பெண் குழந்தைகளுக்கு கட்டாயம் கற்றுக் கொடுக்க வேண்டிய 5 விஷயங்கள்! 

பெண் குழந்தைகள் நமது சமுதாயத்தின் முதுகெலும்பு. அவர்கள் பாதுகாப்பாகவும் சுதந்திரமாகவும் வாழும் உலகை உருவாக்குவது நம் அனைவரின் கடமை. ஆனால், நம் சமுதாயத்தில் பெண்கள் எதிர்கொள்ளும் பல்வேறு வகையான அச்சுறுத்தல்கள் உள்ள. இந்த அச்சுறுத்தல்களில் இருந்து பெண் குழந்தைகளைப் பாதுகாக்க சில முக்கியமான விஷயங்களை அவர்களுக்கு கற்றுக் கொடுப்பது அவசியம். இந்தப் பதிவில் பெண் குழந்தைகளின் பாதுகாப்பிற்காக கட்டாயம் கற்றுக்கொடுக்க வேண்டிய 5 விஷயங்கள் என்னென்ன என்பது பற்றி பார்க்கலாம். 

தன்னைப் பற்றிய நம்பிக்கை: ஒரு பெண் குழந்தை தன்னை பற்றி நம்பிக்கை உடையவளாக இருக்க வேண்டும். தன்னைப் பற்றிய நம்பிக்கை அவளுக்கு எந்த சூழ்நிலையையும் எதிர்கொள்ளும் தைரியத்தைத் தரும். அதை வளர்ப்பதற்கு பெற்றோர்கள் அவளது திறமைகளை பாராட்டி ஊக்கப்படுத்த வேண்டும். 

தன் உடல் பற்றிய அறிவு: தன் உடல் பற்றிய அறிவு பெண் குழந்தைகளுக்கு மிகவும் முக்கியமான ஒன்று. தங்களின் உடல் சார்ந்த விஷயங்களை அறிந்து கொள்வதன் மூலம், தன்னைத்தானே பாதுகாத்துக் கொள்ளும் வழிமுறைகளை அவர்கள் கற்றுக்கொள்ள முடியும். தனியாக இருக்கும்போது என்ன செய்ய வேண்டும் எந்த இடங்களுக்கு செல்லக்கூடாது, எப்படிப்பட்ட நபர்களை நம்பலாம், எப்படிப்பட்ட நபர்களை நம்பக்கூடாது என்பதை அவர்களுக்கு தெளிவாக விளக்கிக்கொடுக்க வேண்டும். 

தன் உரிமைகள் சார்ந்த விழிப்புணர்வு: ஒவ்வொரு மனிதனுக்கும் சில அடிப்படை உரிமைகள் உண்டு. பெண் குழந்தைகளும் இதற்கு விதிவிலக்கல்ல. தன் உரிமைகள் பற்றிய விழிப்புணர்வு பெண் குழந்தைகளுக்கு தன்னைத்தானே பாதுகாத்துக்கொள்ளும் வலிமையைத் தரும்.‌ தன் மீது நடக்கும் தவறான செயல்களை எப்படி எதிர்கொள்ள வேண்டும், யாரிடம் உதவி கேட்கலாம் என்பதை அவர்களுக்கு கற்றுக்கொடுக்க வேண்டும். 

தன்னம்பிக்கை: தன்னம்பிக்கை என்பது எந்த ஒரு சூழ்நிலையையும் எதிர்கொள்ளும் தைரியத்தைக் கொடுக்கும். தன்னம்பிக்கை உள்ள பெண் குழந்தைகள் எந்த ஒரு சூழ்நிலையிலும் தைரியமாக தன் கருத்தை வெளிப்படுத்த முடியும். தன்னைப் பற்றிய நம்பிக்கை, தன் உடல் பற்றிய அறிவு மற்றும் தன் உரிமைகள் பற்றிய விழிப்புணர்வு ஆகியவை இணைந்து தன்னம்பிக்கையை வளர்க்கின்றன. 

தற்காப்புக் கலைகள்: தற்காப்புக் கலைகள் பெண் குழந்தைகளுக்கு மிகவும் அவசியமான ஒன்று. இந்த கலைகள் மூலம் தன்னைத் தானே பாதுகாத்துக் கொள்ளும் வழிமுறைகளை பெண் பிள்ளைகள் கற்றுக்கொள்ள முடியும். தற்காப்புக் கலைகள் மூலம் பெண் குழந்தைகள் தன்னம்பிக்கையுடன் இருப்பார்கள். 

பெண் குழந்தைகளின் பாதுகாப்பு நம் அனைவரின் பொறுப்பு. குறிப்பாக, பெற்றோர்கள் சிறுவயது முதலே அவர்களுக்கு மேலே கூறப்பட்ட விஷயங்களை கற்றுக் கொடுக்க வேண்டும். இதன் மூலமாக பல ஆபத்துகளில் இருந்து பெண் குழந்தைகள் தங்களைத் தாங்களே பாதுகாத்துக்கொள்ள முடியும்.