புரதம் நிறைந்த கொண்டைக்கடலை: இனிப்பு முதல் காரம் வரை சுவைமிகு ரெசிபிகள்!

கொண்டைக் கடலை லட்டு

தேவையான பொருட்கள்:

கொண்டைக் கடலை (வறுத்து அரைத்த மாவு) – 1 கப்

நெய் – ¼ கப்

வெல்லம் – ¾ கப் (பொடி செய்தது)

ஏலக்காய் தூள் – ½ டீஸ்பூன்

முந்திரி / திராட்சை – சிறிது

செய்முறை: கடலையை எண்ணெய் இல்லாமல் வறுத்து, மாவாக அரைக்கவும். கடாயில் நெய் சூடாக்கி, முந்திரி–திராட்சை வறுக்கவும். அதில் கடலை மாவு சேர்த்து மெதுவாக வதக்கவும். வெல்லம், ஏலக்காய்தூள் சேர்த்து கலக்கவும். சூடு இருக்கும்போதே உருண்டைகளாக பிடிக்கவும். சுவையான லட்டு தயார்.

கொண்டைக் கடலை வெல்ல உருண்டை

தேவையான பொருட்கள்:

வேக வைத்த கொண்டை கடலை – 1 கப்

வெல்லம் – ½ கப்

தேங்காய் துருவல் – ¼ கப்

ஏலக்காய் தூள் – சிறிது

செய்முறை: வேகவைத்த கடலையை கொரகொரப்பாக அரைக்கவும். வெல்லத்தை சிறிது தண்ணீரில் கரைத்து வடிக்கவும். கடாயில் வெல்லச்சாறு கெட்டியாக வரும் வரை காயவிடவும். அதில் கடலை, தேங்காய், ஏலக்காய் சேர்த்து கிளறவும். ஆறுவதற்கு முன் உருண்டைகளாக பிடிக்கவும். இது பாரம்பரிய இனிப்பு.

கொண்டைக் கடலை பாயசம்

தேவையான பொருட்கள்:

வேக வைத்த கொண்டை கடலை – ½ கப்

பால் – 2 கப்

வெல்லம் – ¾ கப்

தேங்காய்பால் – ½ கப்

ஏலக்காய் – 2 (பொடி)

நெய் – 1 டீஸ்பூன்

முந்திரி, திராட்சை – சிறிது

செய்முறை: கடலையை கொரகொரப்பாக அரைக்கவும். பாலை கொதிக்கவைத்து, கடலை விழுது சேர்க்கவும். வெல்லம் சேர்த்து 5 நிமிடம் கொதிக்கவிடவும். தேங்காய் பால், ஏலக்காய் சேர்த்து அடுப்பை அணைக்கவும். நெயில் வறுத்த முந்திரி–திராட்சை சேர்க்கவும். திருவிழா பாயசம் தயார்.

கார ரெசிபி

கொண்டைக் கடலை மசாலா (Chana Masala)

தேவையான பொருட்கள்:

வேக வைத்த கொண்டை கடலை – 1 கப்

வெங்காயம் – 1 (நறுக்கியது)

தக்காளி – 2 (அரைத்தது)

இஞ்சி-பூண்டு விழுது – 1 டீஸ்பூன்

மிளகாய் தூள் – 1 டீஸ்பூன்

மஞ்சள் தூள் – ¼ டீஸ்பூன்

கரம் மசாலா – ½ டீஸ்பூன்

எண்ணெய் – 2 டீஸ்பூன்

உப்பு – தேவைக்கு

கொத்தமல்லி – அலங்கரிக்க

செய்முறை: கடாயில் எண்ணெய் ஊற்றி வெங்காயம் பொன்னிறமாக வதக்கவும். இஞ்சி-பூண்டு விழுது சேர்த்து மணம் வரும் வரை வதக்கவும். தக்காளி விழுது, மசாலா தூள்கள் சேர்த்து எண்ணெய் பிரியும் வரை வேக விடவும். கடலை, தேவையான தண்ணீர் சேர்த்து 5–7 நிமிடம் கொதிக்கவிடவும். கொத்தமல்லி தூவி பரிமாறவும். சப்பாத்தி/பூரிக்கு அருமை.

கொண்டைக் கடலை சாலட்

தேவையான பொருட்கள்:

வேக வைத்த கொண்டை கடலை – 1 கப்

வெங்காயம் – ½ (சிறிய துண்டுகள்)

தக்காளி – 1

வெள்ளரிக்காய் – ½

எலுமிச்சை சாறு – 1 டேபிள்ஸ்பூன்

உப்பு, மிளகு தூள் – தேவைக்கு

செய்முறை: எல்லா காய்கறிகளையும் ஒரு பாத்திரத்தில் சேர்க்கவும். கடலை, உப்பு, மிளகு, எலுமிச்சை சாறு சேர்த்து கலக்கவும். உடலுக்கு நல்ல புரத சாலட் தயார்.

கொண்டைக் கடலை பொரியல்

தேவையான பொருட்கள்:

வேகவைத்த கொண்டைக் கடலை – 1 கப்

எண்ணெய் – 1½ டீஸ்பூன்

வெங்காயம் – 1 (நறுக்கியது)

கறி மசாலா – 1 டீஸ்பூன்

உப்பு – தேவைக்கு

செய்முறை: கடாயில் எண்ணெய் ஊற்றி வெங்காயம் வதக்கவும். கடலை, உப்பு, மசாலாதூள் சேர்த்து நன்றாக கிளறவும். லேசாக கருகும் வரை பொரிக்கவும். சாதத்துடன் அருமையான பொரியல் ரெடி.