ஒரு நாள் முழுக்க நிலையான ஆற்றலை நம்மிடம் தக்க வைக்க முடியுமா?

நாள் முழுவதும் நிலையான ஆற்றலை பராமரிப்பது உற்பத்தித்திறன் மற்றும் ஒட்டுமொத்த நல்வாழ்வுக்கு அவசியம். காலை முதல் இரவு வரை உற்சாகமாக இருக்க உதவும் சில நடைமுறை குறிப்புகளை பற்றி தெரிந்து கொள்வோம்.

1. மன அழுத்தத்தைக் கட்டுப்படுத்தவும்:

• மன அழுத்தத்தால் தூண்டப்படும் உணர்ச்சிகள் குறிப்பிடத்தக்க ஆற்றலைப் பயன்படுத்துகின்றன. ஆகையால் மன அழுத்தத்தைக் குறைக்க தியானம், சுய-ஹிப்னாஸிஸ்(self-hypnosis), யோகா போன்ற உடலுக்கு தளர்வு தரும் நுட்பங்களைக் செய்யுங்கள்.

• நண்பர்களுடன் இணைவது, ஆதரவுக் குழுக்களில் சேர்வது அல்லது தொழில்முறை உதவியை நாடுவது ஆகியவை மன அழுத்தத்தைப் போக்க உதவும்.

2. உங்கள் சுமையை குறையுங்கள்:

• அளவுக்கு மீறிய வேலை, சோர்வை ஏற்படுத்தும். ஆகவே அத்தியாவசியப் பணிகளுக்கு முன்னுரிமை அளிப்பதன் மூலமும், குறைவான முக்கியத்துவம் வாய்ந்தவற்றைப் நிதானமாக செய்வதன் மூலமும் உங்கள் செயல்பாடுகளை ஒழுங்குபடுத்துங்கள்.

• தேவைப்படும் போது கூடுதல் உதவி கேட்க தயங்க வேண்டாம்.

3. தவறாமல் உடற்பயிற்சி செய்யுங்கள்:

• உடற்பயிற்சி தூக்கத்தின் தரத்தை மேம்படுத்துகிறது, ஆக்ஸிஜனை உடல் முழுவதும் கொண்டு செல்கிறது மற்றும் மூளை டோபமைன் அளவை அதிகரிப்பதன் மூலம் உங்கள் மனநிலையை சராசரியாக வைக்கிறது .

• அவ்வப்போது விறுவிறுப்பாக நடப்பது கூட ஆரோக்கிய நன்மைகளை கூடுதலாக அளிக்கும்.

4. புகைபிடிப்பதை தவிர்க்கவும்:

• புகையிலையில் உள்ள நிகோடின், இதயத் துடிப்பு மற்றும் இரத்த அழுத்தத்தை உயர்த்தும் வேலையை செய்கிறது. இது தூக்கத்தை சீர்குலைத்து ஆற்றல் மேம்பாட்டை தடுக்க வழிவகுக்கும்.

• புகைபிடிப்பதை நிறுத்துவது உங்கள் ஒட்டுமொத்த ஆற்றல் உற்பத்தியை கணிசமாக மேம்படுத்தும்.

5. தூக்கத்தை கட்டுப்படுத்துங்கள் (முரண்பாடாக):

• தூக்கமின்மையை நீங்கள் சந்தேகித்தால், ஆரம்பத்தில் குறைவாக தூங்க முயற்சிக்கவும். முக்கியமாக பகல்நேர தூக்கத்தைத் தவிர்க்கவும்.

• நிம்மதியான உறக்கத்தை உறுதி செய்ய முதலில் தூக்க காலம் எத்தனை நேரம் எடுக்கிறது என்பதை கவனியுங்கள். இந்த செயல்முறை உங்களுக்கு எளிதாக தூங்கவும் ஒட்டுமொத்த தூக்க தரத்தை மேம்படுத்தவும் உதவும்.

6. காலை வழக்கம்:

• சரியான நேரத்தில் எழுந்து சூரிய ஒளியில் உங்களை வெளிப்படுத்துங்கள். சூரிய ஒளி உங்கள் உடலின் உள் கடிகாரத்தை ஒழுங்குபடுத்த உதவுகிறது.

• நாள் முழுவதும் ஆரோக்கியமான தின்பண்டங்கள் உட்பட சீரான உணவை உண்ணுங்கள்.

• நிறைய தண்ணீர் குடிப்பதன் மூலம் நீரேற்றமாக இருங்கள்.

• இயற்கையான ஆற்றலை அதிகரிக்க ஒரு கப் காபியைக் காலையில் எழுந்தவுடன் குடியுங்கள்.

7. ஆழ்ந்த சுவாசம் மற்றும் தேவையற்றதை அகற்றுங்கள்:

• ஆழ்ந்த சுவாசப் பயிற்சிகள் கவலை மற்றும் மன அழுத்தத்தை நீக்கி, ஒட்டுமொத்த ஆற்றல் அளவுகளை மேம்படுத்துகிறது.

• அமைதி மற்றும் நிம்மதியான உணர்வை உருவாக்க முதலில் உங்கள் வீடு அல்லது பணியிடத்தில் இருக்கும் தேவையற்ற விஷயங்களை தூக்கியெறியுங்கள்.

தினமும் காலையில் எழுந்தவுடன் நமக்கு நாமே உருவாகும் புத்துணர்ச்சி மற்றும் ஆற்றலே நாம் அன்றைய நாளில் செய்யப்போகும் எல்லா செயல்களிலும் எதிரொலிக்கும். அது தற்செயலாகவோ அல்லது திட்டமிட்டதோ எதுவானாலும் இருக்கட்டும், மனிதர்களாகிய நாம் அனைவரும் மேல குறிப்பிட்ட இந்த வழிமுறைகளை பழக்கப்படுத்தி கொள்ள வேண்டும்.