ஆரோக்கியமான நெல்லிக்காய் ரசம் - கொய்யா சட்னி செய்யலாமா?

இன்றைக்கு ஆரோக்கியமான நெல்லிக்காய் ரசம் மற்றும் கொய்யா சட்னி ரெசிபிஸை சுலபமாக வீட்டிலேயே எப்படி செய்யலாம்னு பார்ப்போம்.

நெல்லிக்காய் ரசம் செய்ய தேவையான பொருட்கள்.

சீரகம்-1 தேக்கரண்டி.

மிளகு-1 தேக்கரண்டி.

சின்ன வெங்காயம்-5

நெல்லிக்காய்-1

பூண்டு-5

பச்சை மிளகாய்-2

கருவேப்பிலை-சிறிதளவு.

வேக வைக்க,

துவரம் பருப்பு-1 கப்.

நெல்லிக்காய்-2

மஞ்சள் தூள்-சிறிதளவு.

உப்பு-தேவையான அளவு.

தாளிக்க,

எண்ணெய்-1 தேக்கரண்டி.

கடுகு-1 தேக்கரண்டி.

சீரகம்-1 தேக்கரண்டி.

வரமிளகாய்-2

கருவேப்பிலை-சிறிதளவு.

பெருங்காயத்தூள்-சிறிதளவு.

கொத்தமல்லி-சிறிதளவு.

நெல்லிக்காய் ரசம் செய்முறை விளக்கம்.

முதலில் சீரகம் 1 தேக்கரண்டி, மிளகு 1 தேக்கரண்டி, சின்ன வெங்காயம் 5, நறுக்கிய நெல்லிக்காய் 1, பூண்டு 5, பச்சை மிளகாய் 2, கருவேப்பிலை சிறிதளவு சேர்த்து நன்றாக இடித்துக்கொள்ளவும். இத்துடன் நறுக்கிய தக்காளி 1 சேர்த்து அதையும் இடித்து எடுத்துக்கொள்ளவும்.

இப்போது துவரம் பருப்பு 1கப், நெல்லிக்காய் 2, மஞ்சள் தூள் சிறிதளவு, உப்பு தேவையான அளவு, தண்ணீர் தேவையான அளவு சேர்த்து குக்கரில் 2 விசில் வைத்து எடுத்துக்கொள்ளவும்.

இப்போது அடுப்பில் கடாயை வைத்து எண்ணெய் 1 தேக்கரண்டி, கடுகு 1 தேக்கரண்டி, சீரகம் 1 தேக்கரண்டி, வரமிளகாய் 2, கருவேப்பிலை சிறிதளவு சேர்த்து வதக்கி விட்டு இத்துடன் இடித்து வைத்த கலவையை சேர்த்து 2 நிமிடம் வதக்கிய பிறகு 1 கப் தண்ணீர் ஊற்றி பெருங்காயத்தூள் தேவையான அளவு சேர்த்து இத்துடன் வேக வைத்த பருப்பை சேர்த்து கலந்துவிட்டு 5 நிமிடம் கொதித்த பிறகு கொத்தமல்லி தூவி இறக்கவும். அவ்வளவு தான் சுவையான நெல்லிக்காய் ரசம் தயார். நீங்களும் இந்த ரெசிபியை வீட்டிலே ட்ரை பண்ணிப் பார்த்துட்டு சொல்லுங்க.

கொய்யா சட்னி செய்ய தேவையான பொருட்கள்;

எண்ணெய்-2 தேக்கரண்டி.

கொய்யாக்காய்-1

கடலைப்பருப்பு -1 தேக்கரண்டி.

கருப்பு உளுந்து-1 தேக்கரண்டி.

வெங்காயம்-1

வரமிளகாய்-2

கருவேப்பிலை-சிறிதளவு.

கொத்தமல்லி-சிறிதளவு.

புளி-சிறிதளவு.

உப்பு-தேவையான அளவு.

தாளிக்க,

எண்ணெய்-1 தேக்ககண்டி.

கடுகு-1 தேக்கரண்டி.

உளுந்து-1தேக்கரண்டி.

வரமிளகாய்-2

கருவேப்பிலை-சிறிதளவு.

கொய்யா சட்னி செய்முறை விளக்கம்;

முதலில் அடுப்பில் கடாயை வைத்து அதில் எண்ணெய் 2 தேக்கரண்டி விட்டு கடலைப்பருப்பு 1 தேக்கரண்டி, கருப்பு உளுந்து 1 தேக்கரண்டி, நறுக்கிய வெங்காயம் 1, வரமிளகாய் 2, கருவேப்பிலை சிறிதளவு, கொத்தமல்லி சிறிதளவு, புளி சிறிதளவு, நறுக்கிய கொய்யாக்காய் 1 சேர்த்து 2 நிமிடம் வதக்கிய பிறகு கடைசியாக தேவையான அளவு உப்பு சேர்த்து ஆறியதும் மிக்ஸியில் அரைத்து எடுத்துக்கொள்ளவும்.

இப்போது தாளிக்க கடாயில்  எண்ணெய் 1 தேக்கரண்டி விட்டு கடுகு 1 தேக்கரண்டி, உளுந்து 1 தேக்கரண்டி, வரமிளகாய் 2, கருவேப்பிலை சிறிதளவு சேர்த்து தாளித்து சட்னியில் சேர்த்து கலந்துவிட்டு பரிமாறவும். சுவையான கொய்யா சட்னி தயார். நீங்களும் இந்த ரெசிபியை ட்ரை பண்ணிப் பார்த்துட்டு சொல்லுங்க.