இனிப்பான அவல் கேசரி-மஷ்ரூம் சட்னி செய்யலாம் வாங்க!

Aval kesari and Mushroom chutney recipes
Aval kesari and Mushroom chutney recipesImage credit - youtube.com
நான்சி மலர்

கொங்கு பொறியியல் கல்லூரியின் கணினி அறிவியல் பட்டதாரியான நான்சி மலர், கோரா (Quora) வாயிலாக எழுத்துலகில் காலடி வைத்து சுவாரசியமாக எழுதக் கற்றவர். கல்கி ஆன்லைன் ஊடகத்தில் கடந்த மூன்று ஆண்டுகளாக பதிப்பீடு, சமூக வலைதளம், எடிட்டிங் மற்றும் எழுத்துப்பணியில் நிபுணத்துவம் பெற்றவர். ஆரோக்கியம், மோட்டிவேஷன், டெக்னாலஜி, பயணம், சுற்றுச்சூழல் குறித்த இவரது கட்டுரைகளும் கல்கியில் வெளியான சிறுகதைகளும் வாசகர்களின் பேராதரவைப் பெற்றுள்ளன.

Updated on: 

இன்னைக்கு வீட்டிலேயே சுவையான அவல் கேசரியும், மஷ்ரூம் சட்னியும் எப்படி எளிமையாக செய்வது என்பதை பார்க்கலாம் வாங்க.

அவல் கேசரி செய்ய தேவையான பொருட்கள்:

முந்திரி-10

திராட்சை-10

அவல்-1கப்.

வெல்லம்-1கப்.

ஏலக்காய் தூள்-1தேக்கரண்டி.

உப்பு-1 சிட்டிகை.

நெய்-தேவையான அளவு.

அவல் கேசரி செய்முறை விளக்கம்:

முதலில் ஃபேனில் நெய் 4 தேக்கரண்டி விட்டு முந்திரி10, திராட்சை 10 வறுத்து எடுத்து வைத்துக்கொள்ளுங்கள்.

அதே ஃபேனில் கெட்டி அவல் 1கப் சேர்த்து நன்றாக வறுத்தெடுத்து மிக்ஸியில் போட்டு ரவை போல அரைத்து எடுத்துக்கொள்ளவும்.

இப்போது ஃபேனில் 2 ½ கப் தண்ணீர் ஊற்றி கொதி வந்ததும் ஏலக்காய்தூள் 1 தேக்கரண்டி, உப்பு 1 சிட்டிகை சேர்த்துவிட்டு அரைத்து வைத்த அவலை சேர்த்து நன்றாக வேகவிடவும். அவல் நன்றாக வெந்ததும், வெல்லம் 1 கப் சேர்த்து நன்றாக கலந்துவிட்டு நெய் 2 தேக்கரண்டி சேர்த்து அத்துடன் வறுத்து வைத்த முந்திரி, திராட்சை சேர்த்து கிண்டி இறக்கினால் அவல் கேசரி தயார். இந்த சூப்பர் சுவையான ரெசிபியை நீங்களும் வீட்டிலே ட்ரை பண்ணிப் பார்த்துட்டு சொல்லுங்க.

மஷ்ரூம் சட்னி செய்ய தேவையான பொருட்கள்:

மஷ்ரூம்-200 கிராம்.

வெங்காயம்-1கப்.

வரமிளகாய்-5

எண்ணெய்-1 குழிக்கரண்டி.

பூண்டு-4

இஞ்சி-1துண்டு.

புளி-சிறிதளவு.

உப்பு- தேவையான அளவு.

தேங்காய்-1கப்.

தாளிப்பதற்கு,

எண்ணெய்-2 தேக்கரண்டி.

கடுகு-1 தேக்கரண்டி.

உளுந்து-1 தேக்கரண்டி.

பெருங்காயத்தூள்-1/2 தேக்கரண்டி.

கருவேப்பிலை-சிறிதளவு.

இதையும் படியுங்கள்:
செட்டிநாடு புளிமிளகாய் மண்டி - உடுப்பி ஸ்பெஷல் குருமா செய்யலாம் வாங்க!
Aval kesari and Mushroom chutney recipes

மஷ்ரூம் சட்னி செய்முறை விளக்கம்:

முதலில் 200 கிராம் மஷ்ரூமை நன்றாக தண்ணீரில் அலசிவிட்டு வெட்டி வைத்துக் கொள்ளவும்.

இப்போது கடாயில் 1 குழிக்கரண்டி எண்ணெய் சேர்த்து 5 வரமிளகாய், நறுக்கி வைத்திருக்கும் வெங்காயம் 1 கப் சேர்த்து வதக்கவும். இப்போது வெட்டி வைத்திருக்கும் மஷ்ரூமை சேர்த்து கிண்டவும். இத்துடன் பூண்டு 4, இஞ்சி 1 துண்டு, புளி சிறிது சேர்த்து நன்றாக வதக்கவும். இந்த கலவை நன்றாக வதங்கியதும், தேவையான அளவு கல் உப்பு சேர்த்து அடுப்பை அணைத்து விடவும். இப்போது இது ஆறியதும் மிக்ஸியில் சேர்த்து கூட 1 கப் தேங்காய் வைத்து நன்றாக அரைத்து எடுத்துக் கொள்ளவும்.

கடாயில் 2 தேக்கரண்டி எண்ணெய் விட்டு கடுகு 1 தேக்கரண்டி,உளுந்து 1 தேக்கரண்டி, பெருங்காயத்தூள் ½ தேக்கரண்டி, கருவேப்பிலை சிறிதளவு சேர்த்து நன்றாக பொரிந்ததும் தாளிப்பை சட்னியில் சேர்த்து கிண்டிவிட்டால், சுவையான மஷ்ரூம் சட்னி தயார். இதை இட்லி, தோசை, சாதத்துடன் சேர்த்து சாப்பிடலாம் சுவை அல்டிமேட்டாக இருக்கும். நீங்களும் இந்த சிம்பிள் ரெசிபியை வீட்டிலே ட்ரை பண்ணிப் பாருங்கள்.