சுவையான காரைக்கால் கட்டுச்சோறு வித் சம்மந்தி சட்னி ரெசிபிஸ்!

இன்றைக்கு காரைக்கால் பக்கம் மிகவும் பிரபலமான கட்டுச்சோறும் அதனுடன் தொட்டுக் கொள்வதற்கு சம்மந்தி சட்னியும் வீட்டிலேயே சுலபமாக எப்படி செய்வது என்பதை பார்ப்போம்.

காரைக்கால் கட்டுச்சோறு செய்ய தேவையான பொருட்கள்;

எண்ணெய்-1 தேக்கரண்டி.

கடுகு-1 தேக்கரண்டி.

கடலைப்பருப்பு-1 தேக்கரண்டி.

வரமிளகாய்-2

கருவேப்பிலை-சிறிதளவு.

பூண்டு-5

வெங்காயம்-1

மஞ்சள் தூள்-1/4 தேக்கரண்டி.

மிளகு தூள்-1 தேக்கரண்டி.

மிளகாய் தூள்-1 தேக்கரண்டி.

சீரகத்தூள்-1 தேக்கரண்டி.

புளி தண்ணீர்-1 கப்.

தேங்காய் பால்-1 தேக்கரண்டி.

உப்பு-தேவையான அளவு.

அரிசி-1கப்.

காரைக்கால் கட்டுச்சோறு செய்முறை விளக்கம்;

முதலில் கடாயை அடுப்பில் வைத்து எண்ணெய் 1 தேக்கரண்டி, கடுகு 1 தேக்கரண்டி, கடலைப்பருப்பு 1 தேக்கரண்டி, வரமிளகாய் 2, கருவேப்பிலை சிறிதளவு பூண்டு 4 இடித்து சேர்த்துக் கொள்ளவும். இத்துடன் நறுக்கிய வெங்காயம் 1 சேர்த்து கண்ணாடி பதம் வரும் வரை வதக்கி எடுத்துக்கொள்ளலாம். இத்துடன் மஞ்சள் தூள் ¼ தேக்கரண்டி, மிளகுத்தூள் 1 தேக்கரண்டி, சீரகத்தூள் 1 தேக்கரண்டி, மிளகாய் தூள் 1 தேக்கரண்டி சேர்த்து கலந்து விட்டு 1 கப் புளி தண்ணீர், 1 கப் தேங்காய்ப் பால் சேர்க்க வேண்டும். இதற்கு தேவையான உப்பு, சேர்த்து நன்றாக கொதி வந்ததும் ஊறவைத்த அரிசி 1 கப் சேர்த்துக்கொள்ளவும். இதை மூடிப்போட்டு நன்றாக வேகவைத்து எடுத்துக்கொள்ளுங்கள். அவ்வளவுதான் சுவையான காரைக்கால் ஸ்பெஷல் கட்டுச்சோறு தயார். நீங்களும் இந்த ரெசிபியை வீட்டிலே ட்ரை பண்ணிப் பாருங்கள்.

சம்மந்தி சட்னி செய்ய தேவையான பொருட்கள்:

துருவிய தேங்காய் -1 கப்.

வரமிளகாய்-2

புளி- எழுமிச்சைப்பழ அளவு.

கருவேப்பிலை-சிறிதளவு.

உப்பு- தேவையான அளவு.

சட்னி தாளிக்க,

தேங்காய் எண்ணெய்-1 தேக்கரண்டி.

கடுகு-1 தேக்கரண்டி.

வரமிளகாய்-2

கருவேப்பிலை-சிறிதளவு.

சின்ன வெங்காயம்-5.

மிளகாய் தூள்-1 தேக்கரண்டி.

சம்மந்தி சட்னி செய்முறை விளக்கம்;

முதலில் மிக்ஸியில் துருவிய தேங்காய் 1கப், வரமிளகாய் 2, புளி எழுமிச்சைப்பழ அளவு, கருவேப்பிலை சிறிதளவு, உப்பு தேவையான அளவு சேர்த்து சிறிது தண்ணீர் விட்டு நன்றாக அரைத்துக்கொள்ளவும்.

இப்போது கடாயில் சிறிது தேங்காய் எண்ணெய் சேர்த்து அதில் 1 தேக்கரண்டி கடுகு, கருவேப்பிலை சிறிதளவு, வரமிளகாய் 2, பொடியாக நறுக்கிய சின்ன வெங்காயம் 5, மிளகாய் தூள் 1 தேக்கரண்டி சேர்த்து வதக்கியதும் அரைத்த தேங்காயை இத்துடன் சேர்த்து கலந்துவிட்டு ஒரு கொதி வந்ததும் அடுப்பிலிருந்து இறக்கி விடவும். இந்த சட்னியை தோசை, இட்லிக்கு வைத்து சாப்பிட்டால், அல்டிமேட் டேஸ்டாக இருக்கும். நீங்களும் இந்த ரெசிபியை ட்ரை பண்ணிப் பாருங்க.