: உலகில் உள்ள ஒரே பறக்காத கிளி இனம் இதுதான்!

நியூசிலாந்தின் பசுமையான காடுகளில் வாழ்ந்து வரும் Kakapo என்னும் ஒருவகை கிளி இனம், அதன் பறக்க முடியாத தன்மைக்காக நம்முடைய கவனத்தை ஈர்க்கிறது. உலகில் இருக்கும் கிளி வகைகளில் இருந்து வித்தியாசமான தோற்றத்தில் மாறுபட்டு இருப்பதால், Kakapo இயற்கை அதிசயங்களில் ஒன்றாகப் பார்க்கப்படுகிறது. இது பார்ப்பதற்கு ஆந்தையும் கிளியும் சேர்ந்த கலவை போல் இருப்பதால், ஆந்தைக்கிளி என்றும் அழைப்பார்கள். இந்த பதிவில் இதன் தனித்துவத்தையும் பண்புகளையும் சற்று ஆராய்வோம். 

பறக்க முடியாத அதிசயம்: மற்ற கிளி இனங்களைப் போல் அல்லாமல் Kakapo-வின் இறக்கைகள் சிறியதாக இருப்பதால், அதனால் பறக்க முடிவதில்லை. இந்த பரிணாம மாற்றம் நியூசிலாந்தில் அதிகப்படியான வேட்டையாடும் விலங்குகள் இல்லாததால் ஏற்பட்டதாகும். இந்த பறவையால் பறக்க முடியவில்லை என்றாலும், இதன் குறிப்பிடத்தக்க ஏறும் மற்றும் குதிக்கும் திறன்களை பயன்படுத்தி காடுகளில் செழித்து வளர்கிறது. 

காகபோவின் இனிமையான சத்தத்திற்கு ஒருவரால் கவரப்படாமல் இருக்க முடியாது. இதன் சத்தம் பல மைல்களுக்கு அப்பால் ஒலிக்கும் வகையில் இருப்பதால், இனப்பெருக்க காலத்தில் பெரிதும் உதவி, ஆண்களை பெண் கிளிகளின் பக்கம் ஈர்க்கிறது. இவை இனப்பெருக்கத்திற்கு மட்டுமின்றி தங்களின் எல்லைகளைக் குறிப்பிடவும் பயன்படுத்தப்படுகிறது. 

பாதுகாக்கப்பட வேண்டும்: புதிதாக உருவான வேட்டையாடி விலங்குகள் மற்றும் வசிப்பிட இழப்பு காரணமாக இதன் இனம் சரிவைக் கண்டுள்ளது. இருப்பினும் இந்த கிளிகளின் அசாதாரண சண்டையிடும் திறன், அவற்றை இன்றளவும் அழியாமல் பாதுகாக்கிறது எனலாம். அரசாங்கத்தின் முயற்சிகள், வேட்டைக் கட்டுப்பாடு மற்றும் சரியான இனப்பெருக்கம் போன்றவற்றால், Kakapo கிளிகள் அதன் அழிவிலிருந்து மீண்டு வருகிறது. இருப்பினும் மொத்தமாக 200 காகபோக்கள் மட்டுமே உள்ளன. இவற்றை முறையாகப் பாதுகாப்பது இயற்கையை சமநிலையில் வைத்திருக்க உதவும். 

பறக்காத இந்த அதிசயக் கிளிகளின் பாதுகாப்பில் அனைவரும் முயற்சிகளை மேற்கொள்ளும் போது, அதன் வாழ்வை உறுதிசெய்து, பாரம்பரியமாக நியூசிலாந்தில் வாழ்ந்து வரும் Kakapo-க்களை நம்மால் பாதுகாக்க முடியும்.