தமிழ்நாட்டில் இருந்தாலும் கேரளா வசமிருக்கும் பிரம்மாண்ட அரண்மனை: 64 மூலிகைக் கட்டிலின் ரகசியம்!

ஆசியாவின் மிகப்பெரிய மர அரண்மனைகளில் ஒன்றான, கன்னியாகுமரி மாவட்டத்தில் உள்ள 17 ஆம் நூற்றாண்டைச் சேர்ந்த பத்மநாபபுரம் அரண்மனை, கேரள மாநில தொல்லியல் துறையால் பாதுகாக்கப்பட்டுப் பராமரிக்கப்படும் ஒரு நினைவுச்சின்னமாகும்.

இந்த அரண்மனை வளாகம் 185 ஏக்கரில் மேற்கு தொடா்ச்சிமலை அடிவாரத்தில் உள்ள வேலி மலையில் உள்ளது. இது கேரளாவின் தலைநகா் திருவனந்தபுரத்தில் இருந்து 52 கி.மீ. தொலைவிலும், கன்னியாகுமரி மாவட்டத்தில் உள்ள தக்கலையிலிருந்து 2 கி.மீ. தொலைவிலும் உள்ளது.

கி.பி.1592 – 1609 ல் திருவாங்கூரை ஆண்ட இரவி வா்மா குலசேகரபெருமாள் என்ற மன்னரால் கி.பி. 1601 ல் கட்டப்பட்டது தான் பத்மநாபபுரம் அரண்மனை. கல் மற்றும் மரத்தைப் பயன்படுத்தி, கேரளாவின் தனித்துவமான கட்டிடக்கலைப் பாணியில் கட்டப்பட்டுள்ளது. திருவாங்கூா் மன்னா்களின் ராஜிய உறைவிடமாக இந்த அரண்மனை திகழ்ந்தது.

பழங்காலத்தில் 'கால்குளத்து கொய்க்கல்' என்று அழைக்கப்பட்ட இந்த பிரம்மாண்டமான அரண்மனையின் மையப்பகுதி, கி.பி. 1601-ஆம் ஆண்டில் உருவானது. 1592 முதல் 1609 வரை வேணாட்டை ஆண்ட இரவி வர்மா குலசேகரப் பெருமாளின் தொலைநோக்குப் பார்வையே இந்த அரண்மனையின் ஆரம்பக்கட்ட அஸ்திவாரங்களுக்கு வித்திட்டது.

இந்த அரண்மனை, முழுவதுமாக தேக்கு மரங்கள் மற்றும் சுண்ணாம்புச் சாந்து போன்ற உள்ளூரில் கிடைக்கும் பொருட்களைக் கொண்டு பாரம்பரிய கேரள கட்டிடக்கலை முறையில் உருவாக்கப்பட்டுள்ளது. மூலிகைகள் மற்றும் பாதுகாக்கப்பட்ட பொருட்களின் கலவையைக் கொண்டு தரை அமைக்கப்பட்டது. 15-க்கும் மேற்பட்ட தனித்தனி கட்டமைப்புகளைக் கொண்ட இந்த அரண்மனை, சுமார் 150 அரச குடும்பத்தினர், பரிவாரங்கள் மற்றும் பொதுமக்கள் குழுவினரின் சுமையைத் தாங்கும் திறன் கொண்டிருந்தது.

இருப்பினும், மன்னர் மார்த்தாண்ட வர்மாவின் ஆட்சிக்காலத்தில்தான் இந்த அரண்மனை உண்மையாகவே செழித்தது. நவீன திருவாங்கூரை வடிவமைத்த மார்த்தாண்ட வா்மா, மரத்தாலான நவராத்திரி மண்டபத்தை கற்களால் மாற்றி அமைத்தார். 1744 ல் பெருமாள் கொட்டாரம் என்னும் 4 அடுக்கு உப்பரிகை மாளிகையையும் புதுப்பித்து வடிவமைத்தார்.

மார்த்தாண்ட வர்மா, சுமார் 1750-ல் இந்த அரண்மனையைப் புனரமைத்தார். கருவூலம் முதல் படுக்கையறைகள், அரச குடும்பத்தினரின் பிரார்த்தனை அறைகள் வரை, ஒரு மன்னரின் அரண்மனையில் இருந்த அனைத்து அறைகளையும் இங்கே காணலாம். அவை அனைத்தும் இன்றுவரை நன்கு பாதுகாக்கப்பட்டுள்ளன.

