ஸ்மோக்கி தக்காளி - குடைமிளகாய் சட்னி செய்வது எப்படி?

தேவை:

தக்காளி 4, குடைமிளகாய் 1, முழு பூண்டு 1, பச்சை மிளகாய் 4, வருத்த சீரகத் தூள் அரை டீஸ்பூன், லெமன் ஜூஸ் 2 டீஸ்பூன், உப்பு தேவைக்கேற்ப.

செய்முறை:

கேஸ் ஸ்டவ்வை எரியவிட்டு அதன் மேலுள்ள ஸ்டாண்டில் தக்காளிப் பழங்களை வைத்து, நன்கு திருப்பிவிட்டு தோல் கருகும் வரை சுட்டெடுக்கவும். அதேபோல் பூண்டு, குடைமிளகாய், பச்சை மிளகாய்களையும் சுட்டெடுக்கவும். பின் அனைத்தும் நன்கு ஆறியதும் கருகிய தோலை சுத்தமா பிய்த்தெடுத்துவிடவும். மிக்ஸியில் உப்பு, சீரகத்தூளுடன் சுட்டெடுத்த பொருள்கள் அனைத்தையும் கிள்ளிக்கிள்ளிப் போட்டு அரைக்கவும். அரைத்ததை ஒரு பாத்திரத்துக்கு மாற்றி லெமன் ஜூஸ் சேர்த்து கலந்து உபயோகிக்கவும். ஸ்மோக்கி வாசனையுடன் ஒரு வித்யாசமான சட்னி! செய்துதான் பாருங்களேன்.