பீட்டா பெண்களின் தனித்துவமிக்க 6 குணங்கள்!

ஆல்ஃபா பெண்களைப் போலவே பீட்டா பெண்களும் சமூகத்தில் சிறப்புமிக்க இடத்தைப் பிடித்திருக்கின்றனர். அவர்களுடைய ஆறு தனித்துவமிக்க குணங்களைப் பற்றி இந்தப் பதிவில் பார்ப்போம்.

1. ஆதரவளிக்கும் குணம்: இவர்கள் எப்போதும் பிறருக்கு அன்பும் ஆதரவும் அளிப்பதில் பெயர் பெற்றவர்கள். மற்றவர்களின் தேவைகளுக்கு முன்னுரிமை அளிக்கிறார்கள். நண்பர்கள், குடும்பத்தினர் மற்றும் உறவினர்களுக்கு உணர்ச்சிபூர்வமான ஆதரவை வழங்குவதில் சிறந்து விளங்குகிறார்கள்.

2. பச்சாதாபம் மிக்கவர்கள்: எம்பத்தி எனப்படும் பச்சாதாபம் இவர்களிடம் அதிகமாக இருக்கும் பிறரின் உணர்வுகளை புரிந்து கொண்டு அதற்கு ஏற்ப நடந்து கொள்வார்கள். பிறருடைய பிரச்னைகளை மிகுந்த கவனத்துடன் கேட்பார்கள். அதனால் இவர்களுக்கு நண்பர்கள் மற்றும் உறவினர்கள் மத்தியில் நல்ல பெயர் உண்டு.

3. சமாதானப் புறாக்கள்: இவர்கள் எப்போதும் மோதலை தவிர்க்க விரும்புவார்கள். பிறருடன் இணக்கமான போக்கை கடைப்பிடிக்கவே முனைவார்கள். இவர்களுக்கு எதிரிகள் அவ்வளவாக இருக்க மாட்டார்கள். அதனால் இவர்களுடன் பழகுவதை பிறர் விரும்புவார்கள். நல்ல அமைதியான நட்புணர்வு பேணுவார்கள். மேலும் இவர்கள் குழுவாக வேலை செய்வதில் சிறந்தவர்கள். பிறரை நன்றாக வழிநடத்தக் கூடியவர்கள்.

4. வளைந்து கொடுக்கும் தன்மையினர்: புதிய சூழ்நிலைக்கு ஏற்ப நன்றாக தங்களை மாற்றிக்கொள்ளக் கூடியவர்கள். புதிய மனிதர்கள் மற்றும் சவால்களை எளிதில் சமாளிப்பார்கள். தங்களுக்கு வரும் சங்கடங்களை கூட அதிகம் போராடாமல் அப்படியே ஏற்றுக் கொள்வார்கள்.

5. நம்பகத்தன்மை உள்ளவர்கள்: பொதுவாக. மக்கள் பெரும்பாலும் பீட்டா ரகப் பெண்களை நம்பி இருக்கிறார்கள். ஏனென்றால். அவர்கள் நம்பத் தகுந்தவர்கள். கடைசி நேரத்தில் செய்து முடிக்க வேண்டிய வேலைகளை கூட இவர்களிடம் கொடுத்தால் உடனே முடித்துத் தருவார்கள்.

6. உள்முக சிந்தனையாளர்கள்: ஆல்ஃபா பெண்களுடன் ஒப்பிடும்போது பீட்டா பெண்கள் அதிக உள்முக சிந்தனை உள்ளவர்களாக இருக்கிறார்கள். கூச்ச சுபாவம் மிக்கவர்கள். தங்களை மிகவும் பிரபலப்படுத்திக் கொள்ள விரும்பாமல். தனக்குத் தெரிந்த பழக்கமான சிறிய வட்டத்திலேயே இருக்க விரும்புவார்கள்.