புளோரிடா (அமெரிக்கா) பயணக்கதை - 4 : படகு சவாரியும் பாராசூட் பயணமும்!

கீ வெஸ்ட் பீச் அன்று காலை அமைதியாக இருந்தது. அதிக அலைகள் இன்றி, ‘வெயிலுக்கு இதமாக என்னுள் வந்து குளிங்களேன்’ என்று கூப்பிடுவது போலிருந்தது.

image0.jpeg srinivas image

சிறிய பீச் என்றாலும், அதிக ஆழமும், அலைக்கழிக்கும் அலைகளும் இல்லை என்றாலே நமக்குச் சந்தோஷந்தானே!அருகிலேயே ரெஸ்ட் ரூமும், அங்கேயே உடை மாற்றிக் கொள்ள ஏதுவான சூழலும் உள்ளது. குடி நீருக்கான ஏற்பாட்டையும் செய்திருக்கிறார்கள்.

image1.jpeg srinivas image

குளிக்கும் இடத்தில் சுமார் 100 மீட்டர் தூரத்தில் அடையாள போஸ்ட் வைத்திருக்கிறார்கள். அதைத்தாண்டிப் போகாமல் இருப்பது நல்லது. அந்த நூறு மீட்டர் தூரமும் கழுத்தளவு ஆழமே உள்ளதால், குழந்தைகளுங்கூடப் பயமின்றிக் குளிக்கும் பீச்சாக இது உள்ளது. வருகின்ற அனைவருமே மணிக் கணக்கில் கடல் நீரில் நீச்சலடிப்பதும், நடுநடுவே கரையிலேறி நாற்காலியில் படுத்து வெயில் குளியலைஅனுபவிப்பதுமாகப் பொழுதை இனிமையாகப் போக்குகிறார்கள்.