திருவெம்பாவை திருநோன்பு: 18 - ஆணானவன், பெண்ணானவன், அலியுமானவன் அவனே!

திருவெம்பாவை திருநோன்பு: 17 - சேவகனாய் சேவை புரிவான் நம் சிவபெருமான்!.அண்ணாமலையான் அடிக்கமலம் சென்றிறைஞ்சும்விண்ணோர் முடியின் மணித்தொகை வீறு அற்றாற்போல்கண் ஆர் இரவி கதிர் வந்து கார் கரப்பத்தண்ணார் ஒளி மழுங்கித் தாரகைகள் தாம் அகலபெண்ணாகி ஆணாய், அலியாய் பிறங்கு ஒளிசேர்விண்ணாகி மண்ணாகி இத்தனையும் வேறாகிகண்ணார் அமுதமுமாய் நின்றான் கழல்பாடிபெண்ணே இப்பூம்புனல் பாய்ந்து ஆடேலோர் எம்பவாய்.விண்ணில் இறுமாந்து ஒளிர்ந்து கொண்டிருந்த நட்சத்திரங்கள் எல்லாம், பகலவனின் ஒளிக்கீற்று தோன்றிய மாத்திரத்திலேயே தாம் ஒளியிழந்து காணாமல் போகின்றன. அதேபோல் நம் தலைவனாம் அண்ணாமலை ஈசனின் பாதம் பணியும் தேவர்கள், அவர்கள் தலையில் அணிந்திருந்த மகுடங்களில் பதிக்கப்பெற்ற நவரத்தினங்கள் எல்லாமும், வெட்கம் கொண்டு, அந்த சிவப் பேரொளிக்கு முன்னால் தம் ஒளியை ஒளித்துக் கொள்கின்றன. தம் செல்வாக்கு, பதவி எல்லாம் இந்த அண்ணாமலையானுக்கு முன்னால் ஒளியிழந்த வெறும் கற்கள் போலத்தான் என்பதை அவர்கள் உணர்கிறார்கள். ஐயனின் திருவடி பணியும் முன்னால் செருக்கு அளித்த அந்த நவரத்தினங்கள், பணிந்த பிறகு செல்லாக்காசாகி விட்டன! அவனருள் அத்தனை பெரிய பொக்கிஷம்! நம் தெய்வம் ஆணானவன், பெண்ணானவன், அலியுமானவன். ஆமாம், ஆணாகிப் பெண்ணாகி நின்றவன். ஓர் உருவத்தானென்றாலும் ஆண், பெண் என இரு வடிவத்தினன். அவை இரண்டும், தானே என்பதுபோல அந்த உமையொரு பாகன் ஆண்மையும் பெண்மையும் கலந்து திகழ்கிறான். ஆமாம், நம் இறைவனைப் பொறுத்தவரை படைக்கப்பட்ட எந்த ஜீவனுக்கிடையேயும் வேறுபாடு கிடையாது; அனைத்தும் சமமே. தோற்றங்கள் மாறுபட்டாலும், அந்த உள்ளங்கள் அனைத்திலும் சமத்துவமே பொலிகிறது. அதனாலேயே வானமாகவும், பூமியாகவும், இவை இரண்டுமல்லாத பிரபஞ்சத்தின் பிற உலகங்களாகவும் அவர் திகழ்கிறார். கண்ணுக்கு இனிய அமுதம் போன்றவர் அவர். ஜல் ஜல் என ஒலித்து, தம் அடியார்களின் துயர்களையெல்லாம் விரட்டும் அழகுமிகு சிலம்பணிந்த அவரது பாதத்தை நம் மனதில் இருத்துவோம். மலர்கள் மொட்டவிழ்ந்து தாமும் நறுமண பக்தியை வெளியிடும் இந்தப் பொய்கையில், பரமனின் பொற்கமலப் பாதங்களைப் பணிந்து நீராடுவோம், வாருங்கள் தோழியரே..திருவெம்பாவை திருநோன்பு: 16 - இயற்கை எனும் பொக்கிஷம் எம் இறைவனின் அருட் பிரசாதம்!.திருவெம்பாவை திருநோன்பு: அனைத்து பகுதிகளையும் காண 'Click Here'.Click Here

திருவெம்பாவை திருநோன்பு: 18 - ஆணானவன், பெண்ணானவன், அலியுமானவன் அவனே!

Other Articles