சுவையான குடான்னம் - ரவா பாயசம் செய்யலாம் வாங்க!

இன்றைக்கு மதுரை மீனாட்சியம்மன் கோவில் பிரசாதம் குடான்னம் மற்றும் ரவா பாயாசம் ரெசிபிஸ் எப்படி சுலபமாக வீட்டிலேயே செய்யலாம்னு பார்ப்போம்.

குடான்னம் செய்ய தேவையான பொருட்கள்.

அரிசி-1 ½ கப்.

வெல்லம்-1/2 கிலோ.

உப்பு-1 சிட்டிகை.

ஏலக்காய் தூள்- 1 தேக்கரண்டி.

நெய்-1/2 கப்.

முந்திரி-25.

குடான்னம் செய்முறை விளக்கம்.

முதலில் 1 ½ கப் அரிசியை ஒரு பவுலில் எடுத்துக் கொள்ளவும். அதை நன்றாக தண்ணீரில் கழுவிய பிறகு 1/2 மணிநேரம் ஊற வைத்து வேகவைக்கவும்.

நன்றாக சாதம் தயாரானதும். இன்னொரு பாத்திரத்தில் ½ கிலோ வெல்லம் போட்டு சிறிது தண்ணீர் விட்டு பாகு தயாரானதும் அதை  வேகவைத்து இருக்கும் சாதத்தில் ஊற்றிக் கலந்துக்கொள்ளவும். இப்போது இதில் 1 சிட்டிகை உப்பு, 1 தேக்கரண்டி ஏலக்காய் தூள், சேர்த்து கலந்து விடவும்.

இப்போது கடாயில் ½ கப் நெய் சேர்த்து 25 முந்திரியை பொன்னிறமாக வறுத்து அதில் சேர்த்துக்கொள்ளவும். ருசியான மதுரை மீனாட்சியம்மன் கோவில் பிரசாதமான குடானம் தயார். நீங்களும் இந்த ரெசிபியை ட்ரை பண்ணிப் பார்த்துட்டு சொல்லுங்க.

ரவா பாயாசம் செய்ய தேவையான பொருட்கள்.

நெய்-3 தேக்கரண்டி.

முந்திரி-10

ரவா-1/4 கப்.

பால்-1/2 லிட்டர்.

ஏலக்காய் தூள்-1/2 தேக்கரண்டி.

சர்க்கரை-1/4 கப்.

குங்குமப்பூ-சிறிதளவு.

ரவா பாயசம் செய்முறை விளக்கம்.

முதலில் கடாயில் 3 தேக்கரண்டி நெய் சேர்த்து முந்திரி 10 பொன்னிறாமாக வறுத்து எடுத்துக்கொள்ளவும். இப்போது அதே கடாயில் ரவா ¼ கப் சேர்த்து வறுத்து எடுத்து வைத்துக்கொள்ளவும்.

இப்போது கடாயில் பால் ½ லிட்டர் சேர்த்து நன்றாக கொதித்ததும் அதில் ஏலக்காய் தூள்  ½ தேக்கரண்டி அத்துடன் வறுத்து வைத்திருக்கும் ரவையை சேர்த்து பாதி வெந்ததும் ¼ கப் சர்க்கரை சேர்த்து ரவா வெந்த பிறகு குங்குமப்பூ சிறிதளவு சேர்த்துவிட்டு கடைசியாக வறுத்த முந்திரியை சேர்த்து கிண்டி இறக்கவும். சுவையான ரவா பாயாசம் தயார். நீங்களும் வீட்டில் ட்ரை பண்ணிப் பார்த்துட்டு சொல்லுங்க.