இந்த 4 பொருட்களை உங்கள் வீட்டில் வைத்தாலே போதும்... கரப்பான் பூச்சிகள், எலிகள் எல்லாம் தெறிச்சு ஓடும்! 

உங்கள் வீட்டில் கரப்பான் பூச்சி மற்றும் எலித் தொந்தரவு தாங்க முடியவில்லையா? இதற்கு கடைகளில் கிடைக்கும் இரசாயன பூச்சிக்கொல்லிகள், எலிக் மருந்துகள் விரைவான தீர்வாக இருந்தாலும், அவை சுற்றுச்சூழலுக்கும், வீட்டில் உள்ளவர்களின் உடல் நலத்திற்கும் தீங்கு விளைவிக்கும். எனவே, இயற்கையான முறையில், தீங்கு விளைவிக்காத பொருட்களைக் கொண்டு இந்த தொல்லைகளை விரட்டுவது மிகவும் சிறந்தது. 

1. சிட்ரஸ் பழத்தோல் மற்றும் புதினா:

ஆரஞ்சு, எலுமிச்சை போன்ற சிட்ரஸ் பழங்களின் தோல்களும், புதினா இலைகளும் கரப்பான் பூச்சிகள் மற்றும் எலிகளுக்கு பிடிக்காத வலுவான நறுமணத்தைக் கொண்டுள்ளன. இந்த தோல்கள், புதினா இலைகளை கரப்பான் பூச்சிகள், எலிகள் நடமாடும் இடங்களில் நேரடியாக வைத்தால், அவற்றின் தொல்லையிலிருந்து விடுபடலாம். குறிப்பாக சமையலறை, கழிப்பறை மற்றும் சேமிப்பு அறைகளில் இவற்றை வைப்பது பலன் தரும். உலர்ந்த தோல்களை விட புதிய தோல்கள் அதிக நறுமணத்தை வெளியிடுவதால், அவை அதிக பலன் அளிக்கும்.

2. பிரியாணி இலை (Bay Leaves):

பிரியாணி இலையின் வலுவான நறுமணம் கரப்பான் பூச்சிகள் மற்றும் எலிகளை விரட்டக்கூடியது. இந்த இலைகளை அலமாரிகள், சமையலறைப் பகுதிகள், உணவுப் பொருட்களை வைக்கும் இடங்களில் வைப்பதன் மூலம், பூச்சிகள், எலிகள் வருவதை தடுக்கலாம். பிரியாணி இலைகளை பொடியாக்கி, தண்ணீர் மற்றும் எலுமிச்சை சாறுடன் கலந்து, கரப்பான் பூச்சிகள், எலிகள் அதிகம் நடமாடும் இடங்களில் தெளிக்கலாம். இந்த கலவை இரசாயன பூச்சிக்கொல்லிகளைப் போல உடனடியாக வேலை செய்யாது என்றாலும், உடல் நலத்திற்கு எந்தவித தீங்கும் விளைவிக்காத ஒரு பாதுகாப்பான முறையாகும்.

3. காபி தூள்:

காபி தூள் கரப்பான் பூச்சிகளை விரட்டுவதில் மிகவும் பயனுள்ள ஒரு பொருள். காபி தூளை தண்ணீரில் கலந்து, ஈரப்பதமாக இருக்குமாறு பார்த்துக்கொள்ளவும். பின்னர், இந்த கலவையை மூடிய ஜாடிகளில் போட்டு, கரப்பான் பூச்சிகள் நடமாடும் இடங்களில் வைக்கவும். காபியின் நறுமணத்தால் ஈர்க்கப்படும் கரப்பான் பூச்சிகள் ஜாடிக்குள் நுழையும். காபியில் உள்ள காஃபின் கரப்பான் பூச்சிகள் உட்பட பல வகையான பூச்சிகளை கொல்லும் தன்மை கொண்டது. இந்த முறை எலிகளுக்கும் ஓரளவு பயன் தரும்.

4. பூண்டு:

பூண்டின் வலுவான நெடி கரப்பான் பூச்சிகள் மற்றும் எலிகளுக்கு பிடிக்காத ஒன்றாகும். பூண்டு பற்களை உரித்து, கரப்பான் பூச்சிகள் மற்றும் எலிகள் நடமாடும் இடங்களில் வைப்பதன் மூலம் அவற்றின் தொல்லையிலிருந்து விடுபடலாம். பூண்டு பற்களை நசுக்கி, தண்ணீர் மற்றும் சிறிது மிளகாய்த்தூள் சேர்த்து கலந்து, அந்த கரைசலை தெளிப்பதன் மூலமும் பூச்சிகளை விரட்டலாம்.

இந்த எளிய இயற்கையான முறைகளைப் பின்பற்றுவதன் மூலம், உங்கள் வீட்டில் கரப்பான் பூச்சிகள் மற்றும் எலிகள் தொல்லையின்றி, ஆரோக்கியமான சூழலை உருவாக்கலாம்.