திருவெம்பாவை திருநோன்பு: 15 - அவள் சிந்தையெல்லாம் சிவமயமே!

திருவெம்பாவை திருநோன்பு: 14 - சித்தமெல்லாம் சிவமயமாக, நீராடுவோம்!.ஓரொரு கால் எம்பெருமான் என்றென்றே நம்பெருமான்சீரொருகால் வாய் ஓவாள் சித்தம் களிகூரநீரொருகால் ஓவா நெடுந்தாரை கண்பனிப்பபாரொருகால் வந்து அணையாள் விண்ணோரைத் தான் பணியாள்பேரரையற்கு இங்ஙனே பித்தொருவர் ஆமாறும்ஆரொருவர் இவ்வண்ணம் ஆட்கொள்ளும் வித்தகர் தாள்வார் உருவப் பூண்முலையீர் வாயார நாம்பாடிஏர் உருவப் பூம்புனல் பாய்ந்தாடேலோர் எம்பாவாய்.பெண்களே, நம் தோழிக்கு எப்போதும் சிவ சிந்தனைதான். சுவாசத்திலும் அந்த சுந்தரன்தான். எம்பெருமானுடைய சிறப்புகளை அவள் வாய் ஓயாமல் பேசிக் கொண்டே இருப்பாள். அதில் அவள் அலுப்பு கண்டதில்லை; ஆனந்தமே மிகக் கொள்வாள். அவள் உள்ளம் நெகிழ்ந்திருக்கும். மனதோடு அவள் மெய்யும் சிலிர்த்துச் சிவக்கும். ஐயனின் அருமை பெருமைகளைப் பேசப்பேச அவள் அழகுக் கண்களிலிருந்து ஆனந்தக் கண்ணீர் அருவியாகப் பெருகி வீழும். அந்த பக்திப் பரவச நிலையிலிருந்து அவளால் சுயத்துக்கு மீளவே முடியாத தன்மையும் உண்டாகும். அக்கம் பக்கத்தை உணராமல் அவள் எங்கோ சஞ்சரிப்பாள். இவள் நிலை கண்டு, ஆர்வம் கொண்டு, விண்ணிலிருந்து எந்த தேவன் கீழிறங்கி வந்தாலும், இவள் பாராமுகமாகவே இருப்பாள். அவனை வணங்க மாட்டாள். அவளைப் பொறுத்தவரை சிவபெருமானே அவளுடைய தலைவன்.அவனன்றி பிறர் யாரும் பொருட்டல்ல என்று இறுமாந்து நிற்பாள். ‘யாமார்க்கும் குடியல்லோம்,‘ என்ற வைரம் பாய்ந்த உள்ளம் கொண்டவளாக இருக்கிறாள். பித்துப் பிடித்து விட்டதோ என்று பிறர் சந்தேகமாகவோ, கேலியாகவோ பார்த்தாலும், பேசினாலும், அதைப் பற்றிக் கொஞ்சமும் கவலைப் படமாட்டாள். ஆனால் இது அதிசயமில்லை; ஆமாம், ஈசனால் ஆட்கொள்ளப்படும் அனைவருக்கும் ஏற்படும் உன்மத்த நிலைதான், இது. புற உலகில் எதனாலும், எந்த சந்தர்ப்பத்தாலும் கிடைக்கக் கூடிய இன்பத்துக்கெல்லாம் இது மேலானது. அழகிய மார்பு கச்சையும், ஒளிரும் ஆபரணங்களையும் அணிந்த அருமைத் தோழியரே, வாருங்கள், நாமும் அந்தப் பரம்பொருளை, ஈசன் என்ற வித்தகனை தாள் பணிந்து வணங்குவோம், போற்றுவோம். நம் மனதை உழுதுப் பண்படுத்தும் அவனுடைய அருளைப் போலவே கலப்பை வடிவிலான இந்தப் பொய்கையில் நீராடி, அவன் எண்ணத்திலேயே திளைத்திருப்போம்..திருவெம்பாவை திருநோன்பு: 13 - பங்கயப் பூம்புனல் பாய்ந்தாடு ஏலோர் எம்பாவாய்!.திருவெம்பாவை திருநோன்பு: அனைத்து பகுதிகளையும் காண 'Click Here'.Click Here