திருப்பள்ளியெழுச்சி: 6 - பிறப்பை நீக்கி எம்மை ஆட்கொள்ள, துயிலெழுந்தருளுங்கள் எம்பெருமானே!

திருப்பள்ளியெழுச்சி: 5 - அறிதற்கு அரியோனே, ஆட்கொண்டருள்வீராக!.பப்பற வீட்டிருந்து உணரும் நின்னடியார் பந்தனையறுத்து வந்தறுத்தார் அவர் பலரும்மைப்புறு கண்ணியர் மானுடத்து இயல்பில் வணங்குகின்றார், அணங்கின் மணவாளாசெப்புறு கமலங்கள் மலரும் தண்வயல் சூழ் திருப்பெருந்துறையுறை சிவபெருமானேஇப்பிறப்பறுத்து எமையாண்டு அருள்புரியும் எம்பெருமான் பள்ளி எழுந்தருளாயே.எம் தலைவா, பார்வதியின் பதியே, உம்மை வணங்குகிறோம். செந்தாமரை மலர்கள் நிறைந்த குளங்களும், பசுமை பொங்கும் வயல்களும் சூழ்ந்த திருத்தலமான திருப்பெருந்துறையில் எழுந்தருளியுள்ள எம்பெருமானே! உம் பேரருள் என்ற பெரும் பேற்றை தம் உள்ளத்தால் உணரும் அடியவர்கள், இவ்வுலக பந்தகங்களாகிய குடும்பம், உறவு, பந்தம், பாசம் எல்லாவற்றையும் துறந்து விட்டு உம்மை தரிசிக்க வந்துள்ளார்களே, அவர்களுடைய பக்திக்குதான் ஈடு, இணை ஏது! தம் கண்களுக்கு மையிட்டு அழகு செய்துகொள்ளும் பெண்களும், உலகியலில் பற்றற்றும், உம்மீதான பக்தியுடனும் உம்மை வணங்க வந்துள்ளார்களே! வெறுமனே மலரால் உம்மை அர்ச்சித்து, தூப தீபம் காட்டி வழிபடுபவர்கள், தமக்கு ஏதேனும் துன்பம் நேர்ந்தால், உடனே ‘இப்படி ஒரு சோதனை எனக்கு ஏன் தந்தாய்?‘ என்று கேட்டு உம்மைப் பழிக்கிறார்களே, அத்தகையவர்களும் உம்மை வணங்க வரிசை கட்டி நிற்கிறார்களே! ஆனால் எம் இறைவா பக்தி என்பது எந்த ரூபத்தில் இருந்தால்தான் என்ன, அதைச் சமர்ப்பிக்கும் இதயம் இருக்கிறதே, அதுதானே பெரிது! சோதனைக்காக வருந்துபவர்களும் உரிமையுடன் உம்மை கோபித்துக் கொண்டாலும், தொடர்ந்து உம்மீது பக்தி செலுத்துவதை நிறுத்துவதில்லையே! இதற்கெல்லாம் என்ன காரணம்? உம்மீது அவர்கள் கொண்டிருக்கும் உளமார்ந்த பக்திதானே? அதாவது, நீங்கள் காட்டும் அருளுக்குத் தாம் செலுத்துவது முறையான பக்திதானா இல்லையா என்ற புரிதல் இல்லாவிட்டாலும் உம்மை வணங்க வேண்டும் என்று ஆவலுடன் வந்து குழுமியிருக்கிறார்களே! ஆகவே, நாங்கள் அறிந்தோ, அறியாமலோ செலுத்தும் பக்தியை, அது எந்தப் பரிமாணத்தில் இருந்தாலும் ஏற்றுக் கொள்ளுங்கள் எம் ஐயனே. உம்மீது பக்தி செலுத்துவதில்கூட மனத் தடுமாற்றம் கொள்ள வைக்கும் இந்த உலகியல் வாழ்க்கையிலிருந்து எங்களுக்கு விடுதலை அருளுங்கள்; ஆமாம், பிறப்பை நீக்கி எம்மை ஆட்கொள்ள, துயிலெழுந்தருளுங்கள் எம்பெருமானே!.திருப்பள்ளியெழுச்சி: 4 - திருப்பெருந்துறை திருத்தலத்தில் எழுந்தருளியிருக்கும் எம்பெருமானே! திருப்பள்ளி எழுந்தருளாயே!.திருவெம்பாவை திருநோன்பு (திருப்பள்ளியெழுச்சி): அனைத்து பகுதிகளையும் காண 'Click Here'.Click Here