அன்பால் வயப்படுத்துங்கள்: உறவுகளைப் பாதுகாக்கும் வழி!

நமது வாழ்க்கையை தினந்தோறும் நல்ல எண்ணங்களோடு தொடங்கி, நல்ல எண்ணங்களோடு முடிக்கவேண்டும். அதுதான் நமக்கும் நமது சந்ததிகளுக்கும் நல்லது. அந்த நெறி முறைகளைநாம் எப்போதும் கடைபிடிப்பதே சிறப்பான  விஷயமாகும்.

பொதுவாகவே நல்ல மனம் படைத்தவர்கள், நல்ல மனம் இல்லாதவர்கள் அனைவருமே நம்முடன் வாழ்ந்து கொண்டுதான் இருக்கிறாா்கள். நமக்குத்தான் எச்சரிக்கை உணர்வு தேவை. எதையும் கவனம் நிதானத்துடன் கையாளவேண்டும். யாருடைய குணமாவது  நமக்கு பிடிக்காமல் போகிற நிலையில்  அவர்களிடமிருந்து நாம் கொஞ்சம் கொஞ்சமாக விலகிவிடுவதே நமக்கு நல்லது.

அதோபோல நாம் எப்போதும் சுறுசுறுப்பாகவே இருக்கவேண்டும். சோம்பல் என்பது நமக்கான முதல் எதிாியாகும். எந்த காாியத்தையும் என்னால் செய்ய இயலாது என முடங்கிவிட்டால் அந்த நிலைபாட்டிலிருந்து வெளியே வரவேண்டும். அதுதான் நமது சோம்பலை விரட்டும் கருவி. சோம்பிக்கிடந்தால் சிலந்தி கூட நம் உடலில் கூடுகட்ட இடம் தேடுமே!

அப்போது விடாமுயற்சியின் துணை கொண்டு துள்ளிக்குதித்து தனி ஒரு ஆளாய் எழுந்து கம்பீரம் காட்டினால் எரிமலை கூட நம் முன்னால் வெடிக்காது.

அதேபோல அடுத்தவர்களிடம் சொல்லும், மற்றும்  பேசும்  வாா்த்தைகளில் கோபதாபம், நையாண்டி, குத்தல் வாா்த்தைகள், அவர்களுடைய மனது வலிக்கும்படியான வாா்த்தைகளை சொல்லக்கூடாது. கல்லும் சொல்லும், வெவ்வேறு வகையானது. கல்லால் அடித்துவிட்டால் காயம் பட்டுவிடும்.

அந்த காயத்தின் ரணம் குணமாக களிம்புகள் தடவுதல், மற்றும் மருந்து மாத்திரைகள் சாப்பிட்டால் குணமாகிவிடும்.

ஆனால் சொல்லால் அடித்துவிட்டால் எவ்வளவுதான் மன்னிப்பு கேட்டாலும் பயனளிக்காது. சொல்லுக்கு சில நேரங்களில் விஷத்தன்மை உண்டு.

எனவே ஆத்திரம் கொள்ளவேண்டாம் அனைவரையும் அன்பால் வயப்படுத்தலாமல்லவா! அப்படி பலரும் நம்மை நேசிக்க வேண்டுமென்று நாம் நினைத்தால் முதலில் நாம் அனைவரையும் நேசிக்கவேண்டும்.

ஆக வாழ்க்கையில் நல்ல எண்ணம், விவேகம், தன்னப்பிக்கை எதையும் துணிச்சலுடன் எதிா்கொள்ளும் ஆற்றல், தெய்வ பலம், பொியோா்களின் ஆசி போன்ற நோ்மறை விஷயங்களை நாம் கடைபிடித்தாலே வெற்றி மீது வெற்றி வந்து நம்மை தூங்கவிடாதே!

நமது மனோபாவம் சிறப்பாக இருக்கவேண்டும். நல்ல மனேபாவம் நமக்கு ஆற்றலையே தரும். அறிஞர் வில்லியம் ஜேம்ஸ் அவர்களின் வாக்கியங்களுக்கு ஏற்ப மனோபாவத்தை மாற்றிக்கொள்வதன் மூலம் மனிதர்கள் தங்கள் வாழ்க்கையை மாற்றிக்கொள்ள முடியும் என்ற சொல்லுக்கேற்ப, நம்மை நாமே சரி செய்து கொள்வோமாக!