உடலில் அன்றாடம் ஓடியாடி வேலை செய்வதற்கு ( சும்மா ஒரு பேச்சுக்குச் சொன்னேன் ) கலோரிகள் தேவைப்படுகிறது. கலோரிகள் எரிக்க வில்லை என்றால் அடுத்தமுறை உங்கள் சொந்தங்களின் “இப்ப பூசினமாதிரி இருக்க" என்று நலம் விசாரித்தால் கூடிய சீக்கிரம் "என்ன பூசனி மாதிரி இருக்க" என்று மாறுவதற்குச் சாத்தியக்கூறுகள் இருக்கிறது. ( கலோரி என்பது ஒரு கிராம் தண்ணீரை ஒரு டிகிரி சென்டிகிரேட் சூடாக்கத் தேவைப்படும் உஷ்ணச் சக்தி )“வாக்கிங் போங்க என்றால் எங்கே கேட்கிறார். சதா சர்வ காலமும் ஓடிடியில படம்தான் பார்க்கிறார்” என்று உங்கள் மனைவி சொன்னால் கவலைப்படாதீர்கள். திகில் படம் பார்த்தால் நம்முடைய நாடி நரம்பு எல்லாம் ஓவராக வேலை செய்கிறது, அதனால் ரத்த ஓட்டம் அதிகரிக்கிறது,அதிக அட்ரீனலின் என்ற ஹார்மோன் உற்பத்தி ஆகிறது. இதனால் பசி குறைந்து, Basal Metabolic Rate (சும்மா படுக்கையில் நாள் முழுவதும் படுத்துக்கொண்டே கலோரிகளை எரிப்பது!) அதிகமாகி நிறைய கலோரிகள் எரிக்கப்படுகிறது.ஆல்பிரட் ஹிட்ச்காக் படங்கள் இரண்டு பார்த்தால் போதும் காலரிகளை எரித்துவிடலாம். பல வருடங்கள் முன் சென்னை கமலா தியேட்டரில் அல்பிரட் ஹிட்ச்காக்கின் "ஸ்ட்ரேஞ்சர்ஸ் ஆன் தி ட்ரைன்" [Strangers on the Train (1951)] என்ற படத்தைப் பார்த்தேன். முன்பின் தெரியாத இரண்டு பேர் சந்தித்துப் பேசிக்கொண்டு இருக்கும்போது, "சரி உங்க மனைவியை நான் கொலை செய்கிறேன், நீங்க எங்க அப்பாவை செய்யுங்க, இரண்டு பேருக்கும் மோடிவ் கிடையாது, அதனால் கண்டுபிடிக்க முடியாது!" என்ற ஒற்றை வரியை வைத்துக்கொண்டு ஒரு த்ரில் அனுபவத்தைப் பெற்றேன். கதைக் கருவை இன்னொரு முறை யோசித்துப் பாருங்கள், எவ்வளவு விபரீதமான ஒன்று !சிறுகதையில் இந்த மாதிரி ஒரு த்ரில்லரை கொடுப்பது கொஞ்சம் சவாலான விஷயம்; கஷ்டம். ஜெப்ரி ஆர்ச்சர் எழுதிய 'லெட்டர்' என்ற சிறுகதை த்ரில்லர் வகையைச் சார்ந்தது. (சுருக்கமாகத் தந்துள்ளேன், குறிப்பு: கொஞ்சம் 'A', சில இடங்களில் ....... என்று நானே சென்சார் செய்துள்ளேன்.)காலை சிற்றுண்டி சாப்பிடும்போது ஆரம்பிக்கிறது கதை. அந்த மேஜையில் அன்னா, மேஜையின் கோடியில் அவளுடைய கணவர் ராபர்ட் உட்கார்ந்துகொண்டு இருக்கிறார். அன்னாவின் தோழி அங்கே வந்து அன்னாவிற்கு நைசாக ஒரு கடிதம் கொடுத்துவிட்டுச் செல்கிறாள்.