உலகைச் சுற்றி வந்த அதிசயம்: தண்டவாளத்தில் பறக்கும் ஃப்ளையிங் ஸ்காட்ஸ்மேன்!

ஃப்ளையிங் ஸ்காட்ஸ்மேன் (Flying Scotsman) என்பது உலகப் புகழ்பெற்ற ஒரு பிரிட்டிஷ் நீராவி என்ஜின். இதன் தயாரிப்பு பெயர் (LNER வகுப்பு A3 எண் 60103) ஆகும். இது லண்டனுக்கும் எடின்பர்க்குக்கும் இடையே இயக்கப்பட்ட வரலாற்று சிறப்புமிக்க விரைவுப் பயணிகள் சேவையின் பெயரும் ஆகும்.

அதிகாரப்பூர்வமாக மணிக்கு 100 மைல் வேகத்தை (1934) எட்டிய முதல் நீராவி என்ஜின் மற்றும் லண்டன்-எடின்பர்க் இடையே இந்த நீராவி என்ஜின் 1989-ஆம் ஆண்டு 422 மைல் தூரம் இடைநில்லாமல் பயணித்து உலக சாதனை படைத்தது. மேலும் பயணிகளுக்காக ரயிலிலேயே ஒரு முடிதிருத்தும் கடையையும் கொண்டிருந்தது.

போர்க்காலத்தில் மாறிய நீராவி ரயில் நிறம்

எப்போதுமே ஆப்பிள் பச்சை நிறத்தில் இருக்கும் இந்த ரயில் இரண்டாம் உலகப் போரின்போது எதிரி விமானங்களின் பார்வையில் படாமல் இருப்பதற்காக இது முழுவதுமாக கருப்பு நிறத்தில் வர்ணம் பூசப்பட்டது. போர் முடிந்ததும், பின்னர் மீண்டும் பழைய பச்சை நிறத்திற்கு மாறியது. இடையில் கொஞ்ச காலம் நீல நிறத்தில் இயங்கியது.

இந்த நீராவி என்ஜின் அமெரிக்கா மற்றும் ஆஸ்திரேலியா முழுவதும் பயணித்து, உலகைச் சுற்றி வந்த மிகச் சில என்ஜின்களில் ஒன்றாகத் திகழ்கிறது.1929-ல் வெளியான பிரிட்டனின் முதல் பேசும் படங்களில் ஒன்றான 'தி ஃபிளையிங் ஸ்காட்ஸ்மேன்' திரைப்படத்தில் இந்த புகழ்பெற்ற இன்ஜின் முக்கிய கதாபாத்திரத்தில் நடித்தது. அதன் தனித்துவமான தோற்றமும் செழுமையான வரலாறும், ஜே.கே. ரௌலிங்கின் ஹாரி பாட்டர்தொடரில் வரும் 'ஹாக்வார்ட்ஸ்' எக்ஸ்பிரஸ் உருவாக்கத்திற்கு உத்வேகம் அளித்ததாகக் கூறப்படுகிறது .

ஃப்ளையிங் ஸ்காட்ஸ்மேன் 1963-ல் சேவையிலிருந்து விலக்கிக்கொள்ளப்பட்டது. பின்னர் அது, உலகைச் சுற்றி வந்த முதல் நீராவி இயந்திரம் என்ற பெருமையைப் பெற்றது. இறுதியாக, 2004-ல் லண்டன்யார்க்கில் (York)உள்ள தேசிய ரயில்வே அருங்காட்சியகத்தால் வாங்கப்பட்ட இது, கிழக்கு லங்காஷியர் பரோன் தளத்தில் புனரமைக்கப் பட்டது. £4.2 மில்லியன் மதிப்பிலான புனரமைப்புத் திட்டத்திற்குப் பிறகு 2016-ல் மீண்டும் தண்டவாளங் களுக்குத் திரும்பியது.

அதன் விரிவான புனரமைப்புக்குப் பிறகு, இந்த நீராவி என்ஜின் ஐக்கிய இராச்சியம் முழுவதும் உள்ள பாரம்பரிய ரயில் பாதைகளில் நிலையான காட்சிப்படுத்தல்கள் மற்றும் பயணிகள் உல்லாசப் பயணங்களுக்காக அடிக்கடி வலம் வருகிறது.

என்ஜின் அடிக்கடி பயணம் செய்வதால், அதற்கு நிரந்தரமான இருப்பிடம் இல்லை. அண்மையில் இந்த நீராவி ரயில் இன்ஜின் இங்கிலாந்து நாட்டின் புகழ்பெற்ற இர்வெல் ஆற்றின் பாலத்தின் மீது செல்லும் வகையில். தற்போது இந்த நீராவி ரயில் இன்ஜின் 12 மைல் பாரம்பரிய பயணத்தை தொடர ஹெவுட் மற்றும் ராடென்ஸ்டால் இடையே ஓடுகிறது.

