திருப்பள்ளியெழுச்சி: 3 - எம்பெருமானே... எங்களை ஆட்கொள்ள துயில் எழுவீர்களாக!

திருப்பள்ளியெழுச்சி: 2 - பிறவா வரம் தருவாய், பரம்பொருளே!.கூவின பூங்குயில், கூவின கோழி, சருகுகள் இயம்பின இயம்பின சங்கம்ஓவின தாரகை ஒளி, ஒளி உதயத்து ஒருப்படுகின்றது விருப்பொடு நமக்குதேவ! நற்செறி கழல் தாளிணை காட்டாய் திருப்பெருந்துறையுறை சிவபெருமானேயாவரும் அறிவரியாய் எமக்கெளியாய் எம்பெருமான் பள்ளி எழுந்தருளாயே.திருப்பெருந்துறையில் பேரருள் புரியும் எம்பெருமானே, அதோ குயில்கள் இன்னிசையாய் கூவுகின்றன, சேவற்கோழிகளும் குரலெழுப்புகின்றன. சருகுப் பறவைகளும் கீச்சு கீச்சென கிரீச்சிடுகின்றன. தெய்வத் திருத்தலங்களிலிருந்து சங்குகள் முழங்குகின்றன. இதெல்லாம் எதற்கான சங்கேதங்கள்? அதோ சூரியன் உதித்து வருகிறானே அவனை வரவேற்கும் இயற்கைக் கோலங்கள்தான் இவை. உலகின் இருள் நீக்கி ஒளி பெருக்க வரும் ஆதவனின் வருகைக்கு நன்றியாய் ஒலிக்கும் கட்டியங்கள் இவை. கதிரவனின் பேரொளிக்கு முன்னால் தாம் எம்மாத்திரம் என்று வெட்கப்பட்ட நட்சத்திரங்கள் தம்மை ஒளித்துக் கொண்டு விட்டன. அல்லது எங்கும் வியாபித்திருக்கும் அந்த ஒளியோடு தாமும் ஐக்கியமாகி விட்டன. நாங்களும் உம் அருளாகிய அந்த ஒளியை விரும்பித்தான் வந்திருக்கிறோம். ஆமாம், உம் அருள் ஒளி முன்னால் எந்தப் பகட்டும் பிரகாசிக்க முடியாது என்ற உண்மையை உணர்ந்திருக்கும் நாங்கள் அந்த ஒளியை மட்டுமே தரிசிக்க வந்திருக்கிறோம். நாங்கள் மனம் ஒன்றி உம்மை வணங்குகிறோம். எங்கள் சிந்தனை சிதறிவிடாதபடி நீங்கள்தான் ஒருங்கிணைக்க வேண்டும் எங்கள் ஐயனே. எங்கள் பார்வை உம்மீதே நிலைத்திருக்க வேண்டும், எங்கள் காதுகள் உம் திருநாமமே கேட்க வேண்டும். எங்கள் நாசியும் உம் சுகந்த நறுமணத்தை மட்டுமே சுவாசிக்க வேண்டும். எங்கள் நா உம் புகழை மட்டுமே பாட வேண்டும். உம் தரிசனத்தால் மட்டுமே எங்கள் மேனி சிலிர்க்க வேண்டும். எல்லாவற்றிற்கும் மேலாக, இந்தப் புலன்களை தறிகெட்டோடச் செய்யும் எங்கள் மனதையும், உம் திருநாமக் கடிவாளத்தால் கட்டிப் போட்டு அருளுங்கள் எம் தலைவனே. உங்கள் திருவடி தரிசனமே எங்கள் பாக்கியம். தேவர்களாலும் அறிய முடியாத அந்தப் பொற்பாதங்களை எங்களுக்குக் காட்டி அருளுங்கள். எல்லோருக்கும் எளிமையாய் காட்சி தருபவரே, எங்களை ஆட்கொள்ள துயில் எழுவீர்களாக..திருப்பள்ளியெழுச்சி: 1 - திருப்பெருந்துறை ஆத்மநாதரே, அருள் செய்வீரே!.திருவெம்பாவை திருநோன்பு (திருப்பள்ளியெழுச்சி): அனைத்து பகுதிகளையும் காண 'Click Here'.Click Here

திருப்பள்ளியெழுச்சி: 3 - எம்பெருமானே... எங்களை ஆட்கொள்ள துயில் எழுவீர்களாக!

Other Articles