கவர் மீது இருக்கும் கையெழுத்து அவளுக்குப் பரிச்சியமானதுதான். அவளுடைய கள்ளக்காதலன் எழுதியது!. மேஜை ஓரத்தில் உட்கார்ந்துகொண்டு இருக்கும் ராபர்ட் அன்றைய செய்தித்தாளில் மூழ்கி இதைக் கண்டுகொள்ளாதது அவளுக்கு நிம்மதியாகவே இருந்தது.ஓரக் கண்ணால் ராபர்ட் பார்க்கிறாரா என்று மெதுவாகக் கட்டைவிரலைக் கொண்டு கவரைப் பிரிக்க முயலும்போது, ராபர்ட் இவளைப் பார்த்துச் சிரிக்க, அன்னாவும் பதிலுக்குச் சிரித்துக்கொண்டே கவரைக் கீழே நழுவவிடுகிறார்.ராபர்ட் திரும்ப செய்தித்தாளில் மூழ்க, மெதுவாகக் குனிந்து கவரை எடுத்து, மேஜையில் இருக்கும் வெண்ணெய் தடவும் கத்தியால் பிரித்துப் படிக்கத் தொடங்குகிறார். ராபர்ட் நல்ல வேளை இதைப் பார்க்கவில்லை."டார்லிங், ஸ்டான்ஃபோர்ட்டில் ஒன்றாகப் படுத்த அந்த இரவை மறக்க முடியாது. ஸ்டான்ஃபோர்டும் முதல், உன்னுடன் படுத்த அந்த இரவும் முதல்! ஒரே இரவில் இரண்டு முதல்!. அதே படுக்கை அறையில் நான் இப்போது உட்கார்ந்துகொண்டு இதை எழுதுகிறேன். என்னால் உன்னுடன் இருந்த அந்த இரவை விவரிக்கவே முடியவில்லை!"அன்னா லேசாக சிரித்துக்கொண்டாள்."ஒரு காதலன் தன் காதலியிடம் என்ன வேண்டும் என்று கேட்பானோ அதை எல்லாம் எனக்கு நீ தந்தாய். உன்னுடைய மென்னை, தூண்டுதல், சீண்டுதல், சில சமயம் ஒரு ..................."அன்னா திரும்பப் படிக்கிறாள். தன் உடல் சிவப்பதாக உணர்கிறாள். “இவ்வளவு நன்றாக அனுபவிப்பவனாக இருக்கும் இவனுடன் இன்னொரு முறை ஷாப்பிங் போக வேண்டும்” என்று நினைத்துக்கொண்டு கடிதத்தைத் தொடர்கிறாள்."நாம் ஒன்றாக இருந்த எல்லா கணமும் எனக்கு இன்சுவை. எனக்கு மிகவும் பிடித்த இடங்கள்- சில சமயம் நீ ஒரு மணி நேரமே கிடைத்தாலும் லஞ்ச் பிரேக்கின் போது என்னுடன் இருந்த இடங்கள் ஒவ்வொன்றும் எனக்கு ஞாபகம் இருக்கிறது. வாகனத்தின் பின்னிருக்கை; அப்பறம் அந்த சர்வீஸ் லிப்ட், ஆனால் இவை எல்லாவற்றைக் காட்டிலும், அந்த நீண்ட ஓப்பரா நிகழ்ச்சி. அதன் ஆரம்பம் பிறகு முடிவின் போது... அந்தச் சின்ன அறை!ராபர்ட் செய்தித்தாள் வழியாக ஓரமாகப் பார்க்க அன்னா சிரித்துக்கொண்டு அந்தக் கடிதத்தைத் தன் தொடையின் மீது வைத்துக்கொள்கிறாள்."ஏன் சிரிக்கிறாய்" என்று ராபர்ட் கேட்க,"ஓ அதுவா, ஜேம்ஸ்பாண்ட் கோபுரத்தின் மீது இருக்கும் படத்தைப் பார்த்து""எங்கே..?""முன்பக்கப் பேப்பரில்"பேப்பரைத் திருப்பி, "ஓ ஆமாம்" என்று ராபர்ட் திரும்பவும் செய்தித்தாளில் மூழ்க, அன்னா தன் காதல் கடிதத்தைத் தொடர்கிறாள்..........