திருவெம்பாவை திருநோன்பு: 16 - இயற்கை எனும் பொக்கிஷம் எம் இறைவனின் அருட் பிரசாதம்!

திருவெம்பாவை திருநோன்பு: 15 - அவள் சிந்தையெல்லாம் சிவமயமே!.முன்னிக் கடலை சுருக்கி எழுந்துடையாள்என்னத் திகழ்ந்து எம்மை ஆளுடையாள்மின்னிப் பொலிந்து எம்பிராட்டி திருவடிமேல்பொன்னம் சிலம்பின் சிலம்பித் திருப்புருவம்என்னச் சிலைகுலவி நந்தம்மை ஆளுடையாள்தன்னில் பிரிவிலா எம்கோமான் அன்பர்க்குமுன்னியவள் நமக்கு முன்சுரக்கும் இன்னருளேஎன்னப் பொழியாய் மழையேலோர் எம்பாவாய்.இயற்கைதான் இறைவனோடு எத்தனை அழகாக ஒன்றியிருக்கிறது! (விஞ்ஞானம் பின்னால் கண்டுபிடித்ததெல்லாம் 1200 ஆண்டுகளுக்கு முன்னாலேயே சொல்லப்பட்டு விட்டதே!) ஆமாம், பரந்து விரிந்த கடலிலிருந்து நீராவிகள் மேலே எழும்புகின்றன. அவை வானில் ஒன்று சேர்ந்து கருமேகத் திரட்சியாகக் காட்சியளிக்கின்றன. இவை எதைப் போலிருக்கின்றன, தெரியுமா? எங்களுடைய பரம்பொருளான சிவபெருமானின், கருணையே வடிவான அம்மை பார்வதி தேவியைப் போல கறுமையாகத் திகழ்கின்றன. மேகங்களூடே கீற்றாக ஒளிர்கிறதே மின்னல், அது அந்தப் பரமேஸ்வரியின் சிற்றிடை போல, பளிச்சென்ற ஒளிக்கோடு போலவே இருக்கிறது! மின்னலுக்குப் பின்னே முழங்குகிறதே இடி, அது எங்கள் தலைவியான பரமேஸ்வரி, மென்மையாக நடந்து சென்றாலும் அவள் அணிந்துள்ள பொற்சிலம்புகள் அதிரடியாக ஒலிப்பது போன்றல்லவா உள்ளது! வானில் தோன்றுகிறதே வானவில், அதன் எழில்மிகு வளைவு முனைகள் பூமியின் இரு கோடிகளை இணைப்பது போல காட்சியளிக்கிறதே, அது, அழகுற வளைந்து இரு கண்களின் இரு முனைகளையும் தொடும் எங்கள் அன்னையின் பேரழகு புருவங்கள் போல இருக்கிறதே! என்றென்றும் ஈசனைப் பிரியாத இனிய தலைவி அவள். இயல்பிலேயே தாயுள்ளம் கொண்ட கருணைப் பெருங்கடல் அவள். அதோடு, நாமெல்லாம் அவளுடைய கணவரான இமயவானை வணங்குகிறோம் என்று தெரிந்தால், பெருமகிழ்ச்சியுற்று நமக்கு எல்லா நலன்களையும், செல்வங்களையும் வாரி வழங்க மாட்டாளா, என்ன? இதுவும் எதைப்போல? அதோ வானிலிருந்து, கருமேகங்களிலிருந்து பொழியும் அருவி அனைய மழையைப் போல! அன்னையின் அருளுக்கு அணை உண்டா? மழையே, நீயும் அதேபோல விடாது பொழிவாயாக. எம்பெருமான் ஈசனின் இணையடி நிழலில் இளைப்பாறும் எங்களுக்கு குறைவில்லாத மகிழ்ச்சியையும், ஆனந்தமான நிம்மதியையும் வழங்குவாயாக. இயற்கை பொக்கிஷமே, எம் இறைவனின் அருட் பிரசாதமே, உன்னை நாங்கள் எந்நாளும் போற்றி மகிழ்வோம்..திருவெம்பாவை திருநோன்பு: 14 - சித்தமெல்லாம் சிவமயமாக, நீராடுவோம்!.திருவெம்பாவை திருநோன்பு: அனைத்து பகுதிகளையும் காண 'Click Here'.Click Here

திருவெம்பாவை திருநோன்பு: 16 - இயற்கை எனும் பொக்கிஷம் எம் இறைவனின் அருட் பிரசாதம்!

Other Articles

தர்மபுரியின் ‘மினி ஊட்டி’ வத்தல்மலை: காபித் தோட்டங்கள், பனிமூட்டம் சூழ்ந்த இயற்கை சொர்க்கம்!

#BIG BREAKING : பெரும்பான்மையுடன் சென்ற விஜய்க்கு ஆளுநர் நேரம் கொடுக்கவில்லை..!

சிறுகதை: தாய்மை என்பது ஒரு தண்டனை அல்ல!

பாதி விலையில் கிடைக்கும் டாப் பிராண்ட் இன்வெர்ட்டர் ஏசிகள்.. அமேசான் மெகா ஆஃபர் இதோ!