ராடென்ஸ்டால் என்பது இங்கிலாந்தின் லங்காஷயரில் உள்ள ரோசென்டேல் பள்ளத்தாக்கில் அமைந்துள்ள ஒரு பரபரப்பான சந்தை நகரமாகும். ஹேவுட் (இங்கிலாந்து) கிரேட்டர் மான்செஸ்டர் (Greater Manchester) பகுதியில் அமைந்துள்ள ஒரு சிறிய தொழில் நகரமாகும்.

சுவிட்சர்லாந்தின் வரலாற்றுச் சிறப்புமிக்க ஃபுர்கா ரயில்:

சுவிட்சர்லாந்தில் உள்ள வரலாற்றுச் சிறப்புமிக்க ஃபுர்கா (Furkas steam railway) மலைப் பாதை தனது 100வது ஆண்டு விழாவை அன்மையில் கொண்டாடியது. 1926 ஆம் ஆண்டு ஜூலை மாதம் முதன்முதலாகத் தனது தொடர்ச்சியான பயணத்தை நிறைவு செய்த இந்த இரயில்வே, 2,431 மீட்டர் (7,975 அடி) உயரத்தில் உள்ள ஆல்ப்ஸ் மலைப் பாதைகள் வழியாகப் பயணிகளை ஏற்றிச் செல்ல, அழகாகப் புதுப்பிக்கப்பட்ட பழங்கால நீராவி என்ஜின்களைப் பயன்படுத்துகிறது. இந்த வரலாற்றுப் பாரம்பரியப் பாதை, கோடைக்காலத்தில் ரியால்ப் மற்றும் ஓபர்வால்ட் இடையே இயக்கப்படுகிறது.

ஃபுர்கா கணவாய், சுவிட்சர்லாந்தின் மிக உயரமான ஆல்பைன் கணவாய்களில் ஒன்றாகும். மேலும், 1964-ஆம் ஆண்டு ஜேம்ஸ் பாண்ட் திரைப்படமான "கோல்ட்ஃபிங்கர்"-இல் இடம் பெற்ற அதன் கொண்டை ஊசி வளைவுகளுக்காக இது புகழ்பெற்றது. ஆனால், 007 நடிகர் ஷான் கானரி அங்கு ஒரு திகிலூட்டும் கார் துரத்தல் காட்சியைப் படமாக்குவதற்குப் பல ஆண்டுகளுக்கு முன்பே, 1926-ஆம் ஆண்டு ஜூலை 3-ஆம் தேதி, ஒரு நீராவி ரயில் முதன்முதலாக அந்தச் செங்குத்தான மற்றும் வளைந்து நெளிந்த பாதையில் தொடர்ச்சியாகப் பயணித்தது. இது, மத்திய சுவிட்சர்லாந்தின் யூரி மற்றும் வாலைஸ் பகுதிகளுக்கு இடையே பல தசாப்தங்களாக நீடித்த ஒரு முக்கிய ரயில் இணைப்பைத் தொடங்கி வைத்தது.

1980களின் ஆரம்பத்தில், ஆல்ப்ஸ் மலையடிவாரத்தில் இருந்த ஒரு சுரங்கப்பாதை திறக்கப்பட்டதால் இந்த மலைப்பாதை மூடப்பட்டது. பின்னர் தன்னார்வலர்கள் தலையிட்டால், இந்தத் தடத்தின் முதல் பகுதி 1992-ல் ஒரு பாரம்பரிய இரயில் பாதையாக மீண்டும் திறக்கப்பட்டது, மேலும் 18 கிலோ மீட்டர் (11 மைல்) நீளமுள்ள இந்தத் தடம் 2010-ல் பயணத்திற்குத் தயாரானது.

தற்போது இந்த நீராவி இரயில்கள், கோடை காலங்களில் ரியால்ப் மற்றும் ஓபர்வால்ட் நிலையங்களுக்கு இடையே பிரத்தியேகமாக ஒரு சுற்றுலா ஈர்ப்பாக இயக்கப் படுகின்றன. இங்கு பார்வையாளர்கள் பழங்காலப் பெட்டிகளில் ஏறி, ஆறுகள், ஆல்பைன் புல்வெளிகள் மற்றும் பனித் திட்டுகள் இன்னும் காணப்படும் பசுமையான மேய்ச்சல் நிலங்களின் காட்சிகளைக் கண்டு வியக்கலாம்.

இந்தத் தகவல்களை அறிந்துகொள்வதன் மூலம், ஒரு இயந்திரம் வெறும் இரும்பினால் ஆனது மட்டுமல்ல, அது ஒரு நாட்டின் கலாச்சாரம் மற்றும் தொழில்நுட்ப வளர்ச்சியின் சின்னம் என்பதை உணர்ந்து, தொழில்நுட்ப வரலாற்றின் மீதான உங்கள் அறிவை வளர்த்துக் கொள்ளலாம்.