கொஞ்சம் நேரத்துக்குப் பிறகு தொலைப்பேசி செய்துவிட்டு வருகிறேன் என்று ராபட் கிளம்ப, அன்னா ராபர்ட் போகும் வரை காத்திருந்து கடிதத்தைப் படிக்க ஆரம்பிக்கும் முன் ராபர்ட் தன் மூக்குக்கண்ணாடியை மேஜையில் மறந்துவிட்டுப் போனதைப் பார்க்கிறாள். இன்னும் சில வரிகள் இருக்கும் கடிதத்தைப் படித்துவிட்டு எடுத்துக்கொண்டு போய் கொடுக்கலாம் என்று கடித்ததைத் தொடர்கிறாள்."ஒரு சமயம் நீ போலீஸ் உடையில் என் மீது.... நீ என்னை விடவே இல்லை, அன்று நீ கருப்பு நிற ... அணிந்திருந்தாய். நான் பெரிதாக அலறியபோது தான் என்னை விடுவித்தாய். இதே மாதிரி தான் ஒரு சமயம் என்னை அண்டர்கிரவுண்ட் கார்பார்க்கிங்கில் .... இப்படிக்கு,உன் காதலன்ஓபரியான். அன்னா சிரித்துக்கொண்டாள். எங்கே திரும்பவும் போலீஸ் டிரஸ் கிடைக்கும் என்று நினைத்துக்கொண்டாள். பின்குறிப்பு என்று போட்டு ஏதோ எழுதியிருக்க, அன்னா ராபர்ட் மூக்குக் கண்ணாடி மேஜையில் இல்லாததைக் கவனித்தாள்."திருமணம் ஆன பெண்ணுக்கு எந்தப் பொறுக்கி இந்த மாதிரி கடிதம் எழுதினான்?" என்று ராபர்ட் பின்னாலிருந்து மூக்குக் கண்ணாடியைச் சரிசெய்துகொண்டே கேட்க, நெற்றியில் வியர்வைத்துளியுடன் அன்னா பதற்றமாக....இன்னும் சில வரிகள்தான், கதையைத் தேடிப் படித்துப்பாருங்கள்..!
உடலில் அன்றாடம் ஓடியாடி வேலை செய்வதற்கு ( சும்மா ஒரு பேச்சுக்குச் சொன்னேன் ) கலோரிகள் தேவைப்படுகிறது. கலோரிகள் எரிக்க வில்லை என்றால் அடுத்தமுறை உங்கள் சொந்தங்களின் “இப்ப பூசினமாதிரி இருக்க" என்று நலம் விசாரித்தால் கூடிய சீக்கிரம் "என்ன பூசனி மாதிரி இருக்க" என்று மாறுவதற்குச் சாத்தியக்கூறுகள் இருக்கிறது. ( கலோரி என்பது ஒரு கிராம் தண்ணீரை ஒரு டிகிரி சென்டிகிரேட் சூடாக்கத் தேவைப்படும் உஷ்ணச் சக்தி )“வாக்கிங் போங்க என்றால் எங்கே கேட்கிறார். சதா சர்வ காலமும் ஓடிடியில படம்தான் பார்க்கிறார்” என்று உங்கள் மனைவி சொன்னால் கவலைப்படாதீர்கள். திகில் படம் பார்த்தால் நம்முடைய நாடி நரம்பு எல்லாம் ஓவராக வேலை செய்கிறது, அதனால் ரத்த ஓட்டம் அதிகரிக்கிறது,அதிக அட்ரீனலின் என்ற ஹார்மோன் உற்பத்தி ஆகிறது. இதனால் பசி குறைந்து, Basal Metabolic Rate (சும்மா படுக்கையில் நாள் முழுவதும் படுத்துக்கொண்டே கலோரிகளை எரிப்பது!) அதிகமாகி நிறைய கலோரிகள் எரிக்கப்படுகிறது.