திருப்பள்ளியெழுச்சி: 7 - ‘இவன் அவனோ? அட, அவன்தான் இவனோ?‘

திருப்பள்ளியெழுச்சி: 6 - பிறப்பை நீக்கி எம்மை ஆட்கொள்ள, துயிலெழுந்தருளுங்கள் எம்பெருமானே!.அது பழச்சுவையென அமுதென அறிதற்கு அரிதென எளிதென அமரரும் அறியார்இது அவன் திருவுரு இவன் அவன் எனவே எங்களை ஆண்டுகொண்டு இங்கு எழுந்தருளும்மதுவளர் பொழில் திருவுத்தரகோசமங்கை உள்ளாய் திருப்பெருந்துறை மன்னா,எது எமைப்பணி கொளும் ஆறு அது கேட்போம் எம்பெருமான் பள்ளி எழுந்தருளாயே!.ஐயனே உம் நாமத்தை உச்சரித்தால் அது சுவை மிக்க கனியைப் போல இனிக்கிறதே! பாலும் அந்தச் சுவைக்கு ஈடாகுமோ என்று எண்ணவும் தோன்றுகிறதே! தேன் சிந்தும் மலர்கள் வண்டுகளை ஈர்ப்பது போல உம் அருளால் எங்களை வசீகரிக்கும் எம் தலைவனே, அத்தகைய மலர்கள் நிறைந்த சோலைகளைக் கொண்ட உத்தரகோசமங்கை என்ற திருத்தலத்தில் கோவில் கொண்டு எம்மை ஆட்கொள்ளும் இறைவா, திருப்பெருந்துறையில் எங்களுக்குக் காட்சி அருளி எம் பக்தியை அங்கீகரிக்கிறீர்களே, இதைவிட எங்களுக்கு வேறு பேறு என்ன வேண்டும்? உம்மை எளிதாகப் பிடித்து விடலாம் என்றும், உம்மைத் தெரிந்து கொள்வது அரிதில்லை என்றும் நினைத்து, அதற்காக முயற்சித்து தேவர்களும் ஏமாற்றமடைகிறார்கள். ஐயனே உம் வடிவம் என்ன? ‘இவன் அவனோ, அட, அவன்தான் இவனோ?‘ என்றெல்லாம் அனுமானிக்க முயன்று அவர்களே திணறுகிறார்களே. ஆனாம் எம் தெய்வமே, ‘இதோ இதுதான் என் உண்மையானத் தோற்றம்‘ என்று சொல்வதுபோல எங்கள் முன்னால் ஜோதியாய் காட்சி அருள்கிறீர்கள். இனி நாங்கள் உங்கள் வசம்; எங்களை என்ன செய்ய நினைக்கிறீர்களோ, அவ்வாறே செய்து கொள்ளும் என்றே நாங்கள் உம்மிடம் வேண்டிக் கேட்டுக் கொள்கிறோம். ஆமாம், எங்களுக்கு வேண்டியது எது, வேண்டாதது என்று எங்களைத் தவிர உங்களுக்கே முழுமையாகத் தெரியும். ஆகவே எங்களுக்கென்று நாங்கள் கேட்பதற்கு என்ன இருக்கிறது? எங்களுக்கு இதைக் கொடுங்கள், அதைக் கொடுங்கள் என்று உம்மிடம் கோரிக்கை விடுப்பதுதான் எத்தனை அபத்தம்! ஆமாம், எங்களையே உம்மிடம் ஒப்படைத்து விட்ட பிறகு எங்களைப் பற்றி நாங்கள் ஏன் கவலைப்பட வேண்டும்? எங்கள் எஜமானரே, துயில் எழுந்து எம்மை ஆட்கொள்வீர்களாக..திருப்பள்ளியெழுச்சி: 5 - அறிதற்கு அரியோனே, ஆட்கொண்டருள்வீராக!.திருவெம்பாவை திருநோன்பு (திருப்பள்ளியெழுச்சி): அனைத்து பகுதிகளையும் காண 'Click Here'.Click Here

திருப்பள்ளியெழுச்சி: 7 - ‘இவன் அவனோ? அட, அவன்தான் இவனோ?‘

Other Articles