ஜூன் மாசம் முடிவதற்குள் இந்த 5 இடங்களை பார்க்கலைன்னா ரொம்ப ஃபீல் பண்ணுவீங்க

June travel destinations: ஜூன் மாதம் வந்துவிட்டாலே ஊரில் உள்ள அத்தனை வெயிலும் நம் வீட்டு மொட்டை மாடியில் தான் கொட்டுகிறதோ என்ற ஒரு எண்ணம் நமக்கு தோன்றும். Fan, AC என எதைப் போட்டாலும் அந்த அனல் காற்றிலிருந்து தப்பிக்கவே முடியாது. இப்படிப்பட்ட சுட்டெரிக்கும் நேரங்களில் நாம் அனைவரின் மனதிலும் தோன்றும் ஒரே ஆசை, எங்காவது ஒரு குளிர்ந்த இடத்திற்கு பேக்கை தூக்கிக்கொண்டு கிளம்ப வேண்டும் என்பதுதான். 

இந்தியாவின் வானிலை ஜூன் மாதத்தில் ஒரு அற்புதமாக மாறும். சில இடங்களில் பருவமழை தொடங்கும், சில மலைகளில் சில்லென்ற காற்று வீசும். அப்படி வெயிலில் தவிக்கும் நாம் இந்த ஜூன் மாதத்தில் கட்டாயம் விசிட் செய்ய வேண்டிய 5 சூப்பரான ஸ்பாட்டுகள் என்னென்ன என்பது பற்றி இப்போது பார்க்கலாம்.

1. ரிஷிகேஷ் (Rishikesh)!

சாகசங்களும் அமைதியும் ஒன்றாக கிடைக்கும் ஒரு அட்டகாசமான இடம்தான் ரிஷிகேஷ். பனி உருகுவதால் கங்கை நதியில் இந்த மாதம் முழுவதும் தண்ணீர் கரைபுரண்டு ஓடும். நண்பர்களுடன் சேர்ந்து ஆற்றில் ராஃப்டிங் செய்ய இதுவே மிக சரியான நேரம்.

பகல் முழுவதும் தண்ணீரில் விளையாடிவிட்டு, மாலை நேரத்தில் ஆற்றங்கரையில் டென்ட் அமைத்து தங்குவது வாழ்க்கையில் மறக்க முடியாத அனுபவமாக இருக்கும். மனதிற்கு அமைதி தேடுபவர்கள் அங்குள்ள யோகா மையங்களுக்கும் சிறிய கஃபேக்களுக்கும் செல்லலாம்.

2. சத்புரா புலிகள் காப்பகம் (Satpura Tiger Reserve)!

காடுகளின் உண்மையான அழகை பார்க்க மத்திய இந்தியாவில் உள்ள சத்புரா காப்பகம் செல்வது சிறந்த சாய்ஸ். வறண்ட காடு என்பதால் தண்ணீர் தேடி அனைத்து விலங்குகளும் ஒரே இடத்தில் கூட்டமாக வரும். இதை நாம் மிக அருகில் இருந்து பார்க்கலாம்.

இங்கு ஜீப் சவாரியை தாண்டி, நடந்துகொண்டே காட்டை சுற்றும் வாக்கிங் சஃபாரி மற்றும் ஆற்றில் படகு சவாரி என இரண்டுமே உள்ளது. தூரத்தில் ஒரு மான் கூட்டம் தண்ணீர் குடிப்பதை நேரில் பார்ப்பது ஒரு த்ரில்லான அனுபவத்தை தரும்.

3. கலிம்போங் (Kalimpong)!

கூட்ட நெரிசல் இல்லாமல் ஒரு அமைதியான ட்ரிப் அடிக்க கலிம்போங் தான் பெஸ்ட். பருவமழை தொடங்கும் இந்த மாதத்தில் அந்த ஊரே ஒரு பச்சை நிற போர்வையை போர்த்தியது போல காட்சியளிக்கும். எந்த ஒரு அவசரமும் இல்லாமல், காற்றில் மிதக்கும் பனிமூட்டத்தை ரசித்தபடி பழைய காலத்து பங்களாக்களில் தங்குவது ஒரு வித்தியாசமான உணர்வைக் கொடுக்கும்.

4. பின்சார் (Binsar)!

உத்தரகாண்டில் உள்ள இந்த பின்சார் மலைப்பகுதி மிகவும் அமைதியான ஒரு சொர்க்கம். மழையும் அவ்வளவாக இருக்காது, அதே சமயம் மக்கள் கூட்டமும் பெரிய அளவில் இருக்காது. காலையில் இமயமலை சிகரங்களை மிக தெளிவாக இங்கிருந்து பார்க்கலாம். காட்டுக்குள் ட்ரெக்கிங் செல்ல விரும்புபவர்களுக்கு இது ஒரு அருமையான லொகேஷன்.

5. மாண்டு (Mandu)!

மத்தியப் பிரதேசத்தில் உள்ள மாண்டு என்ற இடம் மழைக்காலத்தில் ஒரு மாயாஜால உலகமாகவே மாறிவிடும். காய்ந்துபோன பழைய கட்டிடங்கள் மீது பச்சை பசேலென செடிகள் முளைத்து பார்ப்பதற்கே கண்கொள்ளாக் காட்சியாக இருக்கும். இங்குள்ள அரண்மனைகளை சுற்றி மழைநீர் தேங்கி நிற்கும் போது, அந்த கப்பல் அரண்மனை தண்ணீரில் மிதப்பது போல தோன்றும்.

ஜூன் மாத கொளுத்தும் வெயிலில் இருந்து தப்பிக்கவும், வாழ்க்கையில் ஒரு நல்ல பிரேக் எடுக்கவும் இந்த இடங்கள் உங்களுக்கு மிகப்பெரிய அளவில் உதவும். உடனடியாக உங்களின் பேக்கை எடுத்துக்கொண்டு இந்த அட்டகாசமான இடங்களுக்கு ஒரு மறக்க முடியாத பயணத்தைத் தொடங்குங்கள்.