''காக்கா கத்தினப்பத்தான் தலைவர் வீட்ல ரெய்டு'' நடந்துதாம்!

உங்க மாமியார் ஊர்ல இருந்து வந்திருக்காங்களா தாயீ?

எப்படிக் கண்டுபிடிச்சே ராப்பிச்சை?

ஊசிப்போன உப்புமாவும், மீந்துபோன பழைய சாதமும் தர்றீங்களே?

***********************************

காக்கா கத்தினா விருந்தாளிங்க வருவாங்கன்னு சொன்னதுக்கு தலைவர் ஏன் பயந்து நடுங்குறார்?

போன தடவை காக்கா கத்தினப்பத்தான் தலைவர் வீட்ல ரெய்டு நடந்துதாம்!

***********************************

தலைவரே! நீங்க டாக்டருக்கு கொடுத்த செக் திரும்பி வந்துடுச்சு!

பேங்க் அக்கௌன்ட்ல பணம் இல்லைன்னா?

அந்தப் பேர்ல பேங்கே இல்லையாம்!

***********************************

நம்ம தலைவருக்கும் எதிர்க்கட்சித் தலைவருக்கும் ஒரு விஷயத்துல ஒற்றுமை இருக்கு!

என்ன ஒற்றுமை?

ரெண்டு பேரும் சீர்திருத்த பள்ளியில ஒண்ணா படிச்சவங்களாம்!

***********************************

தலைவர் ஏன் சுயசரிதையை யாருக்கும் புரியாதமாதிரி எழுதியிருக்கார்?

புரியறமாதிரி எழுதினா கோர்ட், கேஸ்னு அலையவேண்டி வருமே!

***********************************

ஊழல் கறைபடியாத கட்சிதான் வரப்போற தேர்தல்ல ஆட்சிக்கு வரும் தலைவரே!

அப்ப நம்ம கட்சி ஆட்சிக்கு வராதுன்னு சொல்றியா?

***********************************

எதிரி உங்களைக் கடத்திக் கொண்டு போற மாதிரி கனவு கண்டேன் மகாராணி!

அது கனவுதானே மன்னா அதுக்குப்போய் ஏன் இவ்வளவு வருத்தப்படறீங்க மன்னா?

அது கனவு ஆயிடுச்சேன்னுதான்!

***********************************

பொண்ணு ரொம்ப சுமாராத்தான் இருப்பாளா தரகரே?

எதுக்கு கேட்கறீங்க?

மாப்பிள்ளையோட ஆதார் அட்டை யிலிருக்கிற போட்டோவைப் பார்த்தே மாப்பிள்ளையை ரொம்ப பிடிச்சிருக்குன்னு சொல்றாளே!