நெகட்டிவ் எண்ணங்கள்ல இருந்து வெளியே வரணுமா? இந்த காளி மந்திரங்கள் உங்களுக்குத்தான்!

காளி தேவி அப்படின்னதும் நமக்கு ஒருவித பயம் வரும். ஒருபக்கம் கோபமா, இன்னொருபக்கம் அன்புடனும் இருக்கிற அவங்க ரூபம் பல விஷயங்களை நமக்கு சொல்லிக் கொடுக்கும். காளி வெறும் பயங்கரமான தெய்வம் மட்டும் இல்ல. அவங்க ஒரு பாதுகாவலி, சக்தி, எதிர்மறை சக்தியை அழிக்கும் ஒரு சக்தி வாய்ந்த தெய்வம். அவங்களோட ரூபமும், அவங்க தொடர்பான தத்துவங்களும் நம்ம வாழ்க்கையில இருக்கிற எதிர்மறை விஷயங்களை எப்படி எதிர்கொள்ளணும்னு ஒரு பாடத்தை சொல்லிக் கொடுக்கும்.

1. அச்சத்தை எதிர்கொள்ளுங்கள்: காளி தேவி ஒரு பயங்கரமான தோற்றத்துல இருப்பாங்க. ஆனா, அவங்க அந்த பயங்கரமான ரூபத்தாலயே தைரியத்தையும், அச்சத்தை எதிர்க்கும் சக்தியையும் நமக்கு உணர்த்துவாங்க. நம்ம வாழ்க்கையில வர்ற பிரச்சனைகளை கண்டு பயப்படாம, அதை தைரியமா எதிர்கொள்ளணும். பயத்தை கண்டு ஓடி ஒளியாம, அதை எதிர்கொண்டு ஜெயிச்சாத்தான் வெற்றி கிடைக்கும்.

2. எதிர்மறை எண்ணங்களை அழிப்பவர்: காளி தேவி தனது கையில் ஆயுதங்களை ஏந்தி, அசுரர்களை அழிப்பது போல, நம்ம மனசுக்குள்ள இருக்கிற பொறாமை, கோபம், வெறுப்பு, தாழ்வு மனப்பான்மை போன்ற எதிர்மறை எண்ணங்களை அழிக்கணும்னு சொல்லுவாங்க. இந்த எண்ணங்களை அழிச்சாத்தான் நம்ம வாழ்க்கையில சந்தோஷத்தையும், முன்னேற்றத்தையும் பார்க்க முடியும்.

3. மாற்றம் முக்கியம்: காளி, பிறப்பு மற்றும் இறப்புக்கு அப்பால் ஒரு சக்தி. அவங்க மாற்றம்ங்கிற ஒரு விஷயத்தை குறிப்பீடுவாங்க. வாழ்க்கையில நல்ல மாற்றம் வேணும்னா, பழைய, நமக்கு தேவையில்லாத விஷயங்களை விட்டு வெளியே வரணும். ஒரு புதிய தொடக்கத்துக்காக பழையதை அழிச்சு, புதுசா ஆரம்பிக்கணும்.

4. உண்மை ரூபம்: காளி தேவி, உலகத்தோட மாயையை அழிப்பவர். அதே மாதிரி, நீங்க மத்தவங்ககிட்ட உங்களை பொய்யாக காட்டிக்காம, உண்மையா எப்படி இருக்கீங்களோ அப்படி இருக்கணும். உங்களோட உண்மையான அடையாளத்தை மறைக்காம, தைரியமா வெளியே கொண்டு வரணும்.

5. சமநிலை: காளி தேவி கோபமா, ஆவேசமா இருந்தாலும், மறுபக்கம் அமைதியா, கருணையோடவும் இருப்பாங்க. இது வாழ்க்கையில எல்லா விஷயங்களும் சமநிலையில இருக்கணும்னு சொல்லுது. சந்தோஷமும், சோகமும், வெற்றியும், தோல்வியும்னு எல்லாத்தையும் சமமா ஏத்துக்க கத்துக்கணும்.

6. சுதந்திரம்: காளி தேவி எல்லாவிதமான பந்தங்கள், கட்டுப்பாடுகள் இதுல இருந்து விடுபட்டு இருப்பவர். அதே மாதிரி, நாமளும் நம்மை சுற்றி இருக்கிற சமூகக் கட்டுப்பாடுகள், மத்தவங்க என்ன நினைப்பாங்கனு பயப்படுறது இதிலிருந்து எல்லாம் வெளியே வந்து, சுதந்திரமா இருக்கணும்.

இந்த 6 பாடங்களும் காளி தேவியோட ரூபத்துலயும், தத்துவத்திலயும் நமக்கு சொல்லிக் கொடுக்கும். இந்தப் பாடங்களை புரிஞ்சுக்கிட்டு, உங்க வாழ்க்கையில இருக்கிற எதிர்மறை எண்ணங்களை தைரியமா எதிர்கொண்டு, அழிச்சு, ஒரு நிம்மதியான வாழ்க்கையை வாழுங்க.