சுவையான ரவா பொங்கல் வித் மசாலா வடை குழம்பு செய்யலாம் வாங்க!

எப்போதும் செய்யும் பொங்கல் போல இல்லாமல் இன்னைக்கு வித்தியாசமாக ரவாவில் பொங்கல் செய்துவிட்டு மசாலா வடையை வைத்து சட்டுன்னு ஒரு குழம்பு வீட்டிலேயே சிம்பிளாக செய்யலாம் வாங்க.

ரவா பொங்கல் செய்ய தேவையான பொருட்கள்;

பாசிப்பருப்பு-1/4 கப்.

நெய்- தேவையான அளவு.

ஜீரகம்-1 தேக்கரண்டி.

மிளகு-1 தேக்கரண்டி.

கருவேப்பிலை-சிறிதறவு.

இஞ்சி-1 துண்டு.

முந்திரி-10.

பெருங்காயத்தூள்-சிறிதளவு.

உப்பு-தேவையான அளவு.

ரவை-1/2 கப்.

ரவா பொங்கல் செய்முறை விளக்கம்;

முதலில் ¼ கப் பாசிப்பருப்பை குக்கரில் போட்டு தண்ணீர் ஊற்றி வேகவைத்து எடுத்துக் கொள்ளவும்.

இப்போது ஒரு ஃபேனில் நெய் 2 தேக்கரண்டி, ஜீரகம் 1 தேக்கரண்டி,மிளகு 1 தேக்கரண்டி, துருவிய இஞ்சி 1 துண்டு, முந்திரி10, கருவேப்பிலை சிறிதளவு, பெருங்காயம் சிறிதளவு இதையெல்லாம் சேர்த்து நன்றாக கிளறிவிட்டு விட்டு இப்போது வேக வைத்திருக்கும் பாசிப்பருப்பை சேர்த்து 4 கப் தண்ணீர் சேர்த்து நன்றாக கொதிக்க விட்டு தேவையான அளவு உப்பு, 1/2கப் ரவை சேர்த்து கிளறிக் கொண்டே இருக்க வேண்டும். கடைசியாக நெய் 4 தேக்கரண்டி விட்டு கிண்டி இறக்கவும். இப்போது சுவையான ரவா பொங்கல் தயார். நீங்களும் இந்த ரெசிப்பியை வீட்டிலே செய்து பார்த்துட்டு சொல்லுங்க.

மசாலா வடை குழம்பு செய்ய தேவையான பொருட்கள்:

மசால்வடை செய்ய,

கடலைப்பருப்பு-1 கப்.

உப்பு- தேவையான அளவு.

பெருங்காயம்-2 சிட்டிகை.

தட்டிய பூண்டு-4

சோம்பு-1/2 தேக்கரண்டி.

பச்சை மிளகாய்-1

வெங்காயம்-1

எண்ணெய்- தேவையான அளவு.

குழம்பு செய்ய,

கடுகு-1/2 தேக்கரண்டி.

சோம்பு-1/2 தேக்கரண்டி.

வெங்காயம்-1

தக்காளி-2

கருவேப்பிலை-சிறிதளவு.

உப்பு- தேவையான அளவு.

மிளகாய் தூள்-1/2 தேக்கரண்டி.

தனியா தூள்-1/2 தேக்கரண்டி.

குழம்பு மிளகாய்தூள்-1 தேக்கரண்டி.

மஞ்சள் தூள்-1/4 தேக்கரண்டி.

மசாலா வடை குழம்பு செய்முறை விளக்கம்.

முதலில் 1 கப் கடலைப்பருப்பை 1 மணி நேரம் ஊற வைத்து தேவையான அளவு உப்பு சேர்த்து அரைத்து எடுத்துக்கொள்ளவும். அத்துடன் 2 சிட்டிகை பெருங்காயம், தட்டிய பூண்டு  4,  சோம்பு ½ தேக்கரண்டி, சிறிதாக வெட்டிய வெங்காயம் 2, சிறிதாக நறுக்கிய பச்சை மிளகாய் 1 சேர்த்து நன்றாக பிசைந்து குட்டி குட்டி வடையாக தட்டி நன்றாக கொதிக்கும் எண்ணெய்யில் போட்டு வேகவிட்டு இரண்டு பக்கமும் பொன்னிறமாகும் வரை பொரித்து எடுத்துக் கொள்ளவும்.

இப்போது அடுப்பில் கடாயை வைத்து 3 தேக்கரண்டி எண்ணெய் விட்டு கடுகு ½ தேக்கரண்டி, சோம்பு ½ தேக்கரண்டி சேர்த்து அத்துடன் பொடியாக நறுக்கிய வெங்காயம் 1, கருவேப்பிலை சிறிதளவு, பொடியாக நறுக்கிய தக்காளி 2, உப்பு தேவையான அளவு, ½ தேக்கரண்டி மிளகாய் தூள், ½ தேக்கரண்டி தனியா தூள், குழம்பு மிளகாய் தூள் 1 தேக்கரண்டி, மஞ்சள் தூள் ¼ தேக்கரண்டி சேர்த்து நன்றாக வதக்கவும். பிறகு 1 கப் தண்ணீர் சேர்த்து கொள்ளவும். குழம்பிலிருந்து எண்ணெய் நன்றாக பிரிந்து வரும்போது செய்து வைத்திருக்கும் மசால் வடையை குழம்பில் சேர்த்து 1 நிமிடம் கொதிக்க வைத்து இறக்கி விடவும். இப்போது சுவையான மசாலா வடை குழம்பு தயார். நீங்களும் இந்த ரெசிபியை வீட்டிலே செய்து பார்த்துட்டு சொல்லுங்க.