பலாப்பழ பிரியாணி: அசைவம்போல ஒரு சைவம்! ரெசிபி இதோ!

பலாப்பழ பாயசம் செய்ய தேவையான பொருட்கள்:

பழுத்த பலாப்பழக் கூழ் – 1 கப் (நறுக்கி எடுக்கவும்)

பாசிப்பயறு  – ¼ கப்

வெல்லம் – ¾ கப் 

தேங்காய் பால் – 1½ கப்

நெய் – 2 டீஸ்பூன்

முந்திரி, திராட்சை – 1 டீஸ்பூன்

ஏலக்காய் தூள் – ¼ டீஸ்பூன்

உப்பு – ஒரு சிட்டிகை

செய்முறை: பாசிப்பருப்பை முதலில் கொஞ்சம் வறுத்து, பின் நன்றாக வேகவைக்கவும். வெதுவெதுப்பாக இருக்கும்போது வடிகட்டி வைக்கவும். பலாப் பழத்தை சிறிய துண்டுகளாக நறுக்கி மிக்ஸியில் அரைத்துக் கொள்ளலாம் (முழுமையாக அரைக்காமல் கொஞ்சம் துண்டுகளாக இருக்கலாம்.

சாப்பிட சுவையாக இருக்கும்.  ஒரு கடாயில் சிறிது தண்ணீருடன் வெல்லம் சேர்த்து கரைத்து வடிகட்டி தூள் நீக்கி வைக்கவும். கடாயில் நெய் ஊற்றி அரைத்த பலாப்பழக் கூழை வதக்கவும் (2-3 நிமிடம்). பின்னர் வெல்லம் கரைசலையும் சேர்க்கவும்.  பிறகு வேகவைத்த பாசிப்பருப்பையும் சேர்க்கவும்.  5 நிமிடங்கள் கொதிக்கவிட்டு, இறுதியில் தேங்காய் பால் சேர்க்கவும்.  பாயாசம் கொதிக்கும்போது  ஏலக்காய் தூள் மற்றும் ஒரு சிட்டிகை உப்பும் சேர்க்கவும். ஒரு  நிமிடமே கொதிக்கவிடுங்கள். (தேங்காய் பால் அதிகமாக கொதிக்கக் கூடாது).

தனியாக நெய்யில் முந்திரி மற்றும் திராட்சையை வறுத்து மேலே சேர்க்கவும். சூடாகவும் பரிமாறலாம் அல்லது சிறிது குளிரவைத்துப் பரிமாறினாலும்  சுவையாக இருக்கும்.

பலாப்பழ பிரியாணி

இளந்தர பலாப்பழத்தை (Raw Jackfruit) பயன்படுத்தி இந்த பிரியாணி தயாரிக்கப்படுகிறது.

தேவையான பொருட்கள்:

இளந்தர பலாப்பழம் – 1 கப் (நறுக்கிய துண்டுகள்)

பாஸ்மதி அரிசி – 1 கப்

வெங்காயம் – 1 (நறுக்கியது)

தக்காளி – 1 (நறுக்கியது)

பச்சை மிளகாய் – 2 (பிளந்து)

தயிர் – ¼ கப்

இஞ்சி பூண்டு விழுது – 1 டீஸ்பூன்

கொத்தமல்லி / புதினா – ஒரு கைப்பிடி (நறுக்கியது)

எண்ணெய் + நெய் – 2 டேபிள்ஸ்பூன்

உப்பு – தேவையான அளவு

நீர் – 1¾ கப்

மசாலா பொடிகள்:

மிளகாய் தூள் – 1 டீஸ்பூன்

தனியா தூள் – 1 டீஸ்பூன்

மஞ்சள் தூள் – ¼ டீஸ்பூன்

கறி மசாலா – 1 டீஸ்பூன்

ஏலக்காய் – 2

கிராம்பு – 2

பட்டை – ஒரு சிறிய துண்டு

சோம்பு – ½ டீஸ்பூன்

பிரியாணியிலை – 1

செய்முறை:  இளந்தர பலாப்பழத்தின் சுளைகளை  எடுத்து சிறு துண்டுகளாக நறுக்கவும். 2 நிமிடங்கள் உப்பும் மஞ்சள் தூளும் சேர்த்து பச்சை வாசனை போவதற்காக சுடுநீரில் போடவும். பின்னர்  நீரை வடித்து வைக்கவும்.

பிரஷர் குக்கரில் எண்ணெய் + நெய் ஊற்றி, பட்டை, கிராம்பு, ஏலக்காய், சோம்பு, பிரியாணியிலை தாளிக்கவும். வெங்காயம் சேர்த்து தங்க நிறமாக வதக்கவும். பச்சை மிளகாய், இஞ்சி பூண்டு விழுது சேர்க்கவும். பின்னர் தக்காளி, மசாலா பொடிகள் சேர்த்து நன்றாக வதக்கவும்.

தயிர் மற்றும் நறுக்கிய கொத்தமல்லி, புதினாவும் சேர்க்கவும். நீரை வடித்து வைத்த பலாப்பழ துண்டுகளைச் சேர்த்து, மசாலாவுடன் நன்றாக கிளறி 5 நிமிடம் வதக்கவும். அரிசியை கழுவி 15 நிமிடம் ஊறவைத்து  இத்துடன் சேர்க்கவும். அளவிற்கு நீர், உப்பு சேர்த்து கிளறவும்.

பிரஷர் குக்கரில் 1 விசில் வரை வைத்து, பின்னர் தீயை குறைத்து 5 நிமிடம் தம் வைக்கவும். (அல்லது கடாயில் “தம்” முறைப்படி மூடி நன்றாக வேகவைக்கலாம்.)   தயிர் பச்சடி, வெங்காய ரயிதா, வெஜ் கிரேவி ஆகியவற்றுடன் பரிமாறலாம்.