Extrinsic Motivation: காசு, பணம் கொடுத்தா என்ன வேணா செய்வியா?

நம்ம எல்லாரும் வாழ்க்கையில ஏதாவது ஒரு விஷயத்தைச் செய்யறதுக்கு ஒரு காரணம் இருக்கும். சில சமயம் நமக்குள்ள இருந்தே ஒரு ஆர்வம் வரும், "இதை செஞ்சே ஆகணும்டா!" அப்படின்னு. ஆனா, பல சமயம் வெளிய இருந்து வர்ற சில விஷயங்களுக்காகவும் நாம சில காரியங்களைச் செய்வோம். 

அப்படி வெளிய இருந்து வர்ற ஒரு உந்துதலுக்குப் பேர்தான் "புற ஊக்கம்" அல்லது "Extrinsic Motivation". சிம்பிளா சொல்லணும்னா, ஒரு செயலை நாம செய்யறதுக்குக் காரணம் ஜஸ்ட் அது நமக்கு பிடிக்கும் என்பது மட்டும் இல்லாம, அதனால கிடைக்கப்போற பரிசு, பாராட்டு, போன்றவையும் இருக்கலாம். இதைப் பத்திதான் நாம இந்தக் பதிவுல பார்க்கப்போறோம்.

புற ஊக்கம்னா (Extrinsic Motivation) என்ன?

புற ஊக்கம்ங்கிறது ஒருத்தர் ஒரு செயலைச் செய்யறதுக்கு வெளியிலிருந்து கிடைக்கக்கூடிய பலன்களால தூண்டப்படுறது. உதாரணத்துக்கு, ஒரு கம்பெனியில வேலை செய்யுறவரு மாச சம்பளத்துக்காக வேலை செய்யறது, பரீட்சையில நல்ல மார்க் வாங்கினா அப்பா பைக் வாங்கித் தருவேன்னு சொன்னதுக்காக ஒரு பையன் படிக்கிறது, டிராஃபிக் போலீஸ் ஃபைன் போடுவாங்கன்னு பயந்து ஹெல்மெட் போடுறது. இது எல்லாமே புற ஊக்கத்துக்கு நல்ல உதாரணங்கள். 

புற ஊக்கத்தின் வகைகள் மற்றும் விளைவுகள்:

புற ஊக்கத்துல பல வகை இருக்கு. பணம், பரிசுப் பொருட்கள், பதவி உயர்வு, சமூக அங்கீகாரம், பாராட்டு, புகழ் மாதிரி நேர்மறையான விஷயங்களும் இருக்கலாம். அதே சமயம், திட்டு, தண்டனை, அவமானம், வேலையை விட்டு தூக்கிடுவாங்கன்ற பயம் மாதிரியான எதிர்மறையான விஷயங்களும் புற ஊக்கிகளாகச் செயல்படலாம்.

புற ஊக்கம் ஒரு சில நேரங்கள்ல ரொம்பவே உதவியா இருக்கும். ஒருத்தருக்கு ஒரு விஷயத்துல ஆரம்பத்துல ஆர்வம் இல்லாம இருக்கலாம். ஆனா, அதுக்குக் கிடைக்கிற பரிசுக்காக செய்ய ஆரம்பிச்சு, போகப்போக அந்த விஷயத்துல ஒரு ஈடுபாடு கூட வரலாம். உதாரணத்துக்கு, சின்ன வயசுல அம்மா மிட்டாய் தரேன்னு சொன்னதுக்காக பாட்டு கிளாசுக்குப் போன குழந்தை, பிற்காலத்துல பெரிய பாடகராகக் கூட ஆகலாம். அதே மாதிரி, ஒரு வேலையை முடிக்கிறதுக்கு ஒரு Deadline வைக்கும்போது, அந்தப் பயத்துல வேகமா வேலையை முடிக்கிறதுக்கும் இது உதவும்.

ஆனா, இதுக்கு சில எதிர்மறை விளைவுகளும் இருக்கு. எப்பவுமே பரிசுக்காகவோ, தண்டனைக்குப் பயந்தோ ஒரு வேலையைச் செய்யும்போது, அந்த வேலையோட தரம் குறைய வாய்ப்பிருக்கு. "சும்மா செஞ்சா போதும், பரிசு கிடைச்சா சரி"ங்கிற மனப்பான்மை வந்துடும். நீண்டகால அடிப்படையில பார்க்கும்போது, இது ஒருத்தரோட உண்மையான ஆர்வத்தை கொறச்சி ஒரு விஷயத்தை விரும்பி செய்யாம, கட்டாயத்துக்காக செய்யுற மாதிரி ஆகிடும்.

புற ஊக்கம்ங்கிறது நம்ம வாழ்க்கையில தவிர்க்க முடியாத ஒண்ணு. சில நேரங்கள்ல இது நமக்கு ஒரு உந்து சக்தியா இருந்து சில இலக்குகளை அடைய உதவுது. ஆனா, இது மட்டுமே ஒருத்தரை முழுமையா வழிநடத்த முடியாது. ஒரு செயலைச் செய்யுறதுல உண்மையான சந்தோஷமும், உள்ளார்ந்த ஆர்வமும் இருக்கும்போதுதான் அந்தச் செயல் சிறப்பா இருக்கும், அதுல ஒரு நிறைவும் கிடைக்கும். அதனால, புற ஊக்கத்தை ஒரு கருவியா பயன்படுத்திக்கிட்டு, முடிஞ்சவரைக்கும் நமக்குள்ள இருக்குற உள்ளார்ந்த ஆர்வத்தையும் வளர்த்துக்கிட்டா, வாழ்க்கை இன்னும் அழகா அமையும்.