ஆல்பிரட் ஹிட்ச்காக் படங்கள் இரண்டு பார்த்தால் போதும் காலரிகளை எரித்துவிடலாம். பல வருடங்கள் முன் சென்னை கமலா தியேட்டரில் அல்பிரட் ஹிட்ச்காக்கின் "ஸ்ட்ரேஞ்சர்ஸ் ஆன் தி ட்ரைன்" [Strangers on the Train (1951)] என்ற படத்தைப் பார்த்தேன். முன்பின் தெரியாத இரண்டு பேர் சந்தித்துப் பேசிக்கொண்டு இருக்கும்போது, "சரி உங்க மனைவியை நான் கொலை செய்கிறேன், நீங்க எங்க அப்பாவை செய்யுங்க, இரண்டு பேருக்கும் மோடிவ் கிடையாது, அதனால் கண்டுபிடிக்க முடியாது!" என்ற ஒற்றை வரியை வைத்துக்கொண்டு ஒரு த்ரில் அனுபவத்தைப் பெற்றேன். கதைக் கருவை இன்னொரு முறை யோசித்துப் பாருங்கள், எவ்வளவு விபரீதமான ஒன்று !சிறுகதையில் இந்த மாதிரி ஒரு த்ரில்லரை கொடுப்பது கொஞ்சம் சவாலான விஷயம்; கஷ்டம். ஜெப்ரி ஆர்ச்சர் எழுதிய 'லெட்டர்' என்ற சிறுகதை த்ரில்லர் வகையைச் சார்ந்தது. (சுருக்கமாகத் தந்துள்ளேன், குறிப்பு: கொஞ்சம் 'A', சில இடங்களில் ....... என்று நானே சென்சார் செய்துள்ளேன்.)காலை சிற்றுண்டி சாப்பிடும்போது ஆரம்பிக்கிறது கதை. அந்த மேஜையில் அன்னா, மேஜையின் கோடியில் அவளுடைய கணவர் ராபர்ட் உட்கார்ந்துகொண்டு இருக்கிறார். அன்னாவின் தோழி அங்கே வந்து அன்னாவிற்கு நைசாக ஒரு கடிதம் கொடுத்துவிட்டுச் செல்கிறாள்.கவர் மீது இருக்கும் கையெழுத்து அவளுக்குப் பரிச்சியமானதுதான். அவளுடைய கள்ளக்காதலன் எழுதியது!. மேஜை ஓரத்தில் உட்கார்ந்துகொண்டு இருக்கும் ராபர்ட் அன்றைய செய்தித்தாளில் மூழ்கி இதைக் கண்டுகொள்ளாதது அவளுக்கு நிம்மதியாகவே இருந்தது.ஓரக் கண்ணால் ராபர்ட் பார்க்கிறாரா என்று மெதுவாகக் கட்டைவிரலைக் கொண்டு கவரைப் பிரிக்க முயலும்போது, ராபர்ட் இவளைப் பார்த்துச் சிரிக்க, அன்னாவும் பதிலுக்குச் சிரித்துக்கொண்டே கவரைக் கீழே நழுவவிடுகிறார்.ராபர்ட் திரும்ப செய்தித்தாளில் மூழ்க, மெதுவாகக் குனிந்து கவரை எடுத்து, மேஜையில் இருக்கும் வெண்ணெய் தடவும் கத்தியால் பிரித்துப் படிக்கத் தொடங்குகிறார். ராபர்ட் நல்ல வேளை இதைப் பார்க்கவில்லை."டார்லிங், ஸ்டான்ஃபோர்ட்டில் ஒன்றாகப் படுத்த அந்த இரவை மறக்க முடியாது. ஸ்டான்ஃபோர்டும் முதல், உன்னுடன் படுத்த அந்த இரவும் முதல்! ஒரே இரவில் இரண்டு முதல்!. அதே படுக்கை அறையில் நான் இப்போது உட்கார்ந்துகொண்டு இதை எழுதுகிறேன். என்னால் உன்னுடன் இருந்த அந்த இரவை விவரிக்கவே முடியவில்லை!"அன்னா லேசாக சிரித்துக்கொண்டாள்."ஒரு காதலன் தன் காதலியிடம் என்ன வேண்டும் என்று கேட்பானோ அதை எல்லாம் எனக்கு நீ தந்தாய். உன்னுடைய மென்னை, தூண்டுதல், சீண்டுதல், சில சமயம் ஒரு ..................."