மேலும், அவர் இந்த கட்டிடக்கலை அற்புதத்தை, அரச குடும்பத்தினரால் போற்றப்படும் தெய்வமான பத்மநாப சுவாமிக்கு அர்ப்பணித்தார். அன்று முதல், இந்த அரண்மனை பத்மநாபபுரம் அரண்மனை என்ற பெயரைப் பெருமையுடன் தாங்கி வருகிறது.1795-ல் திருவனந்தபுரம் புதிய தலைநகராக அறிவிக்கப்படும் வரை, பத்மநாபபுரம் திருவிதாங்கூர் இராச்சியத்தின் தலைநகராக விளங்கியது.

1934-ல், திருவிதாங்கூரின் கடைசி மகாராஜாவான ஸ்ரீ சித்திர திருநாள் பாலராம வர்மா, ராணி தாயாரான சேது பார்வதி பாய், மற்றும் திவான் சர் சி.பி. ராமசுவாமி ஐயர் ஆகியோர் கூட்டாக இணைந்து, திருவிதாங்கூர் அரசின் கலை ஆலோசகரான ஜே.எச். கசின்ஸ் மற்றும் தொல்லியல் துறையின் தலைவரான ஆர். வாசுதேவ பொதுவால் ஆகியோரின் கவனத்திற்கு இந்த அரண்மனையைக் கொண்டு வந்தனர். அதன் காரணமாக இந்த அரண்மனை 1935-ல் ஒரு அருங்காட்சியக வளாகமாக மாற்றப்பட்டது. 1940 ல் பல்வேறு பகுதிகளிலும் பாரம்பரிய உத்திகளின்படி புதுப்பிக்கப்பட்டது.

இந்த அரண்மனையின் அருங்காட்சியகத்தில் பாரம்பரிய பொருட்கள் கல்வெட்டுக்கள், செப்புத் தகடுகள், கல் மற்றும் மரத்தால் ஆன சிற்பங்கள், நாணயங்கள் மற்றும் படைக்கலன்கள் காட்சிக்கு வைக்கப்பட்டுள்ளன. மாநில மறுசீரமைப்பு சட்டம் 1956ன்படி இந்த அரண்மனை கேரள அரசின் ஆளுகைக்கு மாறியது. தற்போது தமிழ்நாட்டில் இருந்தாலும், இதன் பராமரிப்பு மற்றும் நிர்வாகம் கேரள அரசு வசம் உள்ளது. 1994ல் இந்த அருங்காட்சியகம் புதிதாக கட்டப்பட்ட கட்டிடத்திற்கு மாற்றப்பட்டது.

தற்போது தமிழ்நாட்டில் இருந்தாலும், இதன் பராமரிப்பு மற்றும் நிர்வாகம் கேரள அரசு வசம் உள்ளது. 1994ல் இந்த அருங்காட்சியகம் புதிதாக கட்டப்பட்ட கட்டிடத்திற்கு மாற்றப்பட்டது.

5 ஏக்கர் நிலப்பரப்பில் பரந்து விரிந்துள்ள பத்மநாபபுரம் அரண்மனை, ஆசியாவின் மிகப்பெரிய மர அரண்மனைகளில் ஒன்று என்ற பெருமையைப் பெற்றுள்ளது. அதன் பரந்து விரிந்த வளாகத்திற்குள், நுணுக்கமான மற்றும் சிக்கலான மர வேலைப்பாடுகள் மற்றும் சிற்பங்களால் அலங்கரிக்கப்பட்ட 15 கட்டிடங்களைக் காணலாம்; இவை ஒவ்வொன்றும் அந்த காலகட்டத்தின் கலைத்திறனுக்குச் சான்றாக விளங்குகின்றன.

இந்த அரண்மனையின் முக்கிய பகுதிகள் – பூமுகம் (நுழைவு மண்டபம்), மந்திர சாலை (அவை மண்டபம்), மணிமேடை(மணிக்கூண்டு), நாடக சாலை (கதகளி நடனம் ஆடும் இடம்),

ஊத்துபுரம் (உணவுக் கூடம்),ஒரே நேரத்தில் இரண்டாயிரம் பேர் அமர்ந்து உணவு உண்ணும் மிகப்பெரிய உணவூட்டக் கூடம் இது என்பது குறிப்பிடத்தக்கது.

