படல் காய்: பலவிதமான சுவைகளில் ஒரு ஆரோக்கியமான தேர்வு!

“பர்வல்” (Parwal) என்பது தமிழில் பொதுவாக படல் காய் அல்லது படவல்காய் என்றும் அழைக்கப்படும் ஒரு காய்கறி. இது வடஇந்தியாவில் அதிகமாக சாப்பிடப்படும் காயாக இருந்தாலும், தென்னகத்திலும் சில இடங்களில் பயன்படுத்தப்படுகிறது.

பர்வல் வறுவல்

தேவையான பொருட்கள்:

பர்வல் – 250 கிராம்

வெங்காயம் – 1

பச்சைமிளகாய் – 1

மிளகாய்தூள் – 1 தேக்கரண்டி

மஞ்சள்தூள் – ½ தேக்கரண்டி

உப்பு – தேவையான அளவு

எண்ணெய் – 2 டேபிள் ஸ்பூன்

கடுகு, கருவேப்பிலை

செய்முறை: பர்வலை கழுவி நீளவாக்கில் இரண்டாக வெட்டி, விதைகள் அதிகமிருந்தால் கொஞ்சம் அகற்றவும். கடாயில் எண்ணெய் ஊற்றி கடுகு, கருவேப்பிலை தாளிக்கவும். வெங்காயம், பச்சை மிளகாய் சேர்த்து வதக்கவும். பர்வல் துண்டுகளை சேர்த்து 2 நிமிடம் கிளறவும். மஞ்சள் தூள், மிளகாய் தூள், உப்பு சேர்த்து மூடி மிதமான சூட்டில் வெந்துவரும் வரை வறுக்கவும். சுவையான வறுவல் ரெடி.

ஸ்டஃப்டு பர்வல்

தேவையான பொருட்கள்:

பர்வல் – 200 கிராம்

கடலைமாவு – 2 டேபிள் ஸ்பூன்

மிளகாய்தூள் – 1 தேக்கரண்டி

மல்லித்தூள் – 1 தேக்கரண்டி

சீரகப்பொடி – ½ தேக்கரண்டி

உப்பு – தேவையான அளவு

எண்ணெய் – 3 டேபிள் ஸ்பூன்

செய்முறை: பர்வலை கழுவி, நடுவில் நீளமாக வெட்டி உள்ளே விதைகளை எடுக்கவும். ஒரு கிண்ணத்தில் கடலைமாவு, மசாலாதூள், உப்பு சேர்த்து கலக்கவும். அந்த கலவையை பர்வல் உள்ளே நிரப்பவும். கடாயில் எண்ணெய் ஊற்றி பர்வல்களை அடுக்கி மூடி மெதுவாகச் சமைக்கவும். (மெல்ல சுழற்றி எல்லா பக்கமும் வெந்துவரும் வரை). சப்பாத்தி, பரோட்டாவுக்கு சிறந்த கறி.

பர்வல் சாம்பார்

தேவையான பொருட்கள்:

பர்வல் – 200 கிராம்

துவரம்பருப்பு – ½ கப்

புளி – ஒரு சிறிய எலுமிச்சை அளவு (நனைத்து பிழிந்து எடுக்கவும்)

வெங்காயம் – 1

தக்காளி – 1

மஞ்சள்தூள் – ½ தேக்கரண்டி

மிளகாய்தூள் – 1 தேக்கரண்டி

சாம்பார்பொடி – 1½ தேக்கரண்டி

உப்பு – தேவையான அளவு

எண்ணெய் – 2 டேபிள் ஸ்பூன்

கடுகு, வெந்தயம், கருவேப்பிலை

செய்முறை: துவரம்பருப்பை குக்கரில் மஞ்சள் தூள் சேர்த்து வேகவைக்கவும். பர்வலை துண்டுகளாக வெட்டி தனியாக வேகவைக்கவும். கடாயில் எண்ணெய் ஊற்றி கடுகு, வெந்தயம், கருவேப்பிலை தாளிக்கவும். வெங்காயம், தக்காளி வதக்கி, புளிச்சாறு + மசாலா தூள் சேர்க்கவும். கொதித்ததும் பர்வல், பருப்பு சேர்த்து சாம்பார் போலக் காய்ச்சி இறக்கவும். சாதத்திற்கு சூப்பரான சாம்பார் ரெடி.

பர்வல் பஜ்ஜி

தேவையான பொருட்கள்:

பர்வல் – 8–10

கடலைமாவு – 1 கப்

அரிசிமாவு – 2 டேபிள் ஸ்பூன் (கிரிஸ்பி ஆக)

மிளகாய்தூள் – 1 தேக்கரண்டி

மஞ்சள்தூள் – ¼ தேக்கரண்டி

சீரகப்பொடி – ½ தேக்கரண்டி

உப்பு – தேவையான அளவு

சோடா உப்பு – சிட்டிகை (விருப்பப்படி)

தண்ணீர் – தேவையான அளவு

எண்ணெய் – பொரிக்க

செய்முறை: பர்வலை கழுவி நீளமாக 2 துண்டாக வெட்டி, உள்ளே விதைகள் அதிகமிருந்தால் கொஞ்சம் அகற்றவும். ஒரு பாத்திரத்தில் கடலை மாவு, அரிசி மாவு, மிளகாய் தூள், மஞ்சள், சீரகப்பொடி, உப்பு சேர்த்து கலக்கவும். சிறிது சிறிதாக தண்ணீர் ஊற்றி, அடர்த்தியான பஜ்ஜி மாவு போல கலக்கவும். கடாயில் எண்ணெய் சூடாக்கி, பர்வல் துண்டுகளை மாவில் முக்கி எடுத்து பொன்னிறமாக பொரிக்கவும். Tissue paper மேல் எடுத்து எண்ணெய் வடிக்கவிடவும். சூடாக இருக்கும்போது கொத்தமல்லி சட்னி / தக்காளி சாஸ் உடன் சாப்பிட சுவையாக இருக்கும்.