அக்னி வெயிலை அலாட்டாக எதிர்கொள்ள சில யோசனைகள்!

இந்த ஆண்டின் கத்திரி வெயில் (அக்னி நட்சத்திரம்) மே 4ம் தேதி தொடங்கி, 28ம் தேதி முடிவடைகிறது. ஆனால், அதற்குள்ளேயே நமக்கு வெப்பம் அதிகரிக்கத் தொடங்கி விட்டது. வானிலை ஆராய்ச்சி மையத்திலும் இந்த ஆண்டு இதுவரை இல்லாத அளவிற்கு வெப்பநிலை உயரும் என்றும் எச்சரிக்கை விடுக்கப்பட்டுள்ளது.

‘வெயில்தானே, என்ன செய்துவிடப் போகிறது?’ என்று மட்டும் அலட்சியமாக இருக்காதீர்கள். கோடை காலத்தில் நாம் கவனமாக இல்லை என்றால் அதற்காக பின்னால் வருத்தப்பட வேண்டியிருக்கும். ஏனென்றால், பெரும்பாலான நோய்கள் கோடைக்காலத்தில்தான் உருவாகிறது. அதிலிருந்து நாம் மீள வேண்டும், முன்னெச்சரிக்கையோடு இருக்க வேண்டும். அதற்கான சில யோசனைகளை இந்தப் பதிவில் பார்க்கலாம்.

1. ஆடை: வெளிர் வண்ணம், தளர்வான ஆடைகளை அணியுங்கள். அடர் வண்ண செயற்கை ஆடைகளை தவிர்க்கவும். வெளியே செல்லும்போது சன் கிளாஸ்களை அணிவதோடு, சன் ஸ்கிரீனை எப்போதும் கையில் வைத்திருங்கள்.

2. லேசான உணவை உண்ணுங்கள்: உங்கள் உணவில் நிறைய பழங்கள் மற்றும் காய்கறிகளைச் சேர்த்துக் கொள்ளுங்கள். வெள்ளரிகள் மற்றும் தர்பூசணிகள் போன்ற நீர்ச்சத்து அதிகம் உள்ள உணவை உட்கொள்ளுங்கள். பச்சை இலைக் காய்கறிகள், மஞ்சள் மற்றும் ஆரஞ்சு நிற பழங்கள் மற்றும் காய்கறிகள், முழு தானியங்கள், பருப்பு வகைகள் மற்றும் பாதாம், பூசணி மற்றும் வெந்தயம் போன்ற கொட்டைகள் மற்றும் விதைகளை சாப்பிடுவது உங்கள் உடலை குளிர்ச்சியாகவும், வெப்ப அலையை சமாளிக்க தயாராகவும் வைக்கிறது. மசாலா உணவிலிருந்தும் விலகி இருங்கள்.

3. நீரேற்றமாக இருங்கள்: உங்களுக்கு தாகம் இல்லாவிட்டாலும், நிறைய தண்ணீர் குடிக்கவும். நீங்கள் நிறைய திரவ உணவுகளை உட்கொண்டால் உங்கள் உடலில் உள்ள எலக்ட்ரோலைட்டுகள் நாள் முழுவதும் சமநிலையில் இருக்கும். மோர் மற்றும் இளநீர் ஆகியவை கூடுதல் சத்தான தேர்வுகள். சர்க்கரை மற்றும் கலோரிகள் அதிகம் உள்ள கோலா மற்றும் பேக்கேஜ் செய்யப்பட்ட பழச்சாறுகளைத் தவிர்க்கவும்.

4. உடற்பயிற்சி: கோடையில் உடற்பயிற்சி செய்வது எளிதானது அல்ல. ஆனால், அது உங்கள் ஸ்டாமினாவை அதிகரிக்கும். வெயிலுக்குப் பதிலாக அதிகாலையில், மாலையில் அல்லது வீட்டில் உள்ளே உடற்பயிற்சி செய்யுங்கள்.

5. வீட்டுக்குள்ளேயே இருங்கள்: காலை 10 மணி முதல் மாலை 5.30 மணி வரை தேவையில்லாமல் வெளியில் செல்வதை தவிர்க்கவும். உங்கள் அலுவலகத்திலோ அல்லது வீட்டிலோ இருங்கள். அடிக்கடி வெளியே செல்வது மற்றும் ஏசியில் இருந்து ஏசி இல்லாத இடத்திற்கு மாறுவது உங்கள் ஆரோக்கியத்திற்கு தீங்கு விளைவிக்கும். பகலில் நீண்டுகொண்டே இருக்கும் கோடைக்காலம், மாலையில் அழகான பூக்கள் பூத்து, மாலையில் குளிர்ந்த காற்று வீசுவதுடன் சில தீமைகளும் உண்டு. இந்த நிலையில் இருந்து தப்பிக்க முடியாததால், உடல் நலத்தில் அதிக கவனம் செலுத்தி, வெப்பம் நம்மைத் தொந்தரவு செய்யாமல் பார்த்துக்கொள்ள வேண்டியது அவசியம்.