திருவெம்பாவை திருநோன்பு: 14 - மார்கழி சிறப்புத் தொடர்!

திருவெம்பாவை திருநோன்பு: 13 - பங்கயப் பூம்புனல் பாய்ந்தாடு ஏலோர் எம்பாவாய்!.காதார் குழையாடப் பைம்பூண் கலனாடக்கோதை குழலாட வண்டின் குழாம் ஆடசீதப்புனலாடிச் சிற்றம்பலம் பாடிவேதப் பொருள்பாடி அப்பொருளா மாபாடிசோதி திறம்பாடி சூழ்கொன்றைத் தார்பாடிஆதி திறம்பாடி அந்தமா மாபாடிபேதித்து நம்மை வளர்ந்தெடுத்தபெய்வளை தன்பாதத் திறம்பாடி ஆடேலோர் எம்பாவாய்.தோடுடைய சிவபெருமானின் அடியார்களான ஆண் பக்தர்களின் காதணிகளும், அவர்கள் மார்பை அலங்கரிக்கும் தங்க நகைகளும் அவர்கள் இந்தப் பொய்கையில் நீராடுவதால், தாமும் பேரானந்தம் அடைகின்றன. ஆமாம், அவர்கள் இந்தப் பொய்கையில் நிற்கும்போது மெதுவாகவும், மூழ்கி, மூழ்கி எழுந்திருக்கும்போது வேகமாகவும் ஆடி ஆடி, மகிழ்கின்றன. பெண்களின் கட்டோடு குழலாட ஆட, கூந்தல் பிரிந்து நீரலையில் பரவுகிறது. அந்தக் கூந்தலில் அதுவரைச் சூடியிருந்த மலர்கள், அவர்களுடைய கேசத்தை விட்டு விலகும்போதிலும் மணம் பரப்புகின்றன. அந்த வாசத்தால் ஈர்க்கப்பட்ட வண்டுகளும், பறந்தோடி வருகின்றன. அவற்றின் ரீங்காரமும் ‘நமசிவாய, சிவாயநம‘ என்றே இசைப்பது போல அல்லவா உள்ளது! இத்தகைய தெய்வீகப் பொய்கையில் நீராடுவதுதான் எத்தனை பெரிய பாக்கியம்! இந்த அரிய பேற்றினை அளித்தவனான, சிற்றம்பலத்தில் சீரிய நடனமிடும் ஈசனை புகழ்ந்து பாடுவோம், வாருங்கள். வேதமே தானாக, வேதப் பொருளும் தானாக விளங்குகின்ற அரனை, அயராமல் போற்றி மகிழ்வோம். திருவண்ணாமலையிலே அருட்காட்சி நல்கும் அண்ணாமலையானுடைய அற்புதங்களை, அவனுடைய கருணையை மனதார நினைத்து, வாயாரப் பாடி, மங்கலமாய் நீராடுவோம். ஆதி, அந்தம் இல்லாத ஆரூரன் அவன். நமக்கு அவனே வளையல்கள் அணிந்த தாயுமானவனும் ஆவான்! பந்த பாசங்களிலிருந்தும், உலகியல் துன்பங்களிலிருந்தும் நம்மைப் பிரித்து உய்விக்க வந்தப் பெருமான் நம் ஈசன். அவனுடைய பாத மலர்களை எண்ணி, அவற்றைத் துதித்தபடியே நீராடுவோம். வேறெந்த சிந்தனையும் அந்த பக்தி வழிபாட்டிலிருந்து நம்மைப் பிரிக்காமல் இருக்கட்டும். ஆமாம், எம்பெருமானை எண்ணும் எல்லா சந்தர்ப்பமும் அவனுடைய வழிபாடுதானே! சித்தமெல்லாம் சிவமயமாக நாம் இந்த நீராடல் மட்டுமல்ல, பிற அனைத்துச் செயல்களிலும் ஈடுபடுவோம், ஈசனின் அருளைப் பெறுவோம்..திருவெம்பாவை திருநோன்பு: 12 - அகங்காரத்தை அழித்து அம்பலத்தானின் அருளைப் பெறுவோம்.திருவெம்பாவை திருநோன்பு: அனைத்து பகுதிகளையும் காண 'Click Here'.Click Here

திருவெம்பாவை திருநோன்பு: 14 - சித்தமெல்லாம் சிவமயமாக, நீராடுவோம்!

Other Articles

உங்க வீட்ல மண்பானை இருந்தா... அதை 'இப்படி' மட்டும் வச்சிராதீங்க...

தோல்விகளைத் தாங்க முடியாத இன்றைய இளைஞர்கள்... ஒற்றைக் குழந்தை குடும்பங்கள் தான் காரணமா?

பாதி விலையில் கிடைக்கும் டாப் பிராண்ட் இன்வெர்ட்டர் ஏசிகள்.. அமேசான் மெகா ஆஃபர் இதோ!

உங்கள் ராசிக்கு என்ன பலன்? 'பராபவ' வருஷத்துக்கான (2026) ரகசியங்கள்!