அன்னா திரும்பப் படிக்கிறாள். தன் உடல் சிவப்பதாக உணர்கிறாள். “இவ்வளவு நன்றாக அனுபவிப்பவனாக இருக்கும் இவனுடன் இன்னொரு முறை ஷாப்பிங் போக வேண்டும்” என்று நினைத்துக்கொண்டு கடிதத்தைத் தொடர்கிறாள்."நாம் ஒன்றாக இருந்த எல்லா கணமும் எனக்கு இன்சுவை. எனக்கு மிகவும் பிடித்த இடங்கள்- சில சமயம் நீ ஒரு மணி நேரமே கிடைத்தாலும் லஞ்ச் பிரேக்கின் போது என்னுடன் இருந்த இடங்கள் ஒவ்வொன்றும் எனக்கு ஞாபகம் இருக்கிறது. வாகனத்தின் பின்னிருக்கை; அப்பறம் அந்த சர்வீஸ் லிப்ட், ஆனால் இவை எல்லாவற்றைக் காட்டிலும், அந்த நீண்ட ஓப்பரா நிகழ்ச்சி. அதன் ஆரம்பம் பிறகு முடிவின் போது... அந்தச் சின்ன அறை!ராபர்ட் செய்தித்தாள் வழியாக ஓரமாகப் பார்க்க அன்னா சிரித்துக்கொண்டு அந்தக் கடிதத்தைத் தன் தொடையின் மீது வைத்துக்கொள்கிறாள்."ஏன் சிரிக்கிறாய்" என்று ராபர்ட் கேட்க,"ஓ அதுவா, ஜேம்ஸ்பாண்ட் கோபுரத்தின் மீது இருக்கும் படத்தைப் பார்த்து""எங்கே..?""முன்பக்கப் பேப்பரில்"பேப்பரைத் திருப்பி, "ஓ ஆமாம்" என்று ராபர்ட் திரும்பவும் செய்தித்தாளில் மூழ்க, அன்னா தன் காதல் கடிதத்தைத் தொடர்கிறாள்..........கொஞ்சம் நேரத்துக்குப் பிறகு தொலைப்பேசி செய்துவிட்டு வருகிறேன் என்று ராபட் கிளம்ப, அன்னா ராபர்ட் போகும் வரை காத்திருந்து கடிதத்தைப் படிக்க ஆரம்பிக்கும் முன் ராபர்ட் தன் மூக்குக்கண்ணாடியை மேஜையில் மறந்துவிட்டுப் போனதைப் பார்க்கிறாள். இன்னும் சில வரிகள் இருக்கும் கடிதத்தைப் படித்துவிட்டு எடுத்துக்கொண்டு போய் கொடுக்கலாம் என்று கடித்ததைத் தொடர்கிறாள்."ஒரு சமயம் நீ போலீஸ் உடையில் என் மீது.... நீ என்னை விடவே இல்லை, அன்று நீ கருப்பு நிற ... அணிந்திருந்தாய். நான் பெரிதாக அலறியபோது தான் என்னை விடுவித்தாய். இதே மாதிரி தான் ஒரு சமயம் என்னை அண்டர்கிரவுண்ட் கார்பார்க்கிங்கில் .... இப்படிக்கு,உன் காதலன்ஓபரியான். அன்னா சிரித்துக்கொண்டாள். எங்கே திரும்பவும் போலீஸ் டிரஸ் கிடைக்கும் என்று நினைத்துக்கொண்டாள். பின்குறிப்பு என்று போட்டு ஏதோ எழுதியிருக்க, அன்னா ராபர்ட் மூக்குக் கண்ணாடி மேஜையில் இல்லாததைக் கவனித்தாள்."திருமணம் ஆன பெண்ணுக்கு எந்தப் பொறுக்கி இந்த மாதிரி கடிதம் எழுதினான்?" என்று ராபர்ட் பின்னாலிருந்து மூக்குக் கண்ணாடியைச் சரிசெய்துகொண்டே கேட்க, நெற்றியில் வியர்வைத்துளியுடன் அன்னா பதற்றமாக....இன்னும் சில வரிகள்தான், கதையைத் தேடிப் படித்துப்பாருங்கள்..!