திருவெம்பாவை திருநோன்பு: 10 - உமக்கு ஊர் ஏதய்யா? உம் பெயர்தான் என்ன? உம் உறவினர் யார்?

திருவெம்பாவை திருநோன்பு: 9 - பாவை நோன்பினாலே என்ன பலன்?.பாதாளம் ஏழினும் கீழ் சொற்கழிவு பாதமலர்போதார் புனைமுடியும் எல்லாப் பொருள்முடிவேபேதை ஒருபால் திருமேனி ஒன்றல்லன்வேதமுதல் விண்ணோரும் மண்ணும் துதித்தாலும்ஓத உலவா ஒரு தோழன் தொண்டர் உளன்கோதில் குலத்தான் தன் கோயிற்பிணாப் பிள்ளைகாள்ஏதவனூர் ஏதவன்பேர் ஆருற்றார் ஆரயலார்ஏதவனைப் பாடும் பரிசேலோர் எம்பாவாய்.நற்குணங்கள் நிரம்பப் பெற்ற குலத்தில் உதித்த பெண்களே, கோயில் திருப்பணியையே தம் தலையாயப் பணியாக ஏற்று சேவை புரியும் பெண்களே, நம் இறைவனாம் சிவபெருமானின் பெருமைகளைச் சொல்லி முடியுமா? அவருடைய திருப்பாதங்கள் ஏழு பாதாள உலகங்களையும் கடந்து அவற்றுக்கும் கீழே எங்கோ நிலை கொண்டிருக்கிறது. ஆனால் இந்தத் திருப்பாத தரிசனத்தைத் திருமாலாலும் காண இயலவில்லை! கொன்றை, ஆத்தி, தும்பை, எருக்கு, ஊமத்தை போன்ற எங்களுக்குப் பயனற்ற மலர்களைச் சூடிய பெருமானே, வாசமிகு மலர்களை எங்கள் உபயோகத்துக்கு அளித்து நறுமணமில்லாத காட்டுப் பூக்களைச் சூடியவனே, உம் கருணைக்கு ஈடு ஏது, இணை ஏது? அவ்வாறு மலர் சூடிய உம் திருமுடியோ வான எல்லையையும் கடந்து எங்கோ நிலைத்திருக்கிறது. ஆனாலும் இந்தத் திருமுடி தரிசனத்தை பிரம்மனாலும் காண இயலவில்லை. அந்த வகையில் மேலும், கீழுமாய், எல்லா திசைகளிலுமாய், அனைத்து அண்டங்களிலுமாய் நீக்கமற நீ நிறைந்திருக்கிறாய். உமையவளை உன்னில் ஒரு பாகமாகக் கொண்டிருக்கும் நீ, அதனாலேயே தனியன் அல்ல. விண்ணவரும், பூவுலகினரும் என்னதான் வேதங்களைக் கொண்டு ஒருசேரத் துதித்தாலும், உன் புகழைப் பாடி முடிக்க முடியுமா ஐயனே! யோகிகளுக்கும் ஞானிகளுக்கும் உற்ற துணைவனே, அனைத்து ஜீவன்களையும் பக்தர்களாகப் பெற்றவனே, உமக்கு ஊர் ஏதய்யா? உம் பெயர்தான் என்ன? உம் உறவினர் யார், உம் அண்டை, அசலார் யார்? தனித்து விளங்கும் தெய்வமே, நாங்கள் எல்லோரும்தான் உன் உற்றார், உறவினர்! ஐயனே உம்மைப் புகழ வார்த்தைகள் ஏது? எத்தனைப் பாக்கள்தான் பாடினாலும் உன் புகழை முழுமையாக கூறிவிட முடியுமா? நின் தாளே சரணம்..திருவெம்பாவை திருநோன்பு: 8 - அஞ்ஞான குணங்களை விரட்டி நமக்குள் ஒளி பெருக்கும் எம்பெருமான்!.திருவெம்பாவை திருநோன்பு: அனைத்து பகுதிகளையும் காண 'Click Here'.Click Here

திருவெம்பாவை திருநோன்பு: 10 - உமக்கு ஊர் ஏதய்யா? உம் பெயர்தான் என்ன? உம் உறவினர் யார்?

Other Articles