சத்து நிறைந்த ப்ரக்கோலி ஓட்ஸ் சூப்!

குளிர்காலத்திற்கு ஏற்ற சூப் வகைகளில் ஒன்று ப்ரக்கோலி ஓட்ஸ் சூப். டயட்டில் உள்ளவர்களுக்கு ஓட்ஸ், ப்ரோக்கோலி சேர்த்து சத்தான சுவையான இந்த சூப்பினை செய்து தரலாம்.

இந்த சூப்பை எப்படி செய்வது ?

தேவையான பொருட்கள்:

ஓட்ஸ் – ப்ரோக்கோலி சூப்

தேவையான பொருட்கள் :

ஓட்ஸ் – அரை கப்,

ப்ரோக்கோலி – கால் கப்,

ஓமம் – அரை டீஸ்பூன்,

பச்சை மிளகாய் – ஒன்று,

பிரிஞ்சி இலை – ஒன்று,

இஞ்சி – ஒரு அங்குலத் துண்டு (தட்டியது),

பால் – ஒரு கப்,

மல்லித்தூள் (தனியாத்தூள்),

மிளகுத்தூள் – தலா ஒரு டீஸ்பூன்,

வெண்ணெய் – ஒரு டேபிள்ஸ்பூன்,

உப்பு – தேவைக்கேற்ப.

செய்முறை :

* பிரஷர் பானில் வெண்ணெயை சூடாக்கி, பிரிஞ்சி இலை, ப்ரோக்கோலிகளைச்சேர்த்து சில நிமிடங்கள் கிளறி, ஒரு கப் பால், ஓட்ஸ், பச்சை மிளகாய், இஞ்சிசேர்த்து குறைந்த தீயில் ஒரு விசில் வரும் வரை வேக விடவும்.

* பிறகு இஞ்சி, மிளகாயை நீக்கிவிட்டு கலவையை மிக்ஸியில் விழுதுபோல் அரைத்து, பெரிய கண் உள்ள வடிகட்டியின் மூலம் வடிகட்டவும்.

* வடிகட்டிய கலவையை மீண்டும் அடுப்பில் வைத்து உப்பு, ஓமம், தேவையெனில் பால் (அ) தண்ணீர் சேர்த்து குறைந்த தீயில் ஒரு கொதி விடவும்.

* பரிமாறுவதற்கு முன் மிளகுத்தூள் தூவி பறிமாறவும்.