கஸ்பேகி முதல் ஸ்வானெட்டி வரை: ஜார்ஜியாவின் கம்பீரமான காகசஸ் மலைப் பயணம்!

ஜார்ஜியாவில் (Georgia) காகசஸ் மலைகள் ஒரு அற்புதமான சுற்றுலா தலமாகும். குறிப்பாக கஸ்பேகி (Kazbegi), ஸ்வானெட்டி (Svaneti) போன்ற பகுதிகள் மலையேற்றம், இயற்கை அழகு, பழங்கால மடங்கள் மற்றும் கோட்டைகள் (Ananuri Fortress) ஆகியவற்றிற்காக மிகவும் பிரபலம். திபிலிசி நகரத்திலிருந்து வடக்கு நோக்கி பயணம் செய்தால் இந்த கம்பீரமான மலைகளின் காட்சிகளையும், ட்ரினிட்டி சர்ச் போன்ற சின்னங்களையும் காணலாம். இங்கு மலையேற்றம், ஸ்கீயிங், முகாம் போன்ற வெளிப்புற சாகசங்களைச் செய்யலாம்.

ஜார்ஜியா என்பது கிழக்கு ஐரோப்பாவிற்கும் மேற்கு ஆசியாவிற்கும் இடையே உள்ள காகசஸ் (Caucasus) பகுதியில், கருங்கடலின் கிழக்குக் கரையில் அமைந்துள்ள ஒரு நாடாகும். ஜார்ஜியாவின் காகசஸ் மலைத்தொடர், அதனுடைய மர்மமான பள்ளத்தாக்குகள் மற்றும் அற்புதமான குகைகளுக்கு பெயர் பெற்றது. ஐரோப்பிய பாணி நகரங்களான திபிலிசியின் பழைய நகரமும், காகசஸ் மலைகளும் இயற்கை எழில் நிரம்பியவை. கருங்கடல் கடற்கரையும் இங்கு உண்டு.

ஜார்ஜியாவின் காகசஸ் மலைகள், ஐரோப்பாவையும் ஆசியாவையும் இணைக்கும் பரந்த மலைத்தொடராகும். இது இரண்டு எல்லைப் பகுதியில் அமைந்துள்ளதால் இரு கண்டங்களின் கலாச்சார மற்றும் புவியியல் கூறுகளின் மர்மமான கலவையாக திகழ்கிறது. அதன் கம்பீரமான இயற்கை அழகுடன் பல மர்மங்களையும், புராணக்கதைகளையும், பழங்கால நாகரிகங்களின் எச்சங்களையும் கொண்டுள்ளது.

காகசஸ் மலைகளில் உள்ள முக்கிய சுற்றுலா தலங்கள்: 

கஸ்பேகியில் (Kazbegi/Stepantsminda) பார்க்க வேண்டியவை:

Gergeti Trinity Church: மவுண்ட் கஸ்பெக் பின்னணியில் உள்ள இந்த பழமையான தேவாலயம் பார்க்க வேண்டிய இடமாகும்.

மவுண்ட் கஸ்பெக் (Mount Kazbek) 5000 மீட்டருக்கும் மேல் உயரமுள்ள இந்த மலை, ஜார்ஜியாவின் மிக அழகான மலைகளில் ஒன்றாகும்.

அனானுரி கோட்டை (Ananuri Fortress) ஜினவாலி நீர்த்தேக்கத்தின் அருகில் அமைந்துள்ள அழகான கோட்டை.

ஸ்வானெட்டி(Svaneti) (Mestia, Ushguli):

பழங்கால கோபுரங்கள், பாரம்பரிய கட்டிடக்கலை மற்றும் கலாச்சார பாரம்பரியங்களை கொண்டுள்ளன. யுனெஸ்கோ உலக பாரம்பரிய தளம், அதன் தனித்துவமான கற்கோபுரங்கள் மற்றும் கம்பீரமான மலை காட்சிகளுக்கு பெயர் பெற்றது.

கும்ப்ல் (Gudauri):

குளிர்கால விளையாட்டு (ஸ்கீயிங்) மற்றும் மலையேற்றத்திற்கான ஒரு பிரபலமான ரிசார்ட் பகுதியாகும்.

டப்லிசி (Tbilisi):

தலைநகரில் இருந்து காகசஸ் மலைகளுக்கான பயணம் எளிது. திபிலிசிலியிலிருந்து ஒரு நாள் பயணமாகச் (one day trip) செல்லலாம்.

இங்கு மலையேற்றம் மற்றும் ட்ரெக்கிங், பனிச்சறுக்கு போன்றவை செய்ய ஏற்ற இடங்களாகும். கோட்டைகள் மற்றும் மடாலயங்களை பார்வையிடலாம். இயற்கை அழகை ரசிக்க ஏற்ற இடமிது. பார்வையிட சிறந்த நேரம் மே முதல் செப்டம்பர் வரை.

பெட்லெமி குகை (Petrelemi Cave) மர்மம்:

மவுண்ட் கஸ்பெக்கின் மிக உயரத்தில் அமைந்துள்ள பெட்லெமி குகை, நாட்டின் பொக்கிஷங்களை மறைத்து வைத்திருக்கும் இடமாக நம்பப்படுகிறது. மங்கோலிய படையெடுப்பின் போது, ஜார்ஜியாவின் பொக்கிஷங்கள் மற்றும் இளவரசர்கள் குதிரைகளுடன் இந்த குகையில் மறைத்து வைக்கப்பட்டதாக ஒரு நாட்டுப்புறக் கதை உள்ளது. இதன் மர்மம் இன்னும் நீடிக்கிறது. 

பழங்கால நாகரிகங்கள்: 

வட காகசஸ் பல நூற்றாண்டுகளாக படையெடுப்பாளர் களிடமிருந்து தப்பித்து, தனித்துவமான கலாச்சாரங்களையும், பழங்கால மொழிகளையும், மலையுச்சிகளில் கல்வீடுகளையும் பாதுகாத்து வருகிறது.

கடல் படிமங்கள்: 

காகசஸ் மலைகள் ஒரு காலத்தில் கடலின் அடியில் இருந்ததற்கான கடல் படிமங்கள் கண்டறியப்பட்டுள்ளன. இது அதன் புவியியல் மர்மங்களில் ஒன்றாகும்.

குறைந்த பட்ஜெட்டில் வெளிநாட்டை சுற்றிப் பார்க்க, விசா சலுகைகள், மலிவான தங்கும் இடங்கள் மற்றும் உணவு விடுதிகள் என பட்ஜெட் பயணத்திற்கு உகந்த இடமாகும்.