வெஜ் கடாய்!

தேவையான பொருட்கள்:

• உருளைக் கிழங்கு : 1/4 கிலோ

• கேரட்:200 கிராம்

• காளிஃப்ளவர்

• தக்காளி:3

• குடைமிளகாய்:2

• வெங்காயம்:3

• பச்சைப் பட்டாணி:100 கிராம்

• நெய்:2 ஸ்பூன்

• நல்லெண்ணெய்: 2 ஸ்பூன்

• சீரகம் :1/2ஸ்பூன்

• மஞ்சள் தூள்:1/4 ஸ்பூன்

• சீரகத்தூள்: 1 ஸ்பூன்

• மல்லி பொடி:1 ஸ்பூன்

• மிளகாய் பொடி :2 ஸ்பூன்

• கரம்மசாலா பொடி:1 ஸ்பூன்

• மிளகு பொடி :1/2ஸ்பூன்

• தேவையான அளவு உப்பு

• அரைத்து வைத்த தேங்காய் :1 கப்

• கொத்தமல்லி தழை:அரை கட்டு

• இஞ்சு பூண்டு விழுது : 2 ஸ்பூன்

செய்முறை:

• உருளைக் கிழங்கு, காளிஃப்ளவர் வெங்காயம், தக்காளி, குடைமிளகாய், கேரட், ஆகியவற்றை பெரிய துண்டுகளாக நறுக்கிக் கொள்ளவும்.

• பச்சைப் பட்டாணியை தனியாக வேக வைத்து எடுத்துக் கொள்ளவும்.

• ஒரு கடாயில், ஒரு ஸ்பூன் நெய், நல்லெண்ணெய் ஊற்றி காய்ந்ததும், சீரகம் தாளிக்கவும். சீரகம் பொரிந்த உடன் வெங்காயம், தக்காளி போட்டு வதக்கவும்.

• நன்றாக வதங்கிய உடன் நறுக்கி வைத்துள்ள காய்கறிகளை போட்டு நன்கு வதக்கவும். இத்துடன் பச்சைப் பட்டாணியை சேர்க்கவும். இதன்பின் சீரகத்தூள், மஞ்சள் தூள், உள்ளிட்ட அனைத்து பொடிகளையும் கொடுத்துள்ள அளவுப் போட்டு நன்றாக வதக்கவும்.

• இந்த கலவை நன்கு வதங்கிய பின், பின்னர் 4 டம்ளர் தண்ணீர் ஊற்றி தேவையான அளவு உப்பு போட்டு கொதிக்க விடவும். நன்கு கொதி வந்தபின் அரைத்து வைத்த தேங்காயை ஊற்றி கடாயை மூடிபோட்டு மிதமான தீயில் வேகவிடவும்.

• 10 நிமிடம் கழித்து காய்கள் நன்கு வெந்து கிரேவி பதத்திற்கு வந்திருக்கும். அப்போது கொத்தமல்லி தழை சேர்த்து ஸ்டவ்வை நிறுத்திவிடவும். சுவையான கடாய் வெஜிடபிள் தயார்.

இந்த அருமையான கடாய் வெஜிடபிள் சப்பாத்தி, பூரி உடன் சேர்த்து சாப்பிட சுவையாக இருக்கும்.