ஜோக்ஸ்: விலையைக் கேட்டா எனக்கு கடுப்பா இருக்குமே!

ஏங்க, என்னோட பிறந்தநாளுக்கு பட்டுப்புடவை வாங்கித்தாங்க, அதைக் கட்டிக்கிட்டா எனக்கு எடுப்பா இருக்கும். 

ஆனா அதனோட விலையைக் கேட்டா எனக்கு கடுப்பா இருக்குமே!

**************************

வீட்டுல திருட்டு பயம் இல்லாம இருக்க ஒரு நாயை வாங்கினேன்!

அப்புறம்?

வீட்டுக்கு திருட வந்தவன் அந்த நாயை திருடிக்கிட்டுப் போயிட்டான்!

**************************

ரேஷன் கடைக்காரரை கல்யாணம் செஞ்சுக்கிட்டது தப்பாப் போச்சு!

என்னாச்சுடி?

எப்பவும் என்னைக் குறைச்சுத்தான் எடை போடறார்!

**************************

வயிறு எரியுது டாக்டர்!

எப்ப இருந்து?

உங்க டிரீட்மென்ட் பில்லை பார்த்ததிலிருந்து!

**************************

பல் டாக்டர்  பொண்ணு கல்யாணத்துக்குப் போனது தப்பாப் போச்சு!

என்னாச்சு?

மொய் வைக்கலேன்னா பல்லைத் தட்டிடுவேன்னு பயமுறுத்தினார்!

**************************

நான் இவ்வளவு நகைச்சுவையாக பேசியும் கூட்டம் கை தட்டலையே,ஏன்யா?

கூட்டத்துக்கு  உங்க ஏஜென்ட் கூட்டிக் கிட்டு வந்தவங்களெல்லாம் பீகார் மாநில தொழிலாளிங்க தலைவரே!

**************************

எங்க பக்கத்து வீட்டுக்காரங்க ரொம்ப மாடர்ன் டைப்!

எப்படிச் சொல்றே மாலா?

எலிப் பொறியில கூடப் பீட்ஸாவும் பர்கரும்தான் வைப்பாங்க!

**************************

மகாராணியோட உடம்பு எடை 400 கிலோ இருக்காம் மன்னா!

அரண்மனை வைத்தியர் சொன்னாரா அமைச்சரே?

பல்லக்கு தூக்கிகள் சொன்னாங்க!

**************************

டாக்டர் இருக்காரா?

இல்லைங்க, அவர் ஒரு காரியமா சென்னை போயிருக்கார்!

ஆபரேஷன் மட்டும்தான் பண்ணுவார் னு நினைச்சேன், இப்ப, காரியம் கூட பண்ண ஆரம்பிச்சுட்டாரா?

**************************

பொண்ணைப் பார்த்துட்டுப்போன டாக்டர் மாப்பிள்ளை என்ன சொன்னார்?

24 மணி நேரம் கழிச்சுத்தான் எதையும் உறுதியாக சொல்ல முடியும்னுதான்!

**************************

பேங்க் திறப்பு விழாவுக்கு தலைவரை கூப்பிட்டது தப்பாப் போச்சு!

என்னாச்சு?

சாவியைப் போட்டு திறக்கணுமா, இல்ல பூட்டை உடைக்கணுமான்னு கேட்கிறாரு!