![Old people](http://media.assettype.com/kalkionline%2F2024-07%2F9f6465ab-7989-4b20-91ce-dd9d0d52d3dc%2Fold%20people.jpg?w=480&auto=format%2Ccompress&fit=max)
வயதானவர்கள் அதிகம் பேசினால் கிண்டல் செய்யப்படுவார்கள். ஆனால் மருத்துவர்கள் அதை ஒரு வரமாகப் பார்க்கிறார்கள். ஓய்வு பெற்றவர்கள் (மூத்த குடிமக்கள்) அதிகம் பேச வேண்டும் என்று மருத்துவர்கள் கூறுகிறார்கள். ஏனெனில் தற்போது நினைவாற்றல் இழப்பைத் தடுக்க வழி இல்லை. அதிகம் பேசுவதுதான் ஒரே வழி.
மூத்த குடிமக்கள் அதிகம் பேசுவதால் குறைந்தது மூன்று நன்மைகள் உள்ளன.
மூளையை செயல்படுத்துகிறது. ஏனெனில் மொழியும் எண்ணங்களும் ஒன்றுக்கொன்று தொடர்பு கொள்கின்றன. குறிப்பாக, விரைவாக பேசும்போது, அது இயல்பாகவே சிந்தனையை விரைவுபடுத்துகிறது மற்றும் நினைவகத்தை மேம்படுத்துகிறது. பேசாத மூத்த குடிமக்களுக்கு ஞாபக மறதி ஏற்பட வாய்ப்புகள் அதிகம்.
அதிகமாகப் பேசுவது மன அழுத்தத்தைக் குறைக்கிறது மற்றும் மனநோயைத் தடுக்கிறது. பெரும்பாலும் எதையும் பேசாமல் இதயத்தில் எல்லாவற்றையும் வைத்துக்கொள்வது, மூச்சுத் திணறல்கூட ஏற்படுத்துமாம். எனவே, பெரியவர்கள் அதிகம் பேசுவதற்கு வாய்ப்பு கொடுப்பது நல்லது.
பேச்சு முகத்தின் சுறுசுறுப்பான தசைகளுக்குப் பயிற்சி அளிக்கிறது. மேலும், தொண்டைக்கு பயிற்சி அளிக்கிறது, நுரையீரலின் திறனை அதிகரிக்கிறது, கண்கள் மற்றும் காதுகளை சேதப்படுத்தும் தலைச்சுற்றல் மற்றும் காது கேளாமை போன்ற மறைந்திருக்கும் ஆபத்துகளைக் குறைக்கிறது.
சுருக்கமாகச் சொன்னால், ஓய்வு பெற்றவர், அதாவது மூத்த குடிமகன், தனக்கு ஏற்படக்கூடிய அல்சைமர் நோயைத் தடுப்பதற்கான ஒரே வழி, அவர்களால் முடிந்தவரை பலரிடம் பேசுவதும், சுறுசுறுப்பாகப் பழகுவதும்தான். இதற்கு வேறு பரிகாரம் இல்லை.