நாவூர வைக்கும் நெல்லிக்காய் சாதம் - பருப்பு உருண்டை குழம்பு ரெசிபிஸ்!

இன்றைக்கு சுவையான நெல்லிக்காய் சாதம் மற்றும் பருப்பு உருண்டை குழம்பு ரெசிபிஸை சிம்பிளாக வீட்டிலேயே எப்படி செய்யறதுன்னு பார்ப்போம்.

1. நெல்லிக்காய் சாதம் செய்ய தேவையான பொருட்கள்:

நெல்லிக்காய்-4

இஞ்சி-1 துண்டு.

மஞ்சள் தூள்-1/2 தேக்கரண்டி.

உப்பு-1 தேக்கரண்டி.

மிளகாய் தூள்-1 தேக்கரண்டி.

எண்ணெய்-1 குழிக்கரண்டி.

கடுகு-1 தேக்கரண்டி.

சீரகம்-1 தேக்கரண்டி.

கடலைப்பருப்பு-1 தேக்கரண்டி.

உளுந்து-1 தேக்கரண்டி.

முந்திரி-5

கருவேப்பிலை-சிறிதளவு.

வேர்க்கடலை-1 தேக்கரண்டி.

காய்ந்த மிளகாய்-5

சாதம்-2 கப்.

கொத்தமல்லி-சிறிதளவு.

நெல்லிக்காய் சாதம் செய்முறை விளக்கம்.

முதலில் பவுலில் துருவிய 4 நெல்லிக்காயை சேர்த்துக் கொள்ளவும். இத்துடன் துருவிய 1 துண்டு இஞ்சி, 1 தேக்கரண்டி உப்பு, ½ தேக்கரண்டி மஞ்சள் தூள், 1 தேக்கரண்டி மிளகாய் தூள் சேர்த்து நன்றாக பிசைந்துவிடவும். இதை 10 நிமிடம் ஊற வைக்கவும்.

இப்போது கடாயில் 1 குழிக்கரண்டி எண்ணெய் விட்டு கடுகு 1 தேக்கரண்டி, சீரகம் 1 தேக்கரண்டி, கடலைப்பருப்பு 1 தேக்கரண்டி, உளுந்து 1 தேக்கரண்டி, வேர்க்கடலை 1 தேக்கரண்டி சேர்த்து வறுத்துக் கொள்ளவும். இத்துடன் 5 காய்ந்த மிளகாய், முந்திரி 5, கருவேப்பிலை சிறிதளவு சேர்த்து வறுத்துக்கொள்ளவும்.

இப்போது இதில் பிசைந்து வைத்திருக்கும் நெல்லிக்காயை சேர்த்து 2 நிமிடம் வதக்கிக் கொள்ளவும். இதில் வடித்து ஆற வைத்த சாதம் 2 கப்பை சேர்த்து நன்றாக கிளறவும். கடைசியாக கொத்தமல்லி சிறிதளவு சேர்த்து கிளறிவிட்டு இறக்கினால் நெல்லிக்காய் சாதம் தயார்.

2. பருப்பு உருண்டை குழம்பு செய்ய தேவையான பொருட்கள்:

பருப்பு உருண்டை செய்ய:

கடலைப்பருப்பு-1 கப்.

துவரம் பருப்பு-1/4 கப்.

காய்ந்த மிளகாய்-4

சோம்பு-1 தேக்கரண்டி.

உப்பு-தேவையான அளவு.

கருவேப்பிலை, கொத்தமல்லி-சிறிதளவு.

வெங்காயம்-1

பச்சை மிளகாய்-2

குழம்பு செய்ய:

எண்ணெய்-1 குழிக்கரண்டி.

கடுகு-1 தேக்கரண்டி.

சீரகம்-1 தேக்கரண்டி.

கடலைப்பருப்பு-1 தேக்கரண்டி.

வெந்தயம்-1 தேக்கரண்டி.

பூண்டு-4

காய்ந்த மிளகாய்-4

கருவேப்பிலை-சிறிதளவு.

சின்ன வெங்காயம்-15.

தக்காளி-1

சாம்பார் பொடி-4 தேக்கரண்டி.

புளி-எழுமிச்சைப்பழ அளவு.

தேங்காய்ப்பால்-1 கப். 

பருப்பு உருண்டை குழம்பு செய்முறை விளக்கம்.

3 மணி நேரம் ஊற வைத்த கடலைப்பருப்பு 1 கப், துவரம் பருப்பு ¼ கப், காய்ந்த மிளகாய் 4, சோம்பு 1 தேக்கரண்டி, உப்பு 1 தேக்கரண்டி சேர்த்து மிக்ஸியில் அரைத்துக் கொள்ளவும்.  இப்போது அதை பவுலில் மாற்றிவிட்டு பொடியாக நறுக்கிய கருவேப்பிலை, கொத்தமல்லி சிறிதளவு, பொடியாக நறுக்கிய வெங்காயம் 1, நறுக்கிய பச்சை மிளகாய் 2 சேர்த்து நன்றாக பிசைந்து உருண்டை பிடித்து வைத்துக் கொள்ளவும்.

இப்போது கடாயில் 1 குழிக்கரண்டி எண்ணெய் விட்டு கடுகு 1 தேக்கரண்டி, சீரகம் 1 தேக்கரண்டி, வெந்தயம் 1 தேக்கரண்டி, கடலைப்பருப்பு 1 தேக்கரண்டி, பூண்டு 4, காய்ந்த மிளகாய் 4, கருவேப்பிலை சிறிதளவு, நறுக்கிய சின்ன வெங்காயம் 15, பொடியாக நறுக்கிய தக்காளி 1 ஆகியவற்றை நன்றாக வதக்கிவிட்டு சாம்பார் பொடி 4 தேக்கரண்டி சேர்த்து கலந்துவிடவும்.

இதில் எழுமிச்சை பழ அளவு புளியை கரைத்து சேர்த்துக் கொள்ளவும். தண்ணீர் இரண்டு கப் சேர்த்து குழம்பு நன்றாக கொதித்ததும் தேங்காய்ப்பால் 1 கப் சேர்த்துக் கொள்ளவும். கடைசியாக உருண்டைகளை குழம்பில் சேர்த்து 10 நிமிடம் கொதிக்கவிடவும். அவ்வளவு தான் பருப்பு உருண்டை குழம்பு தயார். நீங்களும் இந்த ரெசிபியை வீட்டிலே ட்ரை பண்ணிப் பார்த்துட்டு சொல்லுங்க.