கொஞ்சம் சிரிங்க பாஸ்

வாசகர் ஜோக்ஸ்

ஓவியம் : ரஜினி

"உன் மாமனார் உன்னோட பிறந்தநாள் பரிசாக கார் வாங்கித் தந்தும் ஏன் வெளியே எடுப்பதே இல்லை?"

"அட, பெட்ரோல் வாங்கித் தந்தாலும் பரவாயில்லை… காரை நான் வாங்கியிருப்பனே?"

– சி.ஆர். ஹரிஹரன், கேரளா

"அப்படி என்னய்யா நியூஸ் போட்டிருக்காங்க? படிச்சிட்டு சிரிப்பா சிரிக்கிறே…"

"2026ல் தமிழகத்தில் பி.ஜே.பி. ஆட்சியைப் பிடிக்கும்னு ஒரு தலைவர் பேசியிருக்கார்."

– ராஜிராதா, பெங்களூரு

"தலைவருக்கு அஜீரணக் கோளாறு எப்படி வந்துச்சு? நேத்து ஏதாவது விருந்துக்குப் போனாரா?"

"இல்லை… உண்ணாவிரதப் போராட்டத்துக்குப் போனாராம்."

                  – நிலா, திருச்சி

"தலைவர் வாக்குறுதிதான் கொடுத்தாச்சே… அப்புறம் என்ன கேட்கறீங்க?"

"கொடுத்த வாக்குறுதிகளை நிறைவேத்துவேன்னு உறுதிமொழி எழுதி தரணுமாம்."

– எஸ்.மோகன், கோவில்பட்டி

"சாப்பாட்டுக்கே லாட்டரி அடிக்கறதா சொல்றீயே… அப்புறம் எப்படி இவ்ளோ சொத்து சேர்த்தே?"

"அதான் சொன்னேனே? லாட்டரி அடிக்கறேன்னு. ஆல் கேரளா டிஸ்ட்ரிபியூசன் சார்."

– சென்னிமலை சி.பி. செந்தில்குமார், ஈரோடு

பெண் பார்க்கும் இடத்தில்:

 "பொண்ணு வீட்டுக்காரங்களுக்கு நம்பளையும் மாப்பிள்ளையையும்  பிடிச்சுப்போச்சு போலிருக்கு…"

 "எப்படிச் சொல்றீங்க?"

"சொஜ்ஜி  கிண்டுற வாசம் வருதே!"                             – வி.ரேவதி, தஞ்சை