மில்லியனர்கள் மனோநிலையை அடைவது எப்படி?

வாழ்க்கையில் நிறைய சம்பாதித்து ஒரு மில்லியனராக வேண்டும் என்பது நிறைய பேரின் கனவு. எல்லோராலும் கோடீஸ்வரராக முடிவதில்லை. ஆனால், தீவிரமாக முயன்றால் முடியும். மில்லியனர்கள் மனோநிலை எப்படி இருக்கும் என்பது பற்றி இந்தப் பதிவில் பார்க்கலாம்.

1. ஒரு கோடீஸ்வரரின் மனது சராசரி மனிதனின் மனதில் இருந்து வேறுபட்டது, மாறுபட்டது. அவர்கள் எப்போதும் பணம் மற்றும் செல்வத்தைப் பற்றி வித்தியாசமான கோணத்தில் நினைக்கிறார்கள். பணத்தைப் பற்றிய பலவிதமான நம்பிக்கைகள் மதிப்புகள் மற்றும் அணுகுமுறைகளை கொண்டுள்ளனர்.

2. மில்லியனர்கள் சுயமாக உருவாக்கப்பட்டவர்கள். அவர்கள் மிகவும் வசதி படைத்த குடும்பத்தில் பிறந்து அந்த சொத்தை வாரிசாக அடையவில்லை. தன்னுடைய கடின உழைப்பு அர்ப்பணிப்பு உணர்வு புத்திசாலித்தனமான நிதி முடிவுகள் மூலம் பெரும் செல்வத்தை உருவாக்குகிறார்கள்.

3. அவர்கள் தங்கள் இலக்குகளில் எப்போதும் கவனம் செலுத்துகிறார்கள். தங்கள் வாழ்வில் எதை அடைய விரும்புகிறோம் என்பதைப் பற்றிய தெளிவான பார்வை அவர்களுக்கு உள்ளது. மேலும், அந்த இலக்குகளை அடைவதில் மிகுந்த கவனம் செலுத்துகிறார்கள். அதற்கான முயற்சிகளில் மிக தீவிரமாக இயங்குகிறார்கள்.

4. கோடீஸ்வரர்களுக்கு பணம் சம்பாதிப்பது எப்படி என்று மட்டும் தெரிவதில்லை, அதை எப்படி சேமிப்பது, பணத்தை எதில் முதலீடு செய்வது என்பது பற்றி அவர்களுக்கு நன்றாகத் தெரியும். மேலும், தங்கள் பணத்தை சரியாக நிர்வகிப்பதிலும் வல்லவர்கள்.

5. அவர்கள் எப்போதும் ரிஸ்க் எடுக்கத் தயங்குவதில்லை. கடன் வாங்குவது அல்லது புதிய அபாயகரமான, வித்தியாசமான முயற்சிகளில் முதலீடு செய்வது போன்ற விஷயங்களில் கூட ரிஸ்க் எடுக்க அவர்கள் பயப்படுவதில்லை.

6. அவர்கள் மிகவும் உறுதியானவர்கள். விடாப்பிடியாக எதிலும் முயற்சி செய்வார்கள். எளிதில் எதையும் விட்டுக்கொடுக்க மாட்டார்கள். தங்கள் இலக்குகளை அடையும் வரை தொடர்ந்து முயற்சி செய்கிறார்கள்.

7. மில்லியனர்கள் நேர்மறை எண்ணம் கொண்டவர்கள். வெற்றியை அடைய தன் மீதும், தனது திறமை மீதும் அதிக நம்பிக்கை வைத்திருக்கிறார்கள். அதேபோல, வளமான எதிர்காலத்தைப் பற்றி எப்போதும் நம்பிக்கையுடனும் நேர்மறையுடனும் இருக்கிறார்கள்.

8. மில்லியனர்கள் தாராள மனப்பான்மை கொண்டவர்கள். அவர்கள் மற்றவர்களுக்கும் சமூகத்திற்கும் தான் சம்பாதித்ததை திருப்பித் தருகிறார்கள். தொண்டு நிறுவனங்கள் சேவா சங்கங்கள் போன்றவற்றுக்கு தாராளமாக நன்கொடை வழங்குகிறார்கள். அதேசமயத்தில் தங்கள் நேரத்தையும் வழங்குகிறார்கள்.

9. கோடீஸ்வரர்கள் மகிழ்ச்சியாக இருக்கிறார்கள். தங்கள் வாழ்க்கையில் திருப்தி அடைகிறார்கள். தங்கள் வேலையை மிகவும் ரசித்து அனுபவித்து செய்கிறார்கள். வாழ்க்கை தந்துள்ள எல்லாவற்றிற்கும் நன்றி உணர்வு உள்ளவர்களாக இருக்கிறார்கள்.

10. செல்வந்தராக வேண்டும் என்று விரும்புபவர்களுக்கு முன்மாதிரியாக இருக்கிறார்கள். இவரைப் போல நாமும் ஒரு பெரிய பணக்காரராக வேண்டும் என்று விரும்பும் மக்களுக்கு அவர்கள் நல்ல மாடலாக, வழிகாட்டியாக இருக்கிறார்கள்.