சூடான மொறுமொறு மரவள்ளிக்கிழங்கு போண்டா - தரமான ஈவினிங் ஸ்நாக்ஸ்!

ஈவினிங் டைம்ல சூடா, மொறுமொறுன்னு ஏதாவது சாப்பிட தோணுதா? அப்படின்னா நம்ம ஊர்ல கிடைக்கிற சத்தான மரவள்ளிக்கிழங்கை வச்சு ஒரு சூப்பரான ஸ்நாக்ஸ்  செய்யலாம் வாங்க. அதுதான் மரவள்ளிக்கிழங்கு போண்டா. வெளியில மொறுமொறுன்னு, உள்ள சாஃப்டா, காரசாரமா இருக்கும் இந்த போண்டா. செய்யறதும் ரொம்ப ஈஸி. 

தேவையான பொருட்கள்

• மரவள்ளிக்கிழங்கு - 2 கப்

• வெங்காயம் - 1

• பச்சை மிளகாய் - 2

• இஞ்சி பூண்டு விழுது - 1 டீஸ்பூன்

• கறிவேப்பிலை - கொஞ்சம்

• கொத்தமல்லி இலை - கொஞ்சம் 

• கடலை மாவு - கால் கப் 

• அரிசி மாவு - 2 டேபிள் ஸ்பூன் 

• மிளகாய் தூள் - அரை டீஸ்பூன்

• மஞ்சள் தூள் - கால் டீஸ்பூன்

• பெருங்காயத்தூள் - கால் டீஸ்பூன்

• சோம்பு - அரை டீஸ்பூன்

• எண்ணெய் - பொரிப்பதற்கு தேவையான அளவு

• உப்பு - தேவையான அளவு

செய்முறை:

முதல்ல, மரவள்ளிக்கிழங்கை நல்லா கழுவி, தோல் உரிக்காமலே குக்கர்ல போட்டு தேவையான அளவு தண்ணி ஊத்தி 3-4 விசில் வர வரைக்கும் வேக வச்சுக்கோங்க. 

கிழங்கு நல்லா வெந்து சாஃப்ட் ஆகணும். வெந்ததும், தண்ணியை வடிச்சிட்டு, ஆற வச்சு தோல் உரிச்சு, கட்டிகள் இல்லாம நல்லா மசிச்சு தனியா வச்சுக்கோங்க.

இப்போ ஒரு பெரிய பவுல் எடுத்துக்கோங்க. அதுல மசிச்ச மரவள்ளிக்கிழங்கை போட்டுக்கோங்க. கூடவே, பொடியா நறுக்கின வெங்காயம், பச்சை மிளகாய், இஞ்சி பூண்டு விழுது, கறிவேப்பிலை, கொத்தமல்லி இலை எல்லாத்தையும் சேருங்க.

அடுத்ததா, மிளகாய் தூள், மஞ்சள் தூள், பெருங்காயத்தூள், சோம்பு மற்றும் தேவையான அளவு உப்பு எல்லாத்தையும் சேர்த்து, கையாலேயே நல்லா கலந்து விடுங்க.

இப்போ, கடலை மாவு, அரிசி மாவு ரெண்டையும் கொஞ்சம் கொஞ்சமா சேர்த்து, மாவை நல்லா பிசைஞ்சுக்கோங்க. மரவள்ளிக்கிழங்குல இருக்கிற ஈரப்பதமே மாவை பிசைய போதுமானதா இருக்கும். 

தேவைப்பட்டா, ரொம்ப கம்மியா தண்ணி தெளிச்சுக்கலாம், ஆனா மாவு ரொம்ப தண்ணியா இல்லாம, போண்டா தட்டற பதத்துக்கு கெட்டியா இருக்கணும்.

அடுப்புல ஒரு கடாய வச்சு எண்ணெய் ஊத்தி சூடு பண்ணுங்க. எண்ணெய் நல்லா சூடானதும், அடுப்பை மிதமான தீயில வச்சுக்கோங்க. இப்போ பிசைஞ்சு வச்ச மாவுல இருந்து சின்ன சின்ன உருண்டைகளா எடுத்து எண்ணெயில போடுங்க. ஒரே நேரத்துல நிறைய போடாதீங்க, அப்போதான் நல்லா வேகும்.

போண்டா ரெண்டு பக்கமும் பொன்னிறமா, மொறு மொறுன்னு ஆகுற வரைக்கும் பொரிச்சு எடுங்க. எண்ணெயில இருந்து எடுத்ததும் டிஷ்யூ பேப்பர்ல போட்டு எக்ஸ்ட்ரா எண்ணெயை உறிஞ்ச விடுங்க.

சூடான, மொறுமொறுப்பான, சத்தான மரவள்ளிக்கிழங்கு போண்டா ரெடி மக்களே. ரொம்ப ஈஸியான இந்த ரெசிபிய நீங்களும் உங்க வீட்ல கண்டிப்பா செஞ்சு பார்த்து உங்க கருத்துக்களை எங்களிடம் சொல்லுங்க.