திருவெம்பாவை திருநோன்பு: 17 - சேவகனாய் சேவை புரிவான் நம் சிவபெருமான்!

திருவெம்பாவை திருநோன்பு: 16 - இயற்கை எனும் பொக்கிஷம் எம் இறைவனின் அருட் பிரசாதம்!.செங்கணன்பால் திசைமுகன்பால் தேவர்கள்பால்எங்கும் இலாதோர் இன்பம் நம்பாலதாக்கொங்கு உண் கருங்குழலி நந்தம்மை கோதாட்டிஇங்கு நம் இல்லங்கள் தோறும் எழுந்தருளிச்செங்கமலப் பொற்பாதம் தந்தருளும் சேவகனைஅங்கண் அரசை அடியோங்கட்கு ஆரமுதைநங்கள் பெருமானைப் பாடி நலம் திகழபங்கயப் பூம்புனல் பாய்ந்தோடேலோர் எம்பாவாய்.தேன் சிந்தும் நறுமலர்கள் சூடிய தோழியரே, நம் தலைவனாம் எம்பெருமான் எத்தகையவன் தெரியுமா? தாமரை மலர்கள் போன்று சிவந்த கண்களை உடைய திருமால் ஆகட்டும், படைப்புப் பணி மேற்கொண்டிருக்கும் பிரம்மனாகட்டும், ஏன் பிற தேவர்கள் அனைவருமே ஆகட்டும், அவர்களால் எல்லாம் அளிக்க முடியாத பேரின்ப ஆனந்தத்தை அளிக்கவல்லவன், நம் ஈசன். அவன் எத்தனை எளியவன் தெரியுமா? நம் வீடுகள் தோறும் எழுந்தருள்பவன். ஆமாம் தாமரைத் திருவடிகள் கொண்ட அந்தப் பெம்மான் ஒரு சேவகனாய் இறங்கி வந்து நம்மை ஆட்கொள்ளத் தயாராக இருக்கிறான். அந்த அன்பான அருளை நாம் புரிந்து கொள்ள வேண்டும். அதாவது, உடல்நலக் குறைவாலோ, முதுமையாலோ, அல்லது உடல் வலு இருந்தும் சோம்பலாலோ, அலட்சியத்தாலோ, கோயிலுக்கு வந்து தன்னை தரிசிக்க இயலாதிருக்கும் தன் அன்பர்களைத் தான் கண்டு இன்புற, உற்சவ மூர்த்தியாய் நகர்வலம் வருகிறானே, இந்தப் பேறு கிடைக்க நாம்தான் எத்தனை பாக்கியம் செய்திருக்க வேண்டும்! தீர்க்கமாய் அருளும் அழகுக்கண்களை உடையவன் நம் தலைவன். அவன் அடியார் அனைவருக்கும் அமுதமானவன். அவன் திருக்கோயிலுக்குச் சென்று நாம் தரிசிப்போம். அதற்கு முன்னால், தாமரைப் பூத்த இந்தத் தடாகத்தில் நாம் நீராடுவோம். நம் புற அசுத்தங்கள் நீங்குவதோடு, மனமும் குளிர்ச்சி பெற்று அந்த இறையருளைப் பெற தகுதி பெற்றுவிடும். நாவினிக்க ‘நமசிவாய‘ நாமம் சொல்வோம்; செவியினிக்க அவன் புகழைக் கேட்போம். பக்தியால் மெய்சிலிர்க்கப் பேரின்பம் அடைவோம். இதைத் தவிர நம் தலைவன் நம்மிடம் வேறு எதை எதிர்ப்பாக்கிறான்? இதனாலேயே, ஒரு சேவகனாக நமக்குச் சேவை புரிய தயாராக இருக்கிறானே, அந்த தனிப் பெரும் கருணையை அளவின்றி ஏற்று மேன்மையடைவோம்..திருவெம்பாவை திருநோன்பு: 15 - அவள் சிந்தையெல்லாம் சிவமயமே!.திருவெம்பாவை திருநோன்பு: அனைத்து பகுதிகளையும் காண 'Click Here'.Click Here

திருவெம்பாவை திருநோன்பு: 17 - சேவகனாய் சேவை புரிவான் நம் சிவபெருமான்!

Other Articles