அடுத்த 90 நாட்களில் உங்கள் இலக்கை அடைய இவற்றைப் பின்பற்றினாலே போதும்!

உங்களுக்கு வாழ்க்கையில் எதையாவது சாதிக்க வேண்டும் என்ற கனவுகள், குறிக்கோள்கள் உள்ளதா? இந்தப் பதிவில் நான் சொல்லப் போகும் விஷயங்களைப் பின்பற்றினால் அடுத்த 90 நாட்களில் நீங்கள் விரும்பும் விஷயத்தை நிச்சயம் அடைய முடியும். சரி வாருங்கள் அதற்கான தந்திரத்தை இப்பதிவில் பார்ப்போம். இவற்றை நீங்கள் பின்பற்றினாலே, இப்போது இருப்பதைவிட சிறப்பான நபராக நிச்சயம் மாற முடியும். 

உங்கள் இலக்குகளை தெளிவாக நிர்ணயம் செய்யுங்கள்: நீங்கள் விரும்புவதைப் பெறுவதற்கு உங்களது இலக்குகளை தெளிவாகப் புரிந்து கொள்ள வேண்டியது அவசியம். எனவே அவற்றைப் பற்றி அதிகமாக சிந்தித்து, உங்கள் நோக்கம் என்ன என்பதை வரையறுத்துக் கொள்ளுங்கள். உங்களது இலக்குகளை அடையக்கூடிய அளவில் சரியாக வகுத்து, தெளிவை ஏற்படுத்திக் கொண்டு முயற்சி செய்யுங்கள். 

செயல்திட்டம் உருவாக்கவும்: வெறும் இலக்குகளை வைத்துக்கொண்டு நாம் எதையும் சாதிக்க முடியாது. அந்த இலக்கை அடைவதற்கான செயல் திட்டம் மிக முக்கியம். எனவே முதலில் செயலில் இறங்குங்கள். அடுத்து 90 நாட்களில் உங்களது இலக்கை அடைய நீங்கள் என்னவெல்லாம் செய்ய வேண்டும் என்பதைத் தீர்மானித்து, அதற்கான முயற்சியை உடனடியாகத் தொடங்குங்கள். எதையாவது முயற்சி செய்தால் மட்டுமே, இலக்கை அடைவதற்கான உண்மையான அனுபவங்களை நீங்கள் பெற முடியும். 

நேரத்திற்கு முக்கியத்துவம் கொடுங்கள்: நீங்கள் விரும்புவதைப் பெறுவதற்கு நேரத்தின் சக்தியைத் திறம்பட பயன்படுத்திக்கொள்ள வேண்டும். தேவையில்லாமல் நேரத்தை வீணடிக்கக்கூடாது. சரியான நேரத்தில் உங்களின் முக்கிய பணிகளை செய்யத் திட்டமிட்டு அவற்றை முடித்துக் காட்டுங்கள். வாழ்க்கையில் முக்கியமான விஷயங்களுக்கு முன்னுரிமை கொடுத்து, தினசரி அவற்றில் முழு மனதுடன் ஈடுபட்டாலே, நீங்கள் அடைய நினைத்ததை நிச்சயம் அடைய முடியும்.

உதவி கேளுங்கள்: வாழ்வில் எல்லா விஷயங்களையும் நீங்களாகவே செய்ய முடியும் என எண்ணாதீர்கள். சில சமயங்களில் உங்களது இலக்கை அடைய பிறர் உதவி தேவை இருக்கலாம். அதுபோன்ற தருணங்களில் நண்பர்கள், குடும்ப உறுப்பினர்கள் போன்றவர்களின் உதவியை நாடுவது தவறில்லை. அதேபோல உங்களை சரியான நபர்களுக்கு மத்தியில் வைத்துக் கொள்வது மூலமாகவும், உங்களது இலக்கை நீங்கள் விரைவாக அடைய முடியும். 

வளர்ச்சி மனநிலை வேண்டும்: 90 நாட்களில் இலக்கை எட்டிப் பிடிக்க வேண்டும் என்ற முனைப்புடன் செயல்படாதீர்கள். ஒவ்வொரு நாளும் உங்களை சிறப்பாக மாற்றிக்கொள்ள வேண்டும் என்பதில் கவனம் செலுத்துங்கள். வெற்றியை நோக்கிய பயணத்தில் ஏற்படும் தடைகள், பிரச்சனைகள், பின்னடைவுகள் போன்ற அனைத்தையும் புதிய வாய்ப்பாகப் பார்க்கவும். வளர்ச்சி மனப்பான்மையை வளர்த்துக் கொள்வதன் மூலமாக, எந்த சூழ்நிலையையும் உங்களால் நம்பிக்கையுடன் கடந்து செல்ல முடியும். 

இந்த 5 விஷயங்களை பின்பற்றினாலே, 90 நாட்களில் நீங்கள் நினைத்துப் பார்க்க முடியாத அளவுக்கு வெற்றி அடைந்திருப்பீர்கள் அல்லது வெற்றிக்கு மிக நெருக்கமாக சென்றிருப்பீர்கள். இதன் மூலமாகக் கிடைக்கும் அனுபவம் உங்களை அடுத்தடுத்த விஷயங்களை தைரியமாக முயற்சிக்க உந்துதலைக் கொடுக்கும்.