உங்கள் தலையணை சுத்தமாக இருக்கிறதா? அதிர்ச்சி தரும் உண்மை!

வீடு என்பது நாம் சுத்தமாகவும் சுகாதாரமாகவும் இருக்க விரும்பும் இடமாகும். கிருமிகள் மற்றும் பாக்டீரியாக்கள் எங்கு அதிகம் இருக்கும் என்று கேட்டால், பலரும் கழிப்பறையைத்தான் கை காட்டுவார்கள். ஆனால், சமீபத்திய ஆய்வறிக்கை ஒன்று நம்மை அதிர்ச்சியில் ஆழ்த்தியுள்ளது. நாம் ஒவ்வொரு நாளும் பல மணி நேரம் புதைந்து உறங்கும் தலையணையில் தான் கழிப்பறையை விட அதிகப்படியான பாக்டீரியாக்கள் இருப்பதாக தெரிய வந்துள்ளது.

ஸ்லீப் அறக்கட்டளை வெளியிட்ட இந்த அறிக்கை பலரையும் வாயடைக்க வைத்துள்ளது. ஒரு வாரம் பயன்படுத்தப்பட்ட தலையணையில் கழிப்பறை இருக்கையை விட அதிக கிருமிகள் இருப்பது கண்டறியப்பட்டுள்ளது. நாம் தூங்கும் படுக்கை, விரிப்புகள், தலையணைகள் போன்றவற்றை வாரந்தோறும் மாற்றி துவைப்பது அவசியம் என்று நிபுணர்கள் வலியுறுத்துகின்றனர். 

இல்லையெனில், அவற்றில் பாக்டீரியாக்கள் பெருகி நோய்த்தொற்றுகளை ஏற்படுத்தக்கூடும். ஒரு மாதத்திற்கு தலையணையை சுத்தம் செய்யாமல் விட்டால், ஒவ்வொரு சதுர அங்குலத்திலும் மில்லியன் கணக்கான பாக்டீரியாக்கள் உருவாகிவிடும் என்று அந்த அறிக்கை எச்சரிக்கிறது.

இந்த பாக்டீரியாக்களில் பல்வேறு தீங்கு விளைவிக்கும் கிருமிகள் அடங்கியுள்ளன. இவை நம் உடலில் புகுந்தால் ஒவ்வாமை, தோல் அரிப்பு, முகப்பரு போன்ற பிரச்சனைகளை உண்டாக்கலாம். தலையணை உறைகளில் வியர்வை, எண்ணெய் மற்றும் இறந்த சரும செல்கள் படிவதால், பாக்டீரியாக்களுக்கு இனப்பெருக்கம் செய்வதற்கு ஏற்ற சூழல் உருவாகிறது. இதனால், அரிக்கும் தோலழற்சி, சொறி போன்ற தோல் சம்பந்தப்பட்ட நோய்கள் ஏற்பட வாய்ப்புள்ளது.

அதுமட்டுமின்றி, அசுத்தமான தலையணைகளை பயன்படுத்துவது சுவாச பிரச்சனைகளையும் அதிகரிக்கலாம். ஆஸ்துமா போன்ற நோய்கள் உள்ளவர்களுக்கு இது மிகவும் ஆபத்தானது. தும்மல், மூக்கடைப்பு, மூச்சுத் திணறல் போன்ற அறிகுறிகள் பாக்டீரியா நிறைந்த தலையணைகளால் தீவிரமடையக்கூடும். முகப்பரு உள்ளவர்கள் சுத்தமில்லாத தலையணைகளில் படுக்கும்போது, பாக்டீரியாக்கள் சருமத்தில் ஊடுருவி கடுமையான தொற்றுகளை ஏற்படுத்த வாய்ப்புள்ளது.

தலையணை உறைகள் மற்றும் படுக்கை விரிப்புகளை நீண்ட நாட்களுக்கு சுத்தம் செய்யாமல் இருந்தால், அதில் கருப்பு நிறத்தில் அழுக்கு படிந்துவிடும். இது மிகவும் ஆபத்தானது. துவைக்காத தலையணைகள் நல்ல தூக்கத்தையும் கெடுத்துவிடும். சுகாதாரமற்ற படுக்கை சூழல் பல்வேறு உடல்நல பிரச்சனைகளுக்கு வழிவகுக்கும். 

எனவே, உங்கள் தலையணைகளை தவறாமல் சுத்தம் செய்து பயன்படுத்துவது உங்கள் ஆரோக்கியத்திற்கு மிகவும் முக்கியம். வாரந்தோறும் தலையணை உறைகளை மாற்றுவதும், குறிப்பிட்ட கால இடைவெளியில் தலையணையை முழுமையாக சுத்தம் செய்வதும் ஆரோக்கியமான வாழ்க்கைக்கு வழிவகுக்கும்.