விண்கல் மோதல்: சந்திரனின் மலைத்தொடர்கள் பின்னால் உள்ள உண்மைகள்!

சந்திரனில் மலைகள், பீடபூமிகள் (Plateaus), தாழ்வுப் பகுதிகள் போன்ற பல்வேறு நில அமைப்புகள் உள்ளன. இவை அனைத்தும் கோடானுகோடி ஆண்டுகளாக நடந்த விண்கல் மோதல்கள், எரிமலை செயல்கள் மற்றும் புவியியல் மாற்றங்களால் ஏற்பட்டவை.

சந்திரனில் உள்ள மலைகள் மற்றும் பீடபூமிகள்:

சந்திர மலைகள்: சந்திரனின் மலைத் தொடர்கள் பூமியின் மலைகளைப் போல மடிப்பால் உருவானவை அல்ல. பெரும்பாலும் பெரிய விண்கற்கள் மோதியதில் ஏற்பட்ட தாக்கத்தால் உருவான உயர்ந்த விளிம்புகளே சந்திர மலைகள்.

முக்கிய சந்திர மலைத் தொடர்கள்:

1. மொண்டெஸ் அப்பினைன் (Montes Apenninus): சந்திரனின் மிகப்பெரிய, உயரமான மலைத்தொடர் இது. இதன் உயரம் 4 முதல் 5 கிலோ மீட்டர் வரை உள்ளது. இது பழங்கால ‘இம்ப்ரியம்’ (Imbrium) ஆழ்குழியின் விளிம்பிலிருந்து உருவானது.

2. மொண்டெஸ் கார்பேத்தியஸ் (Montes Carpatus): இம்ப்ரியம் ஆழ்குழி விளிம்பில் அமைந்த மற்றொரு தொடர். இதன் உயரம் 2 முதல் 3 கி.மீ.

3. மொண்டெஸ் காகேசஸ் (Montes Caucasus): அப்பினைன் தொடர் வடபகுதியில் இது உள்ளது. இதன் உயரம் 4 கி.மீ. வரை உள்ளது.

4. மொண்டெஸ் ஆல்ப்ஸ் (Montes Alpes): அழகான, நீண்ட மலைத் தொடர் இது. இதில் ‘Vallis Alpes’ என்ற புகழ் பெற்ற நீண்ட பள்ளத்தாக்கும் உண்டு. இதன் உயரம் 2 முதல் 3 கி.மீ. வரை.

5. மொண்டெஸ் ரிமா (Montes Rima): மொண்டெஸ் ருகா (Montes Rook) வீரியமான விண்கல் மோதலால் உருவான பன்மடங்கு வளைய மலைத்தொடர்கள் இது.

சந்திர பீடபூமிகள் (Lunar Plateaus): சந்திரனில் உள்ள பீடபூமிகளை ஹைலாண்ட்ஸ் (Highlands) அல்லது பாலின்ஸுலா பீடபூமி என்றும் அழைக்கலாம். இவை பூமிக்கு மிகுந்த ஒளியை பிரதிபலிக்கும் பழைமையான வெள்ளை நிற நிலப்பகுதிகள்.

பீடபூமிகளின் அம்சங்கள்: இவை பெரும்பாலும் அனோர்தோசைட் (Anorthosite) எனப்படும் ஒளிவீசும் பாறைகளால் ஆனவை. இதன் வயது 4 பில்லியன் ஆண்டுகள் சந்திரனின் மிகப் பழைய பகுதிகள். மிக அதிகமாக பள்ளங்களும், விண்கல் தடங்களும் இருக்கும்.

முக்கிய பீடபூமி பகுதிகள்:

1. Lunar Highlands (முக்கிய மேடுப்பகுதி): சந்திரனின் வெளிச்சமான, வெள்ளை நிறமேடுகள். இதன் உயரம் 6 கி.மீ. வரை கொண்ட பகுதிகளை உள்ளடக்கியது.

2. South Pole - Aitken Basin Highlands: சந்திரனின் தெற்கில் உள்ள பெரிய ஆழ்குழி விளிம்புகளில் உருவான உயர்ந்த பீடபூமிகள். இது சந்திரனின் மிகப் பழைய தாக்கக் குழி.

3. Oriental Basin Plateaus: சந்திரனின் கிழக்கு ஓரத்தில் உள்ள ‘Orientale’ வளைய ஆழ்குழி சுற்றிய உயர்வுகள். இங்கு வளைய வட்ட வடிவில் உயர்ந்த பீடபூமிகள் அமைந்துள்ளன.

சந்திரனின் மலைகள் மற்றும் பீடபூமிகள் எப்படி உருவானது?

பெரிய விண்கற்கள் மோதியதால் விளிம்புகள் உயர்ந்து வளைய வடிவ மலைகள் உருவாக்கப்பட்டன. மலை மற்றும் மேடுகளின் சில பகுதிகள் பழைய எரிமலைத் தடங்களால் மாற்றமடைந்தன. சந்திரனில் காற்று அல்லது நீரின் அரிப்பு இல்லாததால், பழைய மலைப்பகுதிகள் அப்படியே தெரிகின்றன.

சந்திர மலைகள் இயற்கையான மடிப்பு அல்ல; விண்கல் தாக்கத்தால் உருவானவை. பீடபூமிகள் சந்திரனின் மிகப் பழைய மேடுகள். உயரம் 4 முதல் 6 கி.மீ. வரை இருக்கும். மேற்பரப்பு மிகக் கடினம், கற்களும், பள்ளங்களும் நிறைந்தது.