தாய்க் கொட்டாரம்: ரவி வர்மாவால் 1601 ஆம் ஆண்டு கட்டப்பட்டது என்றாலும், தற்போது உள்ள முழு அரண்மனையும் அவரால் கட்டப்பட்டதல்ல. அரண்மனையின் முகப்பில் இருக்கும் தாய் கொட்டாரம் என அழைக்கப்படும் பகுதி மட்டுமே அவரால் கப்பட்டடதாக கூறப்படுகிறது.

உப்பரிகை மாளிகை (அடுக்கு மாளிகை அரசர் அறை): 64 வகையான மூலிகைகள் மற்றும் மருத்துவ மரங்களால் செய்யப்பட்ட அரச கட்டில் மற்றும் 18-ஆம் நூற்றாண்டு சுவரோவியங்கள் இதன் தனித்திறமையாகும்.

கண்ணாடி தளம், நவராத்திரி மண்டபம், இந்திர விலாசம் மற்றும் சந்திர விலாசம் போன்றவை உள்ளது.

அரண்மனை பார்வை நேரம் – செவ்வாய் – ஞாயிறு காலை 9.00 மணி முதல் மாலை 4.30 மணி வரை. விடுமுறை – திங்கள் கிழமைகள் மற்றும் தேசிய விடுமுறை தினங்கள். அரண்மனை வளாகத்தில் காலணிகளுடன் செல்ல அனுமதி இல்லை.

பத்மநாபபுரம் அரண்மனை தற்போது இரு மாநிலங்களுக்கு இடையே இடிபாடும் ஒரு அரண்மனை. காரணம், அரண்மனை அமைந்துள்ள 6.5 ஏக்கர் நிலப்பரப்பின் மீது மட்டுமே தொல்லியல் துறைக்கு அதிகார வரம்பு உள்ளது. அரண்மனைச் சுவர்களுக்கு வெளியே உள்ள அனைத்தும் தமிழ்நாடு அரசின் அதிகார வரம்பிற்குள் வருகின்றன. நினைவுச்சின்னத்திற்கு வெளியே முளைத்துள்ள பல்வேறு நினைவுப் பொருள் கடைகள், உணவகங்கள் மற்றும் வணிக நிறுவனங்கள், அத்துடன் அரண்மனையை ஒட்டியுள்ள, தற்போது பாழடைந்த நிலையில் உள்ள 284 ஆண்டுகள் பழமையான கல்குளம் கோட்டையின் பகுதிகளும் இதில் அடங்கும்.

ஆண்டுக்கு அறுநூறு பார்வையாளர்கள், அதிலும் குறிப்பாக கோடை விடுமுறை காலங்களில் ஒரு நாளைக்கு 1,000க்கும் மேற்பட்டோர் வருவதால், இந்த திருவிதாங்கூர் கால பாரம்பரியக் கட்டிடம், சுற்றுலாவின் அழுத்தத்தால் தள்ளாடுகிறது. இந்த அரண்மனை நுழைவுச்சீட்டு விற்பனை மூலம் ஆண்டுக்கு 2 கோடி ரூபாய் வருமானம் வருகிறது.

அரச குடும்பத்தினரின் பிரார்த்தனை அறையாகப் பயன்படுத்தப்பட்டதும், சுவரோவியங்கள் கொண்ட கோபுரத்தைக் கொண்டதுமான உப்பரிகை மாளிகையைத் தவிர, அரண்மனையின் ஏறக்குறைய அனைத்துப் பகுதிகளும் பொதுமக்களின் பார்வைக்குத் திறக்கப்பட்டுள்ளது.

இந்த கட்டுரை மூலம் வாசகர்கள், கன்னியாகுமரியில் உள்ள பத்மநாபபுரம் அரண்மனை ஏன் தமிழக எல்லைக்குள் இருந்தும் கேரள அரசால் பராமரிக்கப்படுகிறது என்பதற்கான வரலாற்று மற்றும் சட்டப்பூர்வக் காரணங்களையும், அதன் 64 மூலிகைக் கட்டில் போன்ற தனித்துவமான கட்டிடக்கலை அதிசயங்களையும் தெளிவாக அறிந்து கொள்வார்.