உங்க பக்கத்து வீட்டுக்காரரோடு பிரச்னையா? எப்படி சமாளிப்பது?

நம்மில் நிறைய பேருக்கு, அண்டை வீட்டுக்காரர் ஏதாவது ஒரு பிரச்னையை ஏற்படுத்திக் கொண்டுதான் இருப்பார். ‘என்னப்பா இது? இந்த அண்டை வீட்டுக்காரர் பிரச்னை பெரும் பிரச்னையா இருக்கு. எப்படிதான் சமாளிப்பது என்று தெரியவில்லை’ என்று புலம்புபவரா நீங்கள்?

உங்கள் அண்டை வீட்டாருடன் பழகும்போது, உங்களுக்கு இடையே வரும் மோதல்களைக் குறைத்து அமைதியான வாழ்க்கைச் சூழலைப் பராமரிக்கலாம். அத்தகைய அண்டை வீட்டாரை கையாளும்போது செய்யக்கூடிய சில விஷயங்கள் உள்ளன. அவை என்னென்ன என்பதைத் தெரிந்து கொள்வோம்.

மரியாதைக்குரிய தொடர்பு: உங்கள் பக்கத்து வீட்டாருடன் நட்பாக பழகுங்கள். அவர்களுடன் அமைதியான மற்றும் வெளிப்படையான உரையாடலையும் உறவையும் தொடங்குங்கள். உங்கள் கவலைகள் மற்றும் பிரச்னைகள் பற்றி மோதலுக்கு வழிவகுக்காத வகையில் அவர்களிடம் வெளிப்படுத்துங்கள். இதை குற்றச்சாட்டாக கூறாமல், அவர்களிடம் நீங்கள் சந்திக்கும் பிரச்னையாகக் கூறுங்கள். ஒவ்வொருவருக்கும் தனியுரிமை உள்ளது. அதனடிப்படையில், ஒருவருக்கொருவர் தனிப்பட்ட இடத்தை மதிக்கவும், எல்லைகளை வகுக்கவும் முடிவு செய்துகொள்ளுங்கள். இந்த அணுகுமுறை பெரும்பாலும் தவறான புரிதல்களைத் தவிர்த்து, சிறந்த தொடர்புகளை ஊக்குவிக்கும் என்பதால், அவர்களின் பக்கத்தையும் கேட்கத் தயாராக இருங்கள்.

தெளிவான எல்லைகள்: பெரும்பாலும் பக்கத்து வீட்டுக்காரர்களால் நீங்கள் அதிக பிரச்னையை சமாளிக்க நேரிடலாம். இது உங்களுக்கு கவலையையும் மன அழுத்தத்தையும் ஏற்படுத்தலாம். ஆதலால், உங்கள் அண்டை வீட்டாருடன் தொடர்பு கொள்வதில் எல்லைகளை நிர்ணயிப்பது மிகவும் முக்கியமானது. தனியுரிமை முக்கியமானது என்பதால், அதை பணிவாக, ஆனால் உறுதியாக அவர்களுக்கு தெரியப்படுத்துங்கள்.

இதில் நீங்கள் அரட்டையடிக்கக்கூடிய நேரங்களைக் குறிப்பிடுவது அல்லது சில தலைப்புகளைப் பற்றி பேசுவது மற்றும் விவாதங்களை பணிவுடன் நிராகரிப்பது ஆகியவை அடங்கும். எல்லைகளை அமைப்பதன் மூலம், மரியாதைக்குரிய உறவை உங்கள் அண்டை வீட்டாருடன் பராமரிக்கும்போது உங்கள் தேவைகளை உறுதிப்படுத்துகிறீர்கள்.

நேர்மறையான அணுகுமுறை: உங்கள் உறவின் இணக்கமான மற்றும் நன்மையான அம்சங்களில் கவனம் செலுத்துங்கள். உங்கள் பக்கத்து வீட்டுக்காரருடன் நேர்மறையாக நடந்துகொள்ளுங்கள். நீங்கள் விஷயங்களை பகிர்வதில் ஆர்வம் காட்டும்போது அல்லது தேவைப்படும் நேரத்தில் எப்போதாவது அண்டை வீட்டாராக இருக்கும்போது, ​​அது நல்லுறவை வளர்க்கவும் மிகவும் இனிமையான சூழ்நிலையை உருவாக்கவும் உதவும். ஒருவருக்கொருவர் உதவியாகவும் நண்பர்களாகவும் இருக்க முயற்சி செய்யுங்கள்.

தேவைப்பட்டால் சட்ட உதவியை நாடுங்கள்: சில நேரங்களில் நீங்கள் நினைப்பதுபோல உங்கள் பக்கத்து வீட்டுக்காரர் இல்லாமல் இருக்கலாம். அவர்கள் மோசமான நபராகவோ அல்லது உங்களுக்கு தொல்லை தரும் நபராகவோ இருக்கலாம். அடிக்கடி உங்களுக்குள் சண்டை, சச்சரவுகள் அடிக்கடி ஏற்படும்போது, அவை பெரிய பிரச்னையை உருவாக்கலாம். அதனால், உங்களுக்கு தேவைப்படும்போது, சட்ட உதவியை பெறுங்கள். அண்டை வீட்டு சச்சரவுகள் தொடர்பான உள்ளூர் சட்டங்கள் மற்றும் ஒழுங்குமுறைகளுடன் உங்களைப் பழக்கப்படுத்திக் கொள்ளுங்கள்.

உங்கள் அக்கம்பக்கத்தினரின் நடந்து கொள்ளும் விதம் சட்ட வரம்புகளை மீறினால் அல்லது மிகவும் சிக்கலாக இருந்தால், சட்ட ஆலோசனையைப் பெறுவது உங்களுக்கு உதவியாக இருக்கும். உங்களின் விருப்பங்களையும், சாத்தியமான செயல்களையும் புரிந்துகொள்ள, சொத்து அல்லது அண்டை வீட்டு தொடர்பான பிரச்னைகளில் நிபுணத்துவம் பெற்ற ஒரு வழக்கறிஞரை அணுகி உதவி பெறவும்.

அண்டை வீட்டாருடன் நடக்கும் பிரச்னைகளை கூடியவரை சமாதானமாகப் பேசித் தீர்ப்போம். அப்படி இல்லாத பட்சத்தில்தான் நாம் சட்டத்தின் உதவியை நாட வேண்டும்.