வாழ்க்கையில் வெற்றி பெற மோட்டிவேஷன் மட்டும் போதாது! 

Motivation
Motivation alone is not enough to succeed in life!

வாழ்க்கையில் வெற்றி பெற ஒருவருக்கு மோட்டிவேஷன் முக்கியம் என்பதில் சந்தேகம் இல்லை. இலக்குகளை அடையவும், சவால்களை எதிர்கொள்ளவும், கனவுகளை நினைவாக்கவும் மோட்டிவேஷன் தேவை. ஆனால் மோட்டிவேஷன் மட்டுமே நமக்கு வெற்றியை தந்துவிடாது என்பதை நாம் புரிந்துகொள்ள வேண்டும். வெற்றி பெற கடின உழைப்பு, விடாமுயற்சி, திறமை மற்றும் அதிர்ஷ்டம் போன்ற பிற காரணிகளும் தேவை. 

மோட்டிவேஷன் என்பது ஒரு உணர்வு. இது தற்காலிக உணர்வாக இருந்து எளிதில் மறைந்துவிடும். சில நேரங்களில் நாம் மிகவும் உந்துதலாக இருந்தாலும், எதிர்பாராத சூழ்நிலைகள் அல்லது தடைகளை எதிர்கொள்ளும்போது நம் உந்துதல் குறைந்துவிடும். அதேநேரம் மோட்டிவேஷன் எப்போதும் சரியான திசையில் இருக்காது. சில நேரங்களில் தவறான இலக்குகள் அல்லது நெகட்டிவ் எண்ணங்களால் அவை தூண்டப்படலாம். இது தோல்விக்கு வழிவகுக்கும். 

வெற்றிக்கு என்ன தேவை? 

  • மோட்டிவேஷனுடன் சேர்ந்து வெற்றி பெற பின்வரும் விஷயங்கள் அவசியம்: 

  • வெற்றி என்பது எளிதில் கிடைப்பதில்லை இலக்குகளை அடைய கடின உழைப்பு மற்றும் அர்ப்பணிப்பு தேவை. 

  • எதிர்பாராத சவால்களை எதிர்கொள்ளும்போது விடாமுயற்சி மிகவும் முக்கியம். தோல்விகளிலிருந்து கற்றுக்கொண்டு மீண்டும் முயற்சி செய்யும் திறன் வெற்றிக்கு அவசியம். 

  • வெற்றி பெற சில திறமைகள் கட்டாயம் தேவை. எனவே, உங்களது திறமையை வளர்த்துக் கொள்வதில் நேரம் மற்றும் முயற்சியை செலவிடுவது முக்கியம். 

  • சில நேரங்களில் வெற்றி பெற அதிர்ஷ்டமும் தேவை. சரியான நேரத்தில் சரியான இடத்தில் இருப்பது, சரியான வாய்ப்புகளைப் பெற்று வெற்றி பெற உதவும். 

இதையும் படியுங்கள்:
தொழிலில் வெற்றி பெற வளர்த்துக்கொள்ள வேண்டிய குணங்கள்!
Motivation

எனவே, வாழ்க்கையில் வெற்றி பெற வெறும் மோட்டிவேஷன் மட்டுமே போதாது என்பதை நாம் அனைவருமே உணர வேண்டும். வெற்றிக்கு மிக முக்கிய காரணிகளான விடாமுயற்சி, திறமை, கடின உழைப்பு, அதிர்ஷ்டம் போன்றவை வேண்டும் என்பதை மனதில் வைத்துக் கொண்டு, மோட்டிவேஷனை உங்கள் வெற்றிக்கான முக்கிய தொடக்கப் புள்ளியாக பயன்படுத்திக் கொள்ளுங்கள்.

அதேநேரம் உங்களது இலக்குகளை அடையவும் கனவுகளை நினைவாக்கவும் தொடர்ந்து பல விஷயங்களை கற்றுக் கொண்டிருக்க வேண்டும், புதிய விஷயங்களை முயற்சிக்க வேண்டும் மற்றும் படிப்படியாக முன்னேற வேண்டும். இது உங்களது வெற்றியை நோக்கி நிலையாக கொண்டு செல்லும். 

Other Articles

No stories found.
logo
Kalki Online
